Ana səhifə > Gündəm / Redakor seçimi > Prezident Azərbaycan-Latviya müdafiə sahəsində əməkdaşlıq Sazişini təsdiqləyib

Prezident Azərbaycan-Latviya müdafiə sahəsində əməkdaşlıq Sazişini təsdiqləyib


25-05-2022, 15:48

“Azərbaycan Respublikasının Müdafiə Nazirliyi ilə Latviya Respublikasının Müdafiə Nazirliyi arasında müdafiə sahəsində əməkdaşlıq haqqında Saziş” təsdiq edilib.

Missiya.Az
APA-ya istinadən xəbər verir ki, bu barədə Azərbaycan Respublikasının Prezidenti Fərman imzalayıb.

Fərmanla 2022-ci il aprelin 26-da Bakı şəhərində imzalanmış “Azərbaycan Respublikasının Müdafiə Nazirliyi ilə Latviya Respublikasının Müdafiə Nazirliyi arasında müdafiə sahəsində əməkdaşlıq haqqında Saziş” təsdiq edilib.

Bu Fərmanın 1-ci hissəsində göstərilən Saziş qüvvəyə mindikdən sonra Azərbaycan Respublikasının Müdafiə Nazirliyi onun müddəalarının həyata keçirilməsini təmin etməlidir.

Azərbaycan Respublikasının Xarici İşlər Nazirliyi Sazişin qüvvəyə minməsi üçün zəruri olan dövlətdaxili prosedurların yerinə yetirildiyi barədə Latviya Respublikası Hökumətinə bildiriş göndərməlidir.
Geri qayıt