b_550_325_16777215_00_images_xeber_sekilleri_22fevral2019_53873454_294231057915620_684454131548553216_n.jpg

Azərbaycanın Ukraynadakı səfiri Azər Xudiyev övladlığa uşaq götürmək məqsədilə Ukraynanın Sosial Siyasət Nazirliyinə müraciət edib.

Özəl mənbədən Missiya.Az-a daxil olan məlumata görə, səfir A.Xudiyev övladığa götürülməyə dair Ukrayna qanunvericiliyin tələblərinə uyğun olaraq bir müddət öncə bütün prosedurlardan keçib və hazırda onun müraciəti baxılma mərhələsindədir. Hətta məlumatlara görə, Ukraynanın Sosial Siyasət Nazirliyi tərəfindən Azərbaycanın müvafiq qurumlarına A.Xudiyevlə bağlı sorğu da göndərilib.

Ukrayna Ailə Məcəlləsinin tələblərinə görə, övladlığa uşaq götürmək məqsədilə müraciət etmiş şəxs əvvəllər məhkumluq həyatı yaşamamalıdır. Ümumiyyətlə, müraciət etmiş şəxsin cinayət məsuliyyətinə cəlb olunub-olunmaması məsələsinə xüsusi önəm verilir. Ukraynanın Sosial Siyasət Nazirliyi də qanunvericiliyin məhz bu tələbindən çıxış edərək Azərbaycanın müvafiq qurumlarına A.Xudiyevlə bağlı sorğu göndərib.

Azərbaycan diplomatlarının xarici ölkələrdə uşaq övladlığa götürməsinə təcrübədə rast gəlinmir. Əgər A.Xudiyevin istəyi reallaşarsa, bu halda o, ilk nümunə olacaq. Maraqlıdır, Ukraynadakı səfirin həmin ölkədə uşaq övladlığa götürmək istəyindən Xarici İşlər Nazirliyinin məlumatı varmı? Ümumiyyətlə, fövqəladə və səlahiyyətli səfirlərə akreditə olunduqları ölkələrdə əcnəbi uşağı övladlığa götürmək kimi sərbəstlik verilirmi və bu kimi məsələlərdə XİN-in razılığı olmalıdırmı?

Bu suallara cavab almaq məqsədilə XİN-in mətbuat xidmətinin rəhbəri Leyla Abdullayeva ilə əlaqə saxladıq çalışdıq. Leyla xanım məsələni araşdıracağına və yalnız növbəti həftə cavab verə biləcəyini dedi. Eyni zamanda əlavə etdi ki, diplomatik fəaliyyətdə olan şəxslərin akreditə olunduqları ölkələrdə övladlığa uşaq götürməsi kimi hallar barədə XİN-ə məlumat verilməlidir.

A.Xidiyevin Ukraynada uşaq övladlığa götürmək istəyinin hansı zərurətdən irəli gəldiyini deyə bilmərik. Bildiyimiz ancaq odur ki, cənab səfir ailəlidir və tərcümeyi-halında 5 uşaq atası olduğu göstərilir. Belə olduğu halda onun xarici ölkədə uşaq övladlığa götürmək niyyəti başadüşülən deyil. Əgər doğrudan da cənab səfir savab iş görmək, kimsəsiz uşağa ailədə yaşamaq səadəti bəxş etmək istəyirsə, onda niyə seçimində azərbaycanlı deyil, ukraynalı uşağın üzərində dayanıb? Diplopmatik fəaliyyətdə olan şəxsi, 5 övladı olduğu halda akreditə olunduğu ölkədə əcnəbi uşağı övladlığa götürməyə hansı amillər həvəsləndirə bilər? Hər halda inandırıcı deyil ki, cənab səfir Bred Pitt və Ancelina Coli cütlüyünün yaratdığı nümunələrin təsiri altına düşərək analoji addımlar atmaq niyyətinə düşüb. Çox güman ki, arxa planda başqa məqamlar var... Ümid edirik ki, qarşıdakı günlərdə məsələnin təfərrüatlarına da aydınlıq gətiriləcək.

