b_550_325_16777215_00_images_xeber_sekilleri_22fevral2019_1585221133_koronamos.jpg
Azərbaycan Respublikasında 29 yeni koronavirus (COVID-19) infeksiyasına yoluxma faktı qeydə alınmış, 1 nəfər vəfat etmişdir.
 
Missiya.Az xəbər verir ki,Nazirlər Kabineti yanında Operativ Qərargahdan verilən məlumata görə, 2020-ci il martın 12-də Türkiyədən qayıtmış 1961-ci il təvəllüdlü Azərbaycan Respublikasının vətəndaşı yüksək bədən hərarəti və nəfəs darlığı ilə xüsusi rejimli xəstəxanaya daxil olmuş, müayinə zamanı onda xroniki bronxit olduğu müəyyən edilmiş, pasiyentdən COVID-19 üçün götürülən analiz nümunələri müsbət çıxmışdır. Xəstənin vəziyyətinin stabilləşdirilməsi ilə bağlı həyata keçirilən reanimasiya tədbirləri nəticə verməmişdir. Hazırda onun ailə üzvləri və ünsiyyətdə olduğu digər şəxslər müəyyən edilir və karantinə götürülür.
 
Eyni zamanda, koronavirus infeksiyasına yoluxmuş 5 nəfər xüsusi rejimli xəstəxanalarda müalicə olunaraq sağalmış və evə buraxılmışdır.
 
Hazırda Azərbaycanda xüsusi rejimli xəstəxanalara yerləşdirilən 104 nəfər aktiv koronavirus xəstəsi həkim nəzarəti altındadır, onlardan 5 nəfərin vəziyyəti ağır, 9 nəfərin vəziyyəti isə orta ağır qiymətləndirilir, digərlərinin səhhəti stabildir. Həmin şəxslərin müalicəsi ilə bağlı zəruri tədbirlər davam etdirilir.
 
Ötən müddət ərzində Azərbaycanda insanların yeni koronavirus (COVİD - 19) infeksiyasına yoluxma hallarının müəyyənləşdirilməsi ilə əlaqədar 20 mindən artıq test aparılmışdır.
 
Koronavirusa yoluxma halları həm Azərbaycana xaricdən gələn şəxslər sırasında, həm də ölkə daxilində insanların bir-birini yoluxdurması faktları üzrə aşkarlanır. Bundan başqa, artıq ölkəmizin müxtəlif regionlarında yaşayan insanlar arasında infeksiyaya yoluxma halları qeydə alınmağa başlamışdır.  
 
Bu səbəbdən vətəndaşlarımızdan özünütəcrid tədbirlərinə uyğun davranmaq, yalnız ciddi ehtiyac yarandıqda evdən çıxmaq, digər şəxslərlə minimum kontaktda olmaq, insanların sıx toplaşdığı yerlərə getməmək və xüsusi karantin rejiminə əməl etmək tələb olunur. Vətəndaşlarımızı bir daha şəxsi gigiyena qaydalarına, Ümumdünya Səhiyyə Təşkilatının, Nazirlər Kabineti yanında Operativ Qərargahın tələb və tövsiyələrinə ciddi riayət etməyə çağırırıq. 
 
Xatırladaq ki, koronavirus infeksiyasının yayılmasının, onun törədə biləcəyi fəsadların qarşısının alınması məqsədilə martın 24-dən aprelin 20-dək Azərbaycanda xüsusi karantin rejimi elan olunmuşdur. Xüsusi rejim qaydalarına əsasən, xüsusi təyinatlı avtomobillərin hərəkəti istisna olmaqla, Bakı, Sumqayıt şəhərləri və Abşeron rayonuna giriş və çıxış məhdudlaşdırılmış, 65 yaşdan yuxarı insanların evdən çıxması, ictimai yerlərdə, o cümlədən küçələrdə, bulvarlarda, parklarda və digər yerlərdə vətəndaşların 10 nəfərdən artıq qruplarda cəmləşməsi qadağan edilmiş, vətəndaşlara yerüstü nəqliyyatdan istifadə etmək, insnalararası təmaslarda 2 metrlik məsafə saxlamaq, koronavirus xəstəliyi üçün xarakterik simptomların hiss olunduğu hallarda 103 və ya 15-42 nömrəli qaynar xəttlərə zəng etmək ciddi tövsiyə olunmuşdur.


02 Aprel 2020 Mikayıl Cabbarova müavin təyin edildi
01 Aprel 2020 Karantin rejimi qaydalarını pozan internet klubunun sahibi cərimələndi - VİDEO
01 Aprel 2020 Daha bir ŞAD XƏBƏR: Bunlar ƏDV-dən azad olunacaq - SİYAHI
01 Aprel 2020 Müğənnilər eyvanda konsert verir - AzTV canlı yayımlayır - VİDEO
01 Aprel 2020 Karantin qaydalarını pozan şəxs həbs olundu - VİDEO
01 Aprel 2020 Milli Məclis büdcəyə yenidən baxacaq
31 Mart 2020 Nizami rayonunda dezinfeksiya işləri davam etdirilir - FOTOLAR
31 Mart 2020 Missiya.Az növbəti aksiyaya başladı - Keşlə qəsəbəsində ərzaq yardımı paylanıldı - FOTOLAR
31 Mart 2020 Bakı səmasında "Allah" yazıldı - VİDEO GÖRÜNTÜ
31 Mart 2020 SON DƏQİQƏ! Rəsmən açıqlandı: 304 min muzdlu işçiyə pul veriləcək
30 Mart 2020 Bu şəxslərə də pul veriləcək - RƏSMİ
30 Mart 2020 Bakıda nəqliyyat vasitələrinin hərəkətinə məhdudiyyət qoyula bilər - RƏSMİ
30 Mart 2020 “Fövqəladə vəziyyət haqqında” qanuna dəyişiklik edildi
30 Mart 2020 Missiya.Az yeni aksiyaya başlayır - Bu dəfə ərzaq yardımı - FOTOLAR
30 Mart 2020 ÜST: “Koronavirus insandan-insana hava yolu ilə keçmir”
29 Mart 2020 Azərbaycanın bu ərazisində koronavirus yoxdur - RƏSMİ AÇIQLAMA
28 Mart 2020 "Yeni Çağ" ilə "Qızılbaş"dan "Evdə qal, cəmiyyəti qoru" kampaniyasına DƏSTƏK
28 Mart 2020 İşlə bağlı küçəyə çıxmalı olan vətəndaşlar haqda açıqlama
28 Mart 2020 Sabiq deputat da Prezidentin çağırışına qoşuldu - VİDEO
28 Mart 2020 Azərbaycanda sabiq polis rəisi COVID-19-a yoluxdu - VİDEO