b_550_325_16777215_00_images_xeber_sekilleri_22fevral2019_cbfhghgjghhj.jpg                                                                                                                                                                                                                                     Ceyhun Musaoğlu


Abşeron rayonu mənə doğmadır. 40 ildir bu yarımadada yaşayırm. Abşeronun uğuruna daha çox sevinir, çatışmazlığına daha çox kədərlənirəm. Yurdum Zəngilandır, ocağım Abşeron. Bu ocağın gur yanması öndə gedən arzularımdandır.

Əhali sayına görə Azərbaycanın ən böyük rayonu olan Abşeron coğrafi nəhəngliyini həm də yaşantılarında qorumağa çalışır. Adına layiq işlər görmək Abşeronun üzərinə götürdüyü mənəvi öhdəliyidir. Üzümü, badamı, zəfəranı, balığı ilə şöhrət qazanan yarımada müasir dövrdə  sakinlərinin təəssübkeşliyi ilə fərqlənir.

Əlbəttə, azərbaycanlı xislətində vətənə, dövlətə, yurda bağlılıq xüsusi çəkiyə malikdir. Təəssübkeşlik bütün bölgələrimizin insanlarının əsas xarakteridir. Sadəcə bu yazıda Abşerondan danışırıq, daha doğrusu abşeronludan, lap dəqiqi abşeronlu gənclərin ocaqlarına olan sevgilərindən.

b_550_325_16777215_00_images_xeber_sekilleri_22fevral2019_79088223_2742492162469751_5295565796884348928_n.jpg

Oktyabrın 4-də bu sevginin əhatəsinə düşmüşdüm. Rayon Mədəniyyət Evində ədəbi-bədii tədbir keçirilirdi. Dəvətliydim. Bir oturacağı belə boş qalmayan zala baxdım, əksəriyyəti müəllimlər, şagirdlər və tələbələr idi. Həvəsli olduqları simalarından oxunurdu. Qabaq cərgədə xüsus geyimli gənclər oturmuşdu. Onların gödəkcələrinin arxasında “Abşeron könüllüləri” yazılmışdı. Peşəm dinc oturmağa qoymur. Bir neçə gəncə yaxınlaşıb soruşuram: “Könüllü nə deməkdir?”. Gülümsəyərək, suala sualla cavab verirlər: “Məgər bilmirsiniz?”... Bir anlıq xəyala dalıram. Onlara necə deyim ki, biz gəncliyimizi yaşadığımız dövrdə könlündən keçənləri etmək yasaq idi, bizim könlümüzü sovet sisteminə təslim etmişdilər, yuxarılar deyirdi, aşağılar əməl edirdi. Cəmi bir dəfə könüllü olduq, o da müstəqilliyimizin payına düşdü, könlümüzü Vətəni qorumağa verdik.

b_550_325_16777215_00_images_xeber_sekilleri_22fevral2019_79385063_2882120641820786_6631873827980705792_n.jpg

Nə ağıılı gənclərdir, susmağımdan oxumuşdular. “Hə, müəllim sizin dövrünüzdə könüllülük bu qədər inkişaf etməmişdi. Könlünü istəyəni etmək müstəqil yaşayanların mükafatıdır” – gənclərdən biri dedi bu sözləri. Replikam da gecikmədi: “Könlünü istəyəni qanunlar və dəyərlər çərçivəsində etmək...”. Başqa bir gəncin reaksiyası: “Əlbəttə, heç müzakirə mövzusu deyil ki...”. Vəssalam da, belə ağıllı gənclərə hansı mövzudan danışsam, tutarlı cavab verəcəklər. Tədbirin başlamasına az qalıb, yaxşısı eləcə onlardan məlumat almaqdır.

b_550_325_16777215_00_images_xeber_sekilleri_22fevral2019_79248212_2551506268419531_8677120675762143232_n.jpg

