![](/uploads/posts/2022-05/medium/1653315411_1653315377086.jpeg)
Milli Məclisin Beynəlxalq münasibətlər və parlamentlərarası əlaqələr komitəsinin sədri, Avropa Şurası Parlament Assambleyasında (AŞPA) Azərbaycan nümayəndə heyətinin rəhbəri Səməd Seyidov AŞPA-nın Monitorinq komitəsinin iclasında iştirak etmək üçün mayın 24-dən 25-nə kimi Fransanın paytaxtı Parisdə səfərdə olacaq.
Missiya.Az APA-ya istinadən xəbər verir ki, bu barədə Milli Məclisin Mətbuat və ictimaiyyətlə əlaqələr şöbəsindən məlumat verilib.
Monitorinq komitəsinin iclasında əvvəlki iclasların protokollarının təsdiqlənməsi, üzv ölkələr tərəfindən öhdəliklərin yerinə yetirilməsi kimi məsələlərə baxılacaq, komitənin növbəti iclasının yeri və vaxtı müəyyən ediləcək.
Səməd Seyidov həmçinin AŞPA-nın Daimi komitəsinin iclasında iştirak etmək üçün mayın 30-dan iyunun 2-nə kimi İrlandiyanın Dublin şəhərində səfərdə olacaq.
AŞPA-nın Daimi komitəsinin iclasında təşkilati məsələlər baxılacaq, “Miqrasiya, qaçqınlar və məcburi köçkünlərlə bağlı siyasət”, “Sosial məsələlər, səhiyyə və dayanıqlı inkişaf” kimi mövzular müzakirə ediləcək.
Milli Məclisin komitə sədri Səməd Seyidov müzakirəyə çıxarılan məsələlər barədə öz fikirlərini açıqlayacaq, qeyd və təkliflərini bildirəcək.