b_550_325_16777215_00_images_xeber_sekilleri_22fevral2019_dfdvvfdfsddfeer.jpg

Azərbaycan və Avropa Komissiyası arasında bir çox məsələlər həllini tapıb.

Missiya.Az verir ki, bunu iyulun 9-da Azərbaycan Prezidenti İlham Əliyev Bakıda Avropa İttifaqı Şurasının prezidenti Donald Tuskla birgə mətbuata bəyanatında deyib.

İlham Əliyevin sözlərinə görə, Aİ Şurası prezidentinin bugünkü səfəri bir daha onu nümayiş etdirir ki, Avropa Komissiyası ilə Azərbaycan arasında əlaqələrin çox müsbət dinamikası var.

“Bu gün təkbətək və nümayəndə heyətlərinin iştirakı ilə görüşlərimiz zamanı biz ikitərəfli əməkdaşlığımıza dair geniş spektrli məsələləri, regional inkişaf və təhlükəsizlik məsələlərini müzakirə etdik. Biz yeni sazişlə bağlı Avropa Komissiyası ilə Azərbaycan arasında davam edən danışıqları müzakirə etdik. Danışıqların perspektivləri ilə bağlı fikirlərimizi ifadə etdik. Danışıqlar uğurla davam edir. Bir çox məsələlər artıq öz həllini tapıb. Hazırda biz yaxşı tərəfdaşlıq ruhunda digər məsələlər üzərində iş aparırıq”.

Dövlət başçısı xatırladıb ki, ötən il Avropa Komissiyası ilə Azərbaycan arasında Tərəfdaşlıq prioritetləri sənədi qəbul olundu:

“Bu, çox mühüm sənəddir. Burada Azərbaycanın ərazi bütövlüyü, suverenliyi və sərhədlərinin toxunulmazlığına dəstək ifadə olunur. Bu gün cənab Prezidentlə təkbətək görüşümüz zamanı mən ona Ermənistan-Azərbaycan Dağlıq Qarabağ münaqişəsinin həlli ilə bağlı mövqeyimiz barədə məlumat verdim. Münaqişə Azərbaycanın ərazi bütövlüyü çərçivəsində və BMT Təhlükəsizlik Şurasının müvafiq qətnamələrinə əsasən həll olunmalıdır. Uzun illərdir ərazilərimiz erməni işğalı altındadır. Bir milyondan çox qaçqın və məcburi köçkün bu təcavüz və işğaldan əziyyət çəkir. Bizim qəti mövqeyimiz ondan ibarətdir ki, münaqişə Azərbaycanın ərazi bütövlüyü çərçivəsində həll olunmalıdır. Səylərimiz münaqişənin ən tez zamanda həllinə yönəlib. Münaqişənin indiyədək həll olunmamasının əsas səbəbi Ermənistanın qeyri-konstruktiv mövqeyidir. Qeyd etməliyəm ki, beynəlxalq ictimaiyyətin və ATƏT-in Minsk qrupunun səyləri münaqişənin ən tez zamanda həllinə yönəlməlidir. Status-kvo qəbuledilməzdir və dəyişməlidir. Status-kvonun dəyişməsi Azərbaycan ərazilərinin işğaldan azad edilməsinin başlanması deməkdir”.

İlham Əliyev deyib ki, Azərbaycan və Avropa İttifaqı enerji təhlükəsizliyi və nəqliyyat sahələrində çox konstruktiv əməkdaşlıq edir:

“Cənub Qaz Dəhlizi layihəsi uğurla həyata keçirilir. Nəqliyyat sektoruna gəlincə, Azərbaycanda logistika və nəqliyyat sahəsinə yatırılan investisiyalar bizə mühüm nəqliyyat habına çevrilmək imkanı verib. Şərq-Qərb və Şimal-Cənub dəhlizləri ölkəmizin ərazisindən keçir. Sözsüz ki, coğrafi mövqeyimiz üstünlük yaradır, lakin nəqliyyat sektoruna investisiyalar yatırılmasaydı, coğrafi mövqeyimiz o qədər də böyük məna kəsb etməzdi. Bu səbəbdən də son illərdə bizim bu istiqamətdəki səylərimiz artıq yaxşı nəticələr verir, Azərbaycan mühüm tranzit ölkəyə çevrilir. Gələcəkdə bizim tranzit ölkə kimi rolumuz sözsüz ki, artacaq”.

16 İyul 2019 Keşikçi Dağa giriş qadağan edildi
15 İyul 2019 ABŞ Türkiyə barədə qərarını verdi: "ABŞ-ın düşmənləri" qanunundan istifadə olunacaq - VİDEO
13 İyul 2019 "Ulu öndər" sənədli filminin və mahnının təqdimat mərasimi keçirilib
13 İyul 2019 Tramp İranla müharibə etmək hüququndan məhrum edildi
12 İyul 2019 “Azərbaycan Qarabağı belə azad edəcək”- Levon Şirinyan
12 İyul 2019 Şimali Koreya “F-35” qırıcılarını məhv edəcək silah hazırlayır
11 İyul 2019 Prezident onları da mükafatlandırdı - FOTOLAR
11 İyul 2019 İranın beş hərbi kateri Britaniya tankerini ələ keçirmək istəyib
10 İyul 2019 “Müharibəni təkcə səngərlərdə deyil, xarici ölkələrdə də aparırıq” – VİDEO
10 İyul 2019 "Gəncəlilər bir daha sübut etdilər ki, Dövlətə bağlı, Prezidentə sadiqdirlər" - Xanlar Fətiyev
09 İyul 2019 Prezident və Donald Tusk mətbuata bəyanatlarla çıxış ediblər
09 İyul 2019 Saakaşvilidən Putinin təhqir olunmasına reaksiya
09 İyul 2019 ABŞ yenə Türkiyəni təhdid etdi: "S-400-lər ölkəyə gətirilsə..." - VİDEO
08 İyul 2019 Sabah Milli Məclisin növbədəkənar sessiyasının plenar iclası keçiriləcək
06 İyul 2019 Poroşenko 340 kq-lıq dollar gizlədib - Pullar axtarılır
04 İyul 2019 Deputatlar Silahlı Qüvvələrə Yardım Fonduna pul köçürüblər
04 İyul 2019 Putin Zelenskiyə şərt qoydu
27 İyun 2019 Angela Merkelin halı yenidən pisləşdi - Titrəməyə başladı - VİDEO
26 İyun 2019 Yıldırım bundan sonra hansı vəzifəni tutacaq?
25 İyun 2019 Ərdoğan: İstanbulluların qərarının başımız üstündə yeri var