b_550_325_16777215_00_images_xeber_sekilleri_11yanvar2017_37.jpg
Son vaxtlar xaricdə ermənilərin nəzarəti altında olan media orqanlarının Azərbaycanla bağlı yaydığı dezinformasiyaların sayı kəskin şəkildə artıb. 

Missiya.Az xəbər verir ki, yalan informasiyalar əsasən Ermənistan dövləti, erməni diasporu və lobbisinin birbaşa tapşırığı və nəzarəti altında tirajlanır. Ermənistanda və xaricdə yaşayan ermənilər Azərbaycan barədə yalan informasiyaları «aprel müharibəsində» məğlub olduqdan sonra daha da artırıb. Demək olar ki, hər gün xarici mətbuatda erməni lobbisinin tapşırığı ilə ölkəmizlə bağlı yalan məlumatlar yazılır. Ukrayna Azərbaycanlıları Birləşmiş Diasporunun (UABD) birinci müavini Murad Cəfərov Missiya.Az-a açıqlamasında belə hallarla dəfələrlə qarşılaşdığını deyib. 

«Bugünlərdə mətbuatda bir-birinə bağlılığı olmayan iki uydurma xəbərlə rastlaşdım. Bu xəbərlər ermənilər tərəfindən Rusiya və Ukrayna KİV-ləri vasitəsi ilə fəal yayımlanır. Bir az araşdırma apararaq özüm üçün nəticə çıxartdım ki, bu media resursları erməni diasporasına aiddir. Deməli, bu xəbərlərdən birində yazılmışdı ki, guya Suriyanın əsas dini müftisi bildirib ki, Qarabağ tarixən qədim erməni torpağıdır».

Murad Cəfərovun sözlərinə görə, xaricdə yaşayan ermənilərin nəzarəti altında fəaliyyət göstərən internet saytının yaydığı digər yalan xəbər isə SOCAR-la bağlı idi: 

«Xəbərdə qeyd edilirdi ki, guya SOCAR Ukraynada fəaliyyət göstərən yanacaq doldurma stansiyalarında öz işçilərinə müştərilərlə öz ana dillərində danışmağa icazə vermir». Diaspora rəsmisi hər iki xəbərdə ilk mənbənin və hər hansı istinadın olmadığını bildirib. «Sadəcə olmayan bir şeydən götürüb xəbər yaradıblar! Mən bir gün ərzində təsadüfən iki yalan xəbərlə rastlaşdım. Siz təsəvvür edin ki, onlar həftələr, aylar ərzində adi oxuculara nə qədər belə yalan informasiyalar yayırlar?!»

b_550_325_16777215_00_images_xeber_sekilleri_11yanvar2017_28.jpg
Murad Cəfərov - UABD-ın birinci müavini 

Belə məlumatların hər gün daha da artması bəzi suallar ortaya çıxarır. Xaricdə erməni lobbisi və diasporası ilə informasiya müharibəsi aparmaq üçün birbaşa məhsul olan qurumlar var və bu qurumların xaricdə fəaliyyət göstərən Azərbaycan təşkilatlarına dəstək verməsi məqsədəuğyun olardı. Ölkəmizə qarşı yönəlmiş informasiya müharibəsində Azərbaycanın müvafiq qurumları üzərinə düşən vəzifələrini yerinə yetirə bilirmi? Erməni lobbisinin Azərbaycanla bağlı hər gün artan yalan məlumatları ilə münaqayisədə bunu heç də müsbət qiymətləndirmək olmaz. Hər kəsə məlumdur ki, ermənilər döyüş meydanında Azərbaycana qalib gələ bilmir. Amma Azərbaycan informasiya müharibəsində Ermənistan açıq şəkildə məğlub olur. Ermənilər həmişə Azərbaycan qarşı qərəzli müharibə aparıblar. Onlar bizdən aprel məğlubiyyətinin əvəzini hər nə yolla olur olsun çıxmağa çalışırlar. Bunu xaricdə Azərbaycanın imicini ləkələməklə etməyə can atırlar.

