b_550_325_16777215_00_images_xeber_sekilleri_08yanvar2018_405206699.jpg “Dünyada terrorla bağlı kriteriyalar hər hansı bir ölkənin subyektiv yanaşmaları ilə müəyyənləşmir. Orada konkret seçilmiş qaydalar var, əhalinin gəlirləri, müxtəlif təbəqələr arasındakı münasibətlər, dövlət-vətəndaş arasındakı əlaqələr, həmçinin dinlə bağlı münasibətlər, regiondakı risklər və.s amillər var. Ötən 10 illər ərzində ABŞ Azərbaycana xeyli miqdarda investisiya qoyub, Avropanın tanınmış transmilli şirkətləri bu bölgədə iş aparmağa çalışıblar. Hər zaman da vurğulanıb ki, Azərbaycan regionda sülh yaradan dövlətdir, təhlükəsizliyi təmin etməkdə aparıcı yer tutur”.

Missiya.Az xəbər verir ki, bunu “Report”a Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Zahid Oruc ABŞ-ın Azərbaycanı amerikalı turistlərin təhlükəsizliyi baxımından yuxarı risk olan ölkələr siyahısına daxil etməsinə münasibət bildirərkən deyib.


Z.Oruc bildirib ki, Cənubi Qafqaz regionunun geopolitikası məhz rəsmi Bakının fəaliyyəti hesabına dəyişib: “Belə olan təqdirdə, məsələyə bəsit, yəni turistlərin təhlükəsizliyi kontekstində yanaşırlar. Ötən illər ərzində Azərbaycanda bir dəfə də olsun, turistlərə təhlükə olmayıb, kimsə məqsədli olaraq hansısa əcnəbi vətəndaşı qətlə yetirməyib və yaxud ona hər hansı şəkildə önyarqılı münasibət göstərməyib. Bu bölgədə işğal reallığının hökm sürməsi terroru gücləndirən faktor kimi göstərilirsə, bu, əlahiddə olaraq Azərbaycanın siyasəti ilə əlaqədar məsələ deyil. Bu, təcavüz aktının nəticəsidir. Bunun Azərbaycan dövlətinin ayağına günah kimi yazılması qəbul edilməzdir”.

Komitə üzvü qeyd edib ki, Cənubi Qafqazda Ermənistan və Gürcüstanı təhlükəsizlik baxımından Azərbaycandan ön sıraya qoymaq absuddur: “Bu ölkələrdən biri, yəni Ermənistan Azərbaycana silahlı təcavüzü həyata keçirir, ölkədə də hərbi xunta rejimi hökm sürür. Bu, erməni vətəndaşlarının azadlıq və təhlükəsizliklərini təhdid edən amilə çevrilib. Gürcüstan isə hazırki vəziyyətdə sabitliyinin, dövlət kimi mövcudluğunda Azərbaycanı iqtisadi, trransmilli və.s layihələr baxımından xüsusi qeyd edir. Əgər ötən illər ərzində ABŞ terror təşkilatlarına qarşı mübarizə aparsaydı, xüsusi strateji məqsədləri güdməsəydi, Azərbaycanın da yerləşdiyi məkan daha da firavan və güvənli olardı. Azərbaycan indiyədək siyasətini reallaşdırarkən Ermənistan kimi terror təşkilatları yaradaraq onların üzərindən fəaliyyət aparmayıblar. Belə bir nümunə yoxdur. ABŞ narahatdırsa, problem olan mənbələri göstərsinlər, bizimlə bərabər həmin ünvanlara atəş açsınlar. Terroru stimullaşdıranları yaxşı tanıyırıq. Azərbaycanda xarici vətəndaşların hər biri əmin-amanlıq şəraitində yaşamaqdadır. Bu, beynəlxalq hesabatlarda da əksini tapıb. İndiyədək hər hansı əcnəbi təxribata məruz qalmayıb. Azərbaycanı təhlükəli ölkələrin sırasına qoymaq yanlışdır. Azərbaycan dövlətinin rəsmi orqanları bu məsələyə düzgün reaksiya veriblər”.

