Missiya.Az “Report" istinadən xəbər verir ki, bunu Rusiya Xarici İşlər Nazirliyinin MDB ölkələri üzrə dördüncü departamentinin direktoru Denis Qonçar deyib.

Onun sözlərinə görə, hazırda "3+3" formatında ikinci görüşün keçirilməsi ilə bağlı təşkilati məsələlərlə bağlı iş görülür. O, görüşün yaxın aylarda baş tutacağına ümid etdiyini vurğulayaraq deyib: “Bütün iştirakçılara, o cümlədən Gürcüstana dəvət göndərilə bilər”.

D.Qonçar iştirakçılar arasında qarşılıqlı faydalı əməkdaşlığın genişləndirilməsi maraqları naminə “3+3”in məsləhətçi regional platformanın yaradılmasının faydalı olacağına əmin olduqlarını söyləyib: “Xatırladıram ki, 2021-ci ilin dekabrında Moskvada keçirilən təsis yığıncağı zamanı ümumi maraq doğuran mövzular bunlar olmuşdu: iqtisadi ticarət, nəqliyyat, mədəni-humanitar əlaqələrin inkişafı, habelə ümumi çağırışlara və təhdidlərə qarşı mübarizə”.