Ukrayna Prezidenti Volodimir Zelenski bildirib ki, Kiyev Rusiya ilə istənilən formatda görüşməyə hazırdır və ərazi məsələləri Rusiya Prezidenti Vladimir Putinlə ikitərəfli əsasda müzakirə olunacaq. 

Missiya.Az xəbər verir ki, bu sözləri Ukrayna lideri Ağ Ev görüşündən sonra jurnalistlərə açıqlamasında deyib.

"Təhlükəsizlik zəmanətləri yəqin ki, tərəfdaşlarımız tərəfindən açıqlanacaq və getdikcə daha çox təfərrüat ortaya çıxacaq. Bütün bunlar növbəti həftə və ya 10 gün ərzində kağız üzərində formalaşdırılacaq", - Zelenski mətbuat konfransında bildirib. 

Onun sözlərinə görə, ABŞ-nin Ukrayna üçün təhlükəsizlik zəmanətlərinin koordinasiyasına və iştirakına kömək edəcək ölkələr arasında olacağına dair aydın siqnal verməsi vacibdir. Hesab edirəm ki, bu, irəliyə doğru böyük addımdır.

Qeyd edək ki, avqustun 18-də keçirilən görüşdə ABŞ lideri Donald Tramp Zelenskiyə deyib ki, Rusiya-Ukrayna müharibəsini dayandırmaq üçün istənilən razılaşmada Ukraynanın təhlükəsizliyinə zəmanət verməyə kömək edəcək.

Nurlana Əhmədova
Missiya.Az