“Türkiyədəki seçkiqabağı proseslər bütün dünyada ciddi izlənilir”. 

Bunu Missiya.Az-a açıqlamasında Sosial Tədqiqatlar Mərkəzinin sektor müdiri, politoloq İlyas Hüseynov deyib.

İ.Hüseynovun fikrincə, Türkiyə Prezidentinin sözçüsü İbrahim Kalının ABŞ Prezidentinin milli təhlükəsizlik üzrə müşaviri Ceyk Sallivan və ABŞ dövlət katibinin siyasi məsələlər üzrə müavini Viktoriya Nulandla görüşü də nümayiş etdirir ki, Türkiyə-ABŞ ilə münasibətlərə böyük diqqət yetirir:

“Danışıqlar zamanı ikitərəfli siyasi və iqtisadi əlaqələr, Türkiyədə baş verən zəlzələlər, müdafiə sənayesində əməkdaşlıq, enerji təhlükəsizliyi, terrorla mübarizə, İsveç və Finlandiyanın NATO-ya üzvlük prosesləri, Rusiya-Ukrayna müharibəsi, Cənubi Qafqaz və Azərbaycan-Ermənistan normallaşma prosesi ətrafında fikir mübadiləsi aparılıb. Lakin Türkiyənin ABŞ-ın təşkil etdiyi “Demokratiya sammitinə” dəvət almaması ABŞ-ın regionda müstəqil siyasət yürüdən hazırki hakimiyyətə qarşı Vaşinqtonun təpkisi kimi qiymətləndirilir”.

Əli İbrahimli
Missiya.Az