Azərbaycana qarşı aparılan informasiya müharibəsinə elə ermənilərin öz metodları ilə cavab vermək lazımdır. Erməni lobbisi və diasporası xarici ölkəsinin təbliğatını aparmaq və Azərbaycana qarşı yalan məlumatlar tirajlamaq üçün böyük media qurumları yaradıb. Onlar Rusiya, ABŞ, Ukrayna, Kanada və Avropa ölkələrində yaratdıqları saytlar, qəzetlər və digər informasiya təşkilatları vasitəsi ilə rahatlıqla Azərbaycanla bağlı yalan informasiyaları yaşadıqları ölkələrin ictimayyətinə çatdıra bilirlər. Yuxarıda qeyd edilən media orqanları birbaşa diaspora təşkilatlarının idarəçiliyinə verilib. Bundan başqa yaradılan media qurumlarına ölkəsinin təbliğatı üçün geniş meydan verilib. Erməni diasporalarına məxsus və onların nəzarəti altında olan media orqanları dünyanın müxtəlif ölkələrində Ermənistanla bağlı infromasiyaları asanlıqla yaya bilirlər. Bunun ilk baxışda kiçik bir iş kimi qəbul etmək olar. Amma zamanla xaricdə diasporaların əlində olan media gücünün nə qədər əhəmiyyətə malik olduğunu hiss etmək olur.

Həmin media orqanları vasitəsi ilə həm yalan informasiyalara qarşı mübarizə aparmaq, həm də ölkənin mədəniyyətinin, turizminin və digər sahələrinin təbliğatını həyata keçirmək olur. Amma çox təəssüf ki, Azərbaycan diasporalarının əlində belə bir imkan yoxdur. Ona görə də erməni lobbisi həm Qarabağla, həm də ümumilikdə Azərbaycanla bağlı yalan informasiyalar yaymağa davam edir.

Ermənilərin Azərbaycana qarşı həyata keçirdiyi informasiya müharibəsi və bu konteksdə Azərbaycan həqiqətlərinin dünyaya çatdırılması prezident İlham Əliyevin də xüsusi diqqət mərkəzindədir. Prezident ötən il iyunun 3-də keçirilən Dünya Azərbaycanlılarının IV Qurultayının açılış mərasimində çıxışı zamanı Azərbaycan həqiqətlərinin dünya birliyinə çatdırılması məsələsinə diqqət çəkərkən medianın bu sahədə oynayacağı rolu xüsusi qeyd edib. «Diaspor təşkilatları yaşadıqları ölkələrdə internet saytları açmalıdırlar. Biz bunu hələ ki, görmürük. O internet saytları yaşadıqları ölkələrin ictimaiyyəti üçün maraqlı olmalıdır, eyni zamanda, Azərbaycan həqiqətləri orada göstərilməlidir. Bu proses daim aparılmalıdır. Azərbaycan dilində və xarici dillərdə qəzetlər dərc edilməlidir ki, azərbaycanlılar, onların övladları oxusunlar, Ana dilini bilsinlər, həm də o ölkələrin ictimaiyyəti oxusun»,-deyə prezident qurultayda bildirib.


Prezident İlham Əliyevin Dünya Azərbaycanlılarının IV Qurultayında çıxışı

Bu məsələyə dövlət dəstəyi göz qabağındandır. Prezidentin bu məsələyə ciddi diqqət yetirməsi müvafiq orqanları hərəkətə keçirməlidir. Onlar xaricdəki Azərbaycan diasporalarının media orqanlarını təşkil etməlidirlər. Bu media orqanları vasitəsi ilə qondarma “erməni soyqırımı” iddialarının təbliğinin sıfıra endirilməsi və ölkəmizin Ermənistan tərəfindən işğal olunmuş Dağlıq Qarabağ bölgəsində qurulmuş separatçı rejimin müstəqil dövlət kimi tanıdılması istiqamətində kampaniyaların qarşısının alınması üçün böyük imkanlar yaratmaq olar. Həmçinin bu media orqanları vasitəsi ilə xaricdə Azərbaycanla bağlı yazılan dezinformasiyalara diaspora təşkilatları rahatlıqla cavab verə və əks hücum təşkil edə bilər. Azərbaycan üçün informasiya müharibəsində qalib olmaq döyüş meydanında qalib olmaq qədər əhəmiyyətli olmalıdır. Azərbaycan ordusu ölkəmizi döyüş meydanında qalib etməyi bacarıb.

