b_550_325_16777215_00_images_xeber_sekilleri_22fevral2019_1559639673_410884220.jpg
Qafqaz Müsəlmanları İdarəsinin sədri Şeyxülislam Allahşükür Paşazadə Ramazan bayramı münasibətilə Azərbaycan xalqını təbrik edib.
 
Missiya.Az xəbər verir ki, İdarədən Trend-ə verilən məlumata görə, təbrikdə deyilir:
 
"Möhtərəm həmvətənlərim, əziz müsəlman qardaş və bacılarım!
 
Dünya müsəlmanlarının əziz günü -- mübarək Ramazan bayramı münasibətilə hamınızı səmimi qəlbdən təbrik edir, Allahdan oruc və namazlarınızın qəbul, dualarınızın müstəcab olmasını diləyirəm.
 
Əzəmət və sevinci hədsiz olan bu ülvi bayram insanlara böyük səadət və fəxarət bəxş edir. Həmd-səna olsun Uca Allaha ki, Onun Rizasını qazanmaq üçün müsəlman qardaş və bacılarımız bu mübarək ay boyunca bütün ibadətlərini sonsuz ehtiram, fərəh və səylə tamamlayaraq, Ramazani-Şərifin bayram səadətinə qovuşmağa nail olmuşlar. Qoy Islam dininə ehtiramını nümayiş etdirmiş, Allahın vacib hökmü olan oruc ibadətini səmimi hisslərlə başa vurmuş xalqımıza bu mübarək ayın fəzilət və bərəkətlərindən nəsib olsun.
 
Mərhəmət, savab və ülfət ayı olan Ramazan bəşər övladına dözüm, xeyirxahlıq və yardımlaşmanı təlqin edir. Bu ülvi bayram günündə qohum-əqrəba, valideynlərə baş çəkilməsi, küsülülərin barışması, yetim, kimsəsiz və ehtiyacı olanlara şəfqət göstərilməsi, dünyasını dəyişmiş yaxınların qəbirlərinin ziyarəti müstəhəb əməllərdəndir.
 
Allah Təbarəkə və Təalanın Lütfü və Mərhəməti sayəsində Ramazan bayramını qarşılayan xalqımızın ülvi arzuları Vətənimiz üçün səadət, əmin-amanlıq istəkləri ilə qovuşur. Bu əziz gündə biz Allaha dualar edirik ki, inşallah, işğal altında olan torpaqlarımızın azad edilməsini, dövlətçiliyimizin davamlı olaraq tərəqqisini, Azərbaycanın dünya birliyində mövqe və nüfuzunun daha da möhkəmlənməsini bizlərə nəsib etsin.
 
Bu əziz bayram günündə qədirbilən xalqımız Azərbaycanın milli-mənəvi dəyərlərinin dirçəldilməsi və inkişafında əvəzsiz xidmətləri olmuş ümummilli liderimiz Heydər Əliyevin ruhuna rəhmət oxuyur və onun layiqli davamçısı, müstəqil Azərbaycanın siyasi, iqtisadi, mədəni-mənəvi qüdrətinin təmini üçün yorulmaz səylər göstərən, dövlətçilik tariximizə yeni, qürurverici səhifələr yazan Prezident İlham Əliyev həzrətlərinə Azərbaycanın tərəqqisi, Haqq işimizin qələbəsi naminə fəaliyyətində böyük nailiyyətlər diləyirlər.
 
Bir daha əziz bayram - Eydül-Fitr səadətinə yetişən bütün müsəlmanlarımızı səmimi qəlbdən təbrik edir, xeyir-dualarımı yetirirəm.
 
Qoy qəlbində Allah məhəbbəti yaşadan xalqımızın, inşallah, bütün ülvi arzu və niyyətləri gerçəkləşsin! Allah cəmi şəhidlərimizə rəhmət eləsin, qəbirləri nurla dolsun! Qoy Allah orucumuzun əcri olaraq Öz Lütfü sayəsində bizlərə xeyir və bərəkətini artırsın, mənəvi birliyimizi gücləndirsin! AMIN!
 
Vəs-səlamu əleykum və rəhmətullahi və bərəkatuhu!"
17 Sentyabr 2019 Ərdoğan husilərin Səudiyyəyə hücumuna münasibət bildirib: Əvvəl kim başlayıb?!
17 Sentyabr 2019 Zakir Həsənov: "Ermənistan Dağlıq Qarabağ münaqişəsinin həlli ilə bağlı sülh danışıqlarını qəsdən yubadır"
17 Sentyabr 2019 Ərdoğan, Putin və Ruhaninin Ankara görüşündə razılıq əldə olundu - FOTO
16 Sentyabr 2019 İlham Əliyev və xanımı 300 nömrəli məktəbin yeni tədris kompleksinin açılışında - FOTO
13 Sentyabr 2019 Paşinyanın Azərbaycanla razılaşmaqdan başqa çarəsi yoxdur - Rəsmi Bakıdan bəyanat
12 Sentyabr 2019 İlham Əliyev AŞPA Prezidentini qəbul etdi
12 Sentyabr 2019 Prezident İlham Əliyev “Xətai” stansiyasında görülən işlərlə tanış olub - FOTO
12 Sentyabr 2019 Xanlar Fətiyev: “Dövlətçiliyimizin qorunması üçün hər birimiz var gücümüzlə çalışmalıyıq”
11 Sentyabr 2019 “Azərbaycanda uşaq pulu verilmir” fikri doğru deyil” - Əli Əhmədov
11 Sentyabr 2019 İqtidarla müxalifət birgə bəyanat yaydı
10 Sentyabr 2019 Putin 30 general və polkovniki işdən çıxardı
10 Sentyabr 2019 AŞ PA prezidenti Azərbaycana niyə gəlir?
10 Sentyabr 2019 İsrail İranla bağlı dünyada bomba effekti yaradacaq görüntülər tapdı - VİDEO
10 Sentyabr 2019 "Bizim hər birimiz nə vaxtsa istefaya gedəcəyik" - Əli Əhmədov
09 Sentyabr 2019 Tomas de Vaal: Bu, Paşinyanda olmayan böyük strateji müdriklik tələb edir
06 Sentyabr 2019 Siyavuş Novruzov müxalifəti qanvermə aksiyasında iştiraka dəvət etdi
05 Sentyabr 2019 Monqolustan Prezidentini "podium"a dəvət etdilər: Putin zarafatlaşdı - VİDEO
05 Sentyabr 2019 PA-da vəzifəli şəxs işdən çıxarıldı - FOTO
05 Sentyabr 2019 "Şimal-2" istismara verildi: İlham Əliyev açılışda - FOTO
04 Sentyabr 2019 Heydər Əliyev Fondu bu uşaqlara pulsuz məktəb ləvazimatları verəcək