b_550_325_16777215_00_images_xeber_sekilleri_22fevral2019_fexdsffdgg.jpg

Bakı Ağır Cinayətlər Məhkəməsində dövlətə xəyanətdə təqsirləndirilən Abbasov Fəxrəddin Fərman oğlunun cinayət işi üzrə məhkəmə prosesi başa çatıb. 

Missiya.Az xəbər verir ki, hakim Faiq Qəniyevin sədrliyi ilə keçirilən prosesdə hökm oxunub.

Hökmə əsasən, Fəxrəddin Abbasov 16 il müddətinə azadlıqdan məhrum edilib. 

Qeyd edək ki, Dövlət Təhlükəsizliyi Xidmətində (DTX) istintaqı aparılan cinayət işi üzrə Azərbaycan Respublikasının vətəndaşı Abbasov Fəxrəddin Fərman oğlunun Cinayət Məcəlləsinin 281.2 (Dövlət əleyhinə yönələn açıq çağırışlar) və 283.1-ci (Milli, irqi nifrət və düşmənçiliyin salınması, milli ləyaqətin alçaldılması), 274-cü (Dövlətə xəyanət) maddələrində nəzərdə tutulan cinayət əməllərini törətməkdə şübhəli bilinərək, bu əməllərə görə təqsirləndirilən şəxs kimi məsuliyyətə cəlb edilməsinə dair qərar qəbul edilib. 

Səbail rayon məhkəməsinin 14 iyul 2018-ci il tarixli qərarı ilə Abbasov Fəxrəddin Fərman oğlunun barəsində həbs qətimkan tədbiri seçilib. Abbasov Fəxrəddin Fərman oğlu Rusiya Federasiyasında müvəqqəti yaşamaq hüququ müddətinin bitməsi ilə əlaqədar Moskva vilayəti Lyuberetsk şəhər məhkəməsinin deportasiya haqqında qərarı icra olunarkən, 28 fevral 2019-cu ildə Bakı şəhəri Beynəlxalq Hava Limanında Azərbaycan Respublikası hüquq-mühafizə orqanları tərəfindən saxlanılıb və istintaqa cəlb edilib. 

Azərbaycan Respublikasının vətəndaşı Abbasov Fəxrəddin Fərman oğlunun Ermənistan Respublikasına səfərləri, özünün də bildirməsinə görə, Ermənistan xüsusi xidmət orqanı əməkdaşı ilə apardığı görüş və əlaqələrinin mahiyyəti, Ermənistan Respublikasında keçirilən və kütləvi informasiya vasitələrində, sosial şəbəkələrdə yayımlanan tədbirlərə canlı yayımda qoşularaq Azərbaycan Respublikası və onun ərazi bütövlüyü əleyhinə çağırışlar edib. 

Fəxrəddin Abbasov (özünü Faxroddin Abboszoda adlandırır) Azərbaycana düşmən kəsilən separatçı, bir zamanlar ölkəmizi bölməyə və “Talış-Muğan Respublikası” yaratmağa çalışmış Ələkrəm Hümbətov tərəfindən 1993-cü ildə qondarma qurumun “parlamentinin spikeri” təyin olunmuşdu. Xəyanətin qarşısı alındıqdan sonra qaçıb Rusiyaya sığınan F.Abbaszadə uzun müddətdir xaricdən Azərbaycan dövlətçiliyi əleyhinə mütəmadi təxribat xarakterli kəskin çıxışlar edib.



27 Mart 2020 "Boş şey deməklə” əllərimizi yelləsək mənzillərimizdə hər gün meyid görəcəyik" - Mirşahin Ağayev
25 Mart 2020 Qeyri-iş günləri bu dövlət orqanları və qurumlarına aid deyil - SİYAHI
19 Mart 2020 Prezident koronavirusa görə 1 milyard manat ayırdı - SƏRƏNCAM
18 Mart 2020 Mehriban Əliyeva koronavirusla bağlı xalqa müraciət etdi
16 Mart 2020 Prezident sərəncam imzaladı: 63 min nəfər əhaliyə ŞAD XƏBƏR
13 Mart 2020 Prezident "Azərsığorta"nın sədrini işdən çıxardı - SƏRƏNCAM
12 Mart 2020 Prezidentin Ukraynaya səfir təyin etdiyi Elmira Axundova kimdir? - DOSYE
12 Mart 2020 Vaşinqtonda fövqəladə hal elan edildi - Koronavirusa görə
11 Mart 2020 Azərbaycan və Türkmənistan prezidentlərinin geniş tərkibdə görüşü
10 Mart 2020 Zahid Oruc da komitə sədri oldu
10 Mart 2020 Milli Məclisin yeni sədri kimdir? - TƏRCÜMEYİ-HAL
08 Mart 2020 Mehriban Əliyeva qadınları təbrik etdi - FOTO
06 Mart 2020 Azərbaycanda keçmiş nazirə vəzifə verildi
04 Mart 2020 Tovuzda “ASAN Həyat” kompleksi stifadəyə verildi
04 Mart 2020 İlham Əliyev Qazaxda əhəng zavodunun açılışında iştirak edib - FOTO
03 Mart 2020 Ərdoğan Rusiya və İran prezidentlərinə müraciət etdi — SON DƏQİQƏ
02 Mart 2020 Prezident qazlaşdırma ilə bağlı sərəncam imzaladı
28 Fevral 2020 Rusiya səfirliyindən koronavirusa yoluxan vətəndaşı ilə bağlı AÇIQLAMA - VİDEO
28 Fevral 2020 İlham Əliyev Rəcəb Tayyib Ərdoğana başsağlığı verdi
28 Fevral 2020 Əsəd rejimindən şəhidlərin qısası alınacaq - Ərdoğan qərar verdi