Ukraynada baş verən müharibə qlobal nəticələrə səbəb ola bilər.
Missiya.Az “RBC Ukrayna” xəbər verir ki, bu barədə BMT məlumat yayıb.
BMT-nin Baş katibi Antonio Quterreş bildirib ki, dünyada ciddi qida problemləri yarana bilər.
"Ukraynadakı müharibədən əvvəl dünya koronavirus pandemiyası və iqlim dəyişikliyinin yaratdığı fəsadlara üz-üzə olub. Biz indi inkişaf etməkdə olan ölkələrin iqtisadiyyatlarını məhv etmək təhlükəsi yaradan böyük fırtına ilə üz-üzəyik”.
BMT-nin hesabatında deyilir ki, Ukrayna və Rusiya dünyada istehlak edilən buğda və arpanın təxminən 30%-nə qədərini istehsal edir.
“107 ölkədə 1,7 milyarda qədər insan, xüsusilə Afrika, Asiya, Sakit Okean və Latın Amerikası ölkələrində üç böhrandan ən azı birinin təsirinə məruz qalacaq”.
Samir Hüseynov
Missiya.Az