Deputat bu məsələdə ABŞ-ın Azərbaycandakı səfirini günahlanıdırıb: “Bu məsələdə ABŞ-ın Azərbaycandakı səfirliyinin də günahı olub. Çünki onlar bu işlərlə bağlı araşdırmaları, müxtəlif qurumların məxfi və açıq məlumatlarını ABŞ Dövlət Departamentinə göndərdikdən sonra belə rəylər formalaşıb. Hesab edirəm ki, Azərbaycanın Xarici İşlər Nazirliyi ABŞ səfirliyi ilə bu məsələni araşdıracaq. İnanmaq istəyirəm ki, problem dialoq, danışıqlar səviyyəsində aydınlaşacaq, Azərbaycan arzuolunmaz yerdən çıxarılacaq, ölkəmiz layiqli olduğu yerə daxil ediləcək. Bu məsələlər siyasi əlaqələrə də mənfi təsir göstərir. Azərbaycana gələn ABŞ-ın rəsmi şəxsləri hər zaman ölkəmizin rolunu qeyd edirlər. İndiki situasiya isə o mövqelərə ziddir. Əgər Azərbaycan təhlükəli məkandırsa, hansı səfir və ya səfir personalı ziyan çəkib? Bir daha qeyd edirəm, bu məsələdə ABŞ-ın Azərbaycandakı səfirliyinin qeyri-peşəkarlığı var, hansısa nöqtələrdə məsələlərə diqqət etməyiblər”.

Qeyd edək ki, ABŞ Dövlət Departamenti amerikalı turistləri xarici ölkələrə səfər zamanı təhlükəsizlik riskləri haqqında məlumatlandırmaq üçün yeni sistem işə salıb. Azərbaycan amerkalı turistlərin təhlükəsizliyi baxımından risk olan dövlətlər arasında ikinci kateqoriya ölkələr siyahısına daxil edilib.

Yeni sistemdə dünya ölkələri səyahətin təhlükəsizliyi baxımından dörd kateqoriyaya bölünüb:

1-ci kateqoriya - adi ehtiyat tədbirləri kifayətdir;

2-ci kateqoriya - ölkəyə səfər zamanı son dərəcə ehtiyatlı olun;

3-cü kateqoriya - bu ölkəyə səyahət etməklə bağlı qərarınızı yenidən nəzərdən keçirin;

4-cü kateqoriya - bu ölkəyə səyahət etməyin.
19 Yanvar 2018 ABŞ səfirliyinin Qüdsə köçürüləcəyi tarix açıqlandı
19 Yanvar 2018 Trampla Putinin daha bir əlaqəsi aşkar edilib
18 Yanvar 2018 Ermənistanda ara qarışsa və hakimiyyət dəyişsə....
17 Yanvar 2018 BMT-nin bu il üçün prioritetlərindən biri Dağlıq Qarabağ münaqişəsinin həlli olacaq
17 Yanvar 2018 Türk tanklarını görən terrorçular görün nə etdilər - VİDEO
16 Yanvar 2018 İlham Əliyev: SOCAR Bolqarıstanda qazlaşdırma ilə bağlı məsələləri araşdıracaq
16 Yanvar 2018 Türkiyə ordusu böyük hücum üçün Rusiyadan icazə gözləyir - ABŞ-da qarşı - VİDEO
15 Yanvar 2018 Nəcməddin Sadıkov NATO-nun toplantısında iştirak edəcək
15 Yanvar 2018 Türkiyə sərhəddində gərginlik: 30 min terrorçu toplandı - FOTO
15 Yanvar 2018 Prezidentin "Cümhuriyyət ili" qərarına müxalifətdən reaksiya
13 Yanvar 2018 Sarkisyan generalları topladı: “Bizə yeni silahlar lazımdır”
12 Yanvar 2018 Azərbaycan və İsveçrə prezidentləri Davosda görüşəcəklər
12 Yanvar 2018 Kim Çen ölkəsinin sirrini açdı- Bunun səbəbi...
12 Yanvar 2018 Мüdafiə Nazirliyindən sərt reaksiya - Düşmən dəyirmanına su tökmək kifayətdir!
11 Yanvar 2018 Dövlət başçısı: “Əminəm ki, 2018-ci il də ölkəmiz üçün uğurlu olacaq”
10 Yanvar 2018 İlham Əliyev Qarabağ münaqişəsinin həllindən danışdı
10 Yanvar 2018 2018 “Cümhuriyyət ili” elan edildi
10 Yanvar 2018 Rusiyaya qarşı yeni cəbhə - Azərbaycan üçün risk, yoxsa...
09 Yanvar 2018 Donald Tramp ABŞ himninin sözlərini unutdu - Video
09 Yanvar 2018 Kim Çen In ən böyük düşməninə əl uzatdı - Danışıqlar başladı - FOTO