Gənclərdən öyrənirəm ki, onlar “Facebook” sosial şəbəkəsində Abşeron rayonunu “Milli Amal” qrupu vasitəsi ilə təmsil edirlər. Qrupun minlərlə üzvü var, əksəriyyəti gənc olsa da, yaş məhdudiyyəti yoxdur. Könüllülər virtual aləmdə ölkədə yaşanan uğurlu prosesləri, ölkə rəhbərliyinin həyata keçirdiyi islahatları, sakini olduqları rayonda görülən işləri təbliğ və təşviq edirlər. Onlar azaddırlar, təbii ki, qrupda yazılan fikirlər yalnız təbliğat xarakterli deyil, həlli vacib olan problemlərdən də söz açırlar. Sonradan öyrənirəm, daha doğrusu Abşeron rayon İcra baççısı İradə Gülmmədovanın təbrik nitqindən eşidirəm, başçı könüllülərin yazdıqlarını bircə-bircə şəxsən oxuyurmuş. Hətta onları adları, simaları ilə tanıyır.

Tədbiri giriş nitqi ilə açan İradə Gülmmədova çox maraqlı danışdı. 5 dekabr Beynəlxalq Könüllülər Günü çərçivəsində “Milli Amal”ın dekabrın 11-də tamam olacaq iki illik tarixinə də ekskursiya etdi. Necə yaranıblar, necə fəaliyyət göstərirlər, daha hansı işləri görmələri vacibdir mövzularında tövsiyə xarakterli çıxış sakinlərin bir neçə dəfə alqışına səbəb oldu.

b_550_325_16777215_00_images_xeber_sekilleri_22fevral2019_78871410_715891872153136_3174340694168829952_n.jpg

Abşeron könüllüləri virtual aləmdəki varlıqları ilə kifayətlənmirlər. Onlar real aləmdə də özlərinin mübarək missiyalarını davam etdirirlər. Başçı çıxışında könüllülərin uşaq baxçalarına, məktəblərə, universitetlərə, uşaq evlərinə, xəstəxanalara, hərbi hissələrə ziyarətlər təşkil etdiklərini, görüşlər keçirdiklərini, xüsusən bayram günlərində xeyli insanla təmaslar qurduqlarını, uşaqlara, ahıllara mənəvi yardımlar göstərdiklərini dedi: “Azərbaycan Prezidenti cənab İlham Əliyev, Respublikanın Birinci vitse-prezidenti Mehriban xanım Əliyeva Azərbaycanda könüllülük institutunun baniləridir. Ölkəmizdə keçirilən beynəlxalq tədbirlərdə minlərlə könüllünün möhtəşəm şəkildə iştirakı xarici mətbuatın heyrətinə səbəb olmuşdu. Zaman-zaman xarici KİV orqanlarında bizim könüllülər barədə yazılar dərc olunub. Abşeron rayon könüllüləri ölkə könüllülərinin tərkib hissəsidir. Siz Azərbaycan üçün çox müqqədəs fəaliyyətlə məşğulsunuz. Hər birinizə ayrı ayrılıqda təşəkkür düşür. Mən sizə bu ürəyinizə, bu könlünüzə, bu enerjinizə, bu intellektinizə görə nə qədər minnətdarlıq etsəm də azdır”.

b_550_325_16777215_00_images_xeber_sekilleri_22fevral2019_-------------------------------------------------------------------------------------------.jpg

Tədbirdə Abşeron könüllülərinin “Milli Amal” qrupundakı fəaliyyətlərinin müxtəlif aspektlərdən  statistikası da açıqlandı. Məhz “Facebook”un qeydə aldığı statistikaya əsasən fərqlənənlər başçı tərəfindən mükafatlandırıldı.

Mükafat alacaq şəxslər səhnəyə çıxmağa başlayanda, onların uzağı 10 nəfər olacağını zənn etdim. Yanılmışdım, onlarla könüllü fəallıqlarının qiymətini alırdılar. Onların arasında müxtəlif yaş kateqoriyasına aid onlar da vardı. “Könüllülük yaş tanımaz” – bu fikri də başçı səsləndirdi. İradə xanımın, müavini – rayonda könüllülük hərəkatının formalaşmasında böyük xidmətləri olan Fuad Cəbrayılova üzünü tutaraq, “könüllü xanımlarımız, könüllü bəylərimizdən daha çoxdur, deyəsən bu işdə bizə uduzursunuz” deməsi hər kəsdə xoş ovqat yaratdı.

b_550_325_16777215_00_images_xeber_sekilleri_22fevral2019_78659009_493519724594923_2753178911247433728_n.jpg

Bu, həm də sağlam rəqabət idi. Yqəin ki, Fuad müəllim bu fərqin azalması üçün daha səylə çalışacaq və könüllü bəylərin sayının artmasına nail olacaq. Qoy ilk addım məndən gəlsin, könüllü kişilərin sırasında bir nəfər də artdı. Onsuz qeyri-rəsmi könüllüyəm, Abşeronum üçün vəzifəmi rəsmiləşdirməyi xahş edirəm.