Qeyd edək ki, A.Xudiyevin ailə vəziyyəti ilə bağlı informasiyalar qatmaqarışıqdır. Bəzi mənbələr onun 2 uşaq atası olduğunu deyirlər.

Sonda onun da xatırladaq ki, son dövlər mətbuatda yayılan informasiyalarda sabiq səfir Tələt Əliyevə istinadən Ukraynadakı səfirliyimizin binasında naməlum ukraynalı xanımın yaşaması faktına diqqət yönəldilir. Qeyd olunur ki, diplomatik missiyaya hər hansı aidiyyatı olmayan bu xanım 3 uşaq anasıdır və övladları da onunla birgə səfirliyimizdə məskunlaşıblar. Üstəlik, həmin qadının səfirliyə məxsus diplomatik nömrəli dövlət avtomobillərindən istifadə etdiyinə dair videgörüntülər də yayılıb. Səfirlik qadının kimliyi barədə hər hansı açıqlama vermədiyindən bu məqam ətrafında mülahizələr getdikcə daha da artır.

Məsələ ilə bağlı tərəfimizdən Azərbaycanın Ukraynadakı Səfirliyinə də sorğu göndərilib. Lakin təəssüf ki, sualımıza cavab verilmədi.

18 Sentyabr 2019 Bakıda polisi təhqir edən sürücü üzr istədi - VİDEO
17 Sentyabr 2019 Ərdoğan Putin və Ruhanini əncirə qonaq etdi - FOTO
17 Sentyabr 2019 İlham Əliyev gürcüstanlı naziri qəbul edib
16 Sentyabr 2019 Аzərbaycan əhalisinin sayı açıqlanıb
16 Sentyabr 2019 “İradəcə zəif, savadsız mühacirləri ələ alırlar” - AVP sədri, deputat Fəzail Ağamalı
16 Sentyabr 2019 “Mehriban Əliyeva göstərdi ki, dövlət vətəndaşın taleyinə xüsusi həssaslıqla yanaşır” – Ramin Əhmədov
16 Sentyabr 2019 9 qol vurulan matçda İbrahimoviç het-trik etdi - VİDEO
16 Sentyabr 2019 Bakıda YPX maşını ağır qəzaya düşdü - Polislər xəsarət aldı - VİDEO
14 Sentyabr 2019 Ağsaqqallar Şurası islahatlarla bağlı konfrans keçirdi - Qəbələdə - FOTO
13 Sentyabr 2019 Tanınmış vəkilin öldürməsilə bağlı RƏSMİ MƏLUMAT
13 Sentyabr 2019 Mərhum pilotumuzla bağlı yalan xəbər yayıldı - PUL YIĞIRLAR
12 Sentyabr 2019 “Hakimiyyət sosial şəbəkələrdə qaldırılan məsələlərə öz münasibətini bildirir” - Əli Həsənov
12 Sentyabr 2019 Əflatun Amaşov: "Azərbaycanda heç bir qurum mediaya nəzarət etmir, media tam müstəqildir"
11 Sentyabr 2019 Bakıda iqtidar-müxalifət görüşü
11 Sentyabr 2019 Bakıda Dünya Mətbuat Şuraları Assosiasiyasının toplantısı keçiriləcək
10 Sentyabr 2019 “Biz insanların küçədə halva paylamasına qarışa bilmərik” - Mübariz Qurbanlı
10 Sentyabr 2019 “İşə gələrkən yolda onu dinlədim, zövqümü oxşadı” - Əli Həsənov
10 Sentyabr 2019 Azərbaycanda olan şahzadənin lüks həyatı - İzləyiciləri heyran oldu
09 Sentyabr 2019 "Uşaqpulu bərpa oluna bilməz" - Mir Şahin
09 Sentyabr 2019 Göygöldəki qan donduran qətlin təfərrüatı - "YOX" dediyi üçün başı kəsilib" - FOTO