Amma ümumilikdə Azərbaycanın xarici ölkələrdəki bəzi diaspora təşkilatları meddia orqanlarının yaradılmasında maraqlı olduqlarını qeyd ediblər. Belə təkliflərdən biri də Ukrayna Azərbaycanlıları Birləşmiş Diasporunun sədri Hikmət Cavadov tərəfindən irəli sürülüb. Diaspora sədri 4-cü Ümumukrayna Azərbaycanlıları Forumunda diaspora təşkilatlarının media orqanlarının yaradılması barədə layihə və təkliflər hazırlandığını bildirmişdi. Artıq Ukrayna Azərbaycanlıları Birləşmiş Diasporu tərəfindən bu barədə ciddi addımlar atılır. UABD media resuslarının yaradılmasına yönündə işlərə start verib. Nə qədər ki, Azərbaycan diasporası bütün xarici nümayəndəliklərinin öz fəaliyyət göstərdikləri ölkələrdə şəxsi media resursları yaratmayacaq, həmişə Ermənistana informasiya müharibəsində onlara uduzacaq!

İdrak Camalbəyli
Elvin Məmmədov
Missiya.Az

26 Aprel 2017 Bakıya yeni prokuror təyin olundu
25 Aprel 2017 Bakıda küçə ticarətinə qarşı reydlər başladı
25 Aprel 2017 Millət vəkilidən ürək xəstələrilə bağlı vacib təklif - FOTO
25 Aprel 2017 Bakı şəhər prokuroruna yeni vəzifə verildi
24 Aprel 2017 Zahir Əzəmət: "Əsas rəqibimiz "Facebook" və "Google"dur" - 10 yaşın söhbəti
24 Aprel 2017 "Bütün bombaların anası" belə partladı - VİDEO
24 Aprel 2017 Müğənni Damlanı Rusiyadan qovdular
24 Aprel 2017 Millət vəkili Çernobıl əlilləri ilə görüşdü - FOTO
24 Aprel 2017 Minaya düşən ATƏT əməkdaşının +18 ŞOK görüntüləri yayılıb - VİDEO
24 Aprel 2017 Azərbaycanda biznesmen itlərini evləndirdi - FOTO/VİDEO
22 Aprel 2017 “AST Telman” şikayət etdi - FOTO
21 Aprel 2017 Musa Pənahov nazir müavini təyin olunub
21 Aprel 2017 Yük maşını Quba yolunda qorxulu anlar yaşatdı - 140 sürət - VİDEO
21 Aprel 2017 İlhamə Quliyevanın sevimli gödəkçəsi girovluqda - sensasion araşdırma
21 Aprel 2017 Abonentden “Azercell”ə sərt ittihamlar - FOTO
21 Aprel 2017 20 ilin icra başçıları: kimlər karyerasını eyni vəzifədə davam etdirir? - SİYAHI
21 Aprel 2017 Bakıda sürətlə arxa-arxaya hərəkət edən maşın sürücülərə dəhşət yaşatdı - VİDEO
20 Aprel 2017 Avtovağzalın taleyi ilə bağlı - Rəsmi açıqlama
20 Aprel 2017 Həm cəbhə, həm də diasporda düşmənə qarşı savaşan mərhum polkovnik
20 Aprel 2017 Deputat onu söyənləri Milli Məclisə çağırır - “Kişidilərsə, gəlsinlər”