Tədbirin rəsmi hissəsinin ardından, dəyərli sənətkarların iştirakı ilə konsert proqramı keçirildi. “Rəsmi hissə” ifadəsinə aydınlıq gətirim. İcra başçısı İradə Gülmmədova çıxışı, münasibəti, ünsiyyəti ilə elə ortam yaratmışdı ki, hər kəs özünü Abşeronun bir parçası hesab edərək, səmimi abu-havanın içərisinə düşmüşdü.

Sonda başçı bütün könüllülərlə xatirə fotosu çəkdirdi. Mən fotoda olmadım. Bir könüllü kimi Abşeron üçün o könüllülərdən çox az iş görmüşəm. Eybi yox, qalsın növbəti dəfəyə. Hələ könüllülər sırasına yeni yazılıram, gələcəkdə o fotoya düşmə haqqı qazanacağıma söz verirəm.

b_550_325_16777215_00_images_xeber_sekilleri_22fevral2019_78202036_1021406951525745_4551893837374554112_n.jpg

 

 


28 Sentyabr 2020 Xankəndidə həyəcan siqnalı verilir - VİDEO
28 Sentyabr 2020 Qismən səfərbərliyə kimlərin cəlb olunacağı açıqlandı
28 Sentyabr 2020 Vilayət Eyvazov komendant təyin olundu - Prezidentdən sərəncam
28 Sentyabr 2020 Prezidentin köməkçisi “Al Jazeera” telekanalına cəbhədəki vəziyyətlə bağlı müsahibə verdi - VİDEO
27 Sentyabr 2020 Ermənistan ordusuna məxsus silah-sursat anbarı məhv edildi - VİDEO
27 Sentyabr 2020 Paşinyan Qarabağdakı ermənilərə müraciət etdi: Ermənistana Qaçın!
27 Sentyabr 2020 Milli Məclis hərbi vəziyyət elan edilməsi ilə bağlı sənədi qəbul etdi
27 Sentyabr 2020 Azərbaycan Ordusu daha bir kəndi erməni işğalından azad edib
27 Sentyabr 2020 “Biz zəfər çalacağıq!” - Ali Baş Komandan
27 Sentyabr 2020 Azərbaycan Ordusu bu istiqamətlərdə irəliləyir - RƏSMİ AÇIQLAMA
27 Sentyabr 2020 İlham Əliyev Azərbaycan xalqına müraciət edəcək
27 Sentyabr 2020 Toplarımızın səsi Xankəndində eşidilir - Düşmən təşvişdə
27 Sentyabr 2020 Bütün cəbhə boyu qoşunlarımız əks-hücum əməliyyatına başlayıb – SON DƏQİQƏ
26 Sentyabr 2020 "Bu, deyilişi asan, gerçəkləşməsi mümkünsüz məsələdir" - Aydın Quliyev
26 Sentyabr 2020 Müdafiə Nazirliyi cəbhədəki son vəziyyətlə bağlı məlumat yaydı – RƏSMİ
26 Sentyabr 2020 Azərbaycandan savaş xəbərdarlığı - "Daha 25 il oturub gözləməyəcəyik"
25 Sentyabr 2020 Suriyadan Qarabağa 250 erməni yaraqlı gəlib - VİDEO
25 Sentyabr 2020 Azərbaycanda karantin yenə sərtləşir? - TƏBİB-dən açıqlama
24 Sentyabr 2020 Prezident fəxri adlar verdi - SİYAHI
24 Sentyabr 2020 Nazirlikdən övladı məktəbə gedən valideynlərə MÜRACİƏT