b_550_325_16777215_00_images_xeber_sekilleri__22.12.2018_aygun41.jpg

Xəbər verdiyimiz kimi, Milli Məclisin spikeri Oqtay Əsədov internetdə təhqirə yol verənlərlə bağlı qanunvericilik bazasına yenidən baxılması ilə bağlı tapşırıq verib.

O bildirib ki, Milli Məclis müfəssəl işləyir, lakin onun işləkliyində problem yaranır: “Tütün haqqında” qanun layihəsində də biz bu halı müşahidə etdik. İnternetdə təhqirlər səsləndirənlərə gəldikdə, Hüquq Siyasəti və Dövlət Quruculuğu Komitəsinə tapşırmışam ki, bu məsələyə yenidən baxılsın. Hələ xaricdə yaşayanları demirəm, onların parlament, dövlət haqqında səsləndirdiyi fikirləri oxuyanda adam xəcalət çəkir. Daxildəkilərlə bağlı tədbir görülməsi üçün qanunvericilik bazasına yenidən baxılmalıdır”. 

Azadinform.az agentliyi internetdə təhqirə yol verənlərə qarşı hansı tədbirlərin görüləcəyi ilə bağlı sosioloq Əhməd Qəşəmoğlundan açıqlama alıb. 

Sosioloq Əhməd Qəşəmoğlu bildirib ki, internet həyatımızın ayrılmaz bir hissəsidir: “İndi heç kimə demək olmaz ki, sosial şəbəkələr yaxşı, yaxud pisdir, qadağan edirik. Sosial şəbəkələr bizim həyatımıza gəlib və bundan da faydalanmaq lazımdır. Mənim tez-tez işlətdiyim bir ifadə var: “İnternet, sosial şəbəkələr ilan zəhəri kimi bir şeydir. Düzgün istifadə edəndə çox qiymətli dərman, eyni zamanda nə qədər böyük səhv edirsənsə, o qədər də fəsadı ola bilər. Əgər daha çox səhv etsən, səni “öldürə” bilər. Bu gün sosial şəbəkə imkanlarından geniş istifadə etməliyik. Xarici ölkələrdə olan insanlarla əlaqəmiz olur, özümüz fikir mübadiləsi edirik, həmkarlarımızla danışırıq. Məsələn, bəzi şeyləri öz aspirantlarım, tələbələrimlə elə məhz sosial şəbəkə vasitəsi ilə müzakirə edirəm. Beləcə, ayrıca görüşməyə də ehtiyac qalmır. Ona görə də bundan faydalanmaq lazımdır. Bizdə yaranan vəziyyətə gəldikdə isə doğurdan da, bir ağsaqqal, bir sosioloq kimi hər dəfə bizim sosial şəbəkələrə baxanda adam bir az məyus olur. Çünki sosial şəbəkə bir xəlvət yer deyil. Necə ki, biz deyirik ki, ictimai yerdə insanlar özlərini əxlaqlı, tərbiyəli aparmalıdır, eləcə də sosial şəbəkələr beş min, əlli min adamın baxdığı yerdir. Əgər biz 5 adamın arasında ictimai yerdəyiksə, minlərlə adamın da iştirak etdiyi bir yerdə insan niyə özünü əxlaq normalarından kənarda aparmalıdır? Elə insanlar var ki, sözü 3 adamın içində deməyə utanır, amma sosial şəbəkədə açıq, aydın, ürəyi nə cür gəldi yazır”.

Sosioloq vurğulayıb ki, sosial şəbəkələrdə də biri-biri ilə müzakirə etmək, irad tutmaq olar: “Mən demirəm ki, sosial şəbəkələrdə heç kimi tənqid etmək olmaz. Bu normal və təbii haldır. Amma sosial şəbəkələrdə hər şey əxlaq normaları daxilində olmalıdır. Bunun analoqu olaraq, ictimai yerdə özünü apara bilməyənlərə qarşı hansı cəzalar, hansı metodlar tətbiq oluna bilərsə, bunu analoji olaraq sosial şəbəkələrdə də düşünmək olar. Sosial şəbəkələrdə daha çox diqqətli olmalıyıq. Çünki biz məhəlləmizdə çıxıb söyüş söysək, adamı təhqir etsək, yaxud kefimizə gələn bir söz desək, bunu 3-5 adam eşidəcək. Amma sosial şəbəkələrdə yazmaqla bütün dünya, Azərbaycanla maraqlanan bütün qüvvələr, güc mərkəzləri, başqa dövlətlərdə əhali haqqında müəyyən fikir yaranır. Mən istəmirəm ki, mənim xalqım barəsində ancaq hay-küy salan, boş mübahisələr aparan bir fikir yaransın. Bu məkanlarda xalqımızın intellekti, gözəl müzakirələri hiss olunmalıdır. Belə olan halda xalq haqqında da yaxşı fikirlər yaranır. Ona görə də sosial şəbəkələr məsələsinə diqqət vermək lazımdır. Yəni boş yerə heç kimi cəzalandırmaq da olmaz. Ora qeyri-adi senzura qoymağın özü də düzgün deyil. Biz sadəcə olaraq çalışmalıyıq ki, sosial şəbəkələrimiz bizim insanlarımızın, ümumiyyətlə xalqımızın daha da mədəniyyətini inkişaf etdirə bilən bir yer olsun. İnsanlar orada söhbət edib, bir-birindən maariflənsin, bir-birindən faydalansın. Beynəlxalq tədbirlərdə sosioloqlar tez-tez deyirlər ki, “biri-biri ilə münasibətlərini mədəniyyət dəyərləri ilə ortaya qoyan xalq daha mədəni, daha üstün fikirlər formalaşdırır. Ümumiyyətlə, insanın xüsusiyyəti, xarakteri belədir ki, o beşikdə olandan özünü təsdiq etməyə çalışır. Biz özümüzü sosial şəbəkələrlə davranışımız, mədəniyyətimiz, intellektual söhbətimizlə təsdiq etməliyik. Kobudluğumuzla deyil. Mən kəskin, siyasi müdaxilənin tərəfdarı deyiləm, amma tərbiyəli, pedaqoji cəhətdən bu müdaxilələrə ehtiyac var”.

Ə.Qəşəmoğlu əlavə edib ki, bu barədə televiziyalarda ara-sıra formal şəkildə yox, təhlil xarakterli, psixoloqların, sosioloqların, yazıçıların, jurnalistlərin iştirakı ilə yaxşı müzakirələr tez-tez aparılmalıdır: “Ona görə ki, bunlar ictimaiyyətdə də bir fikir yaratmalıdır. Hər bir insan bilməlidir ki, onun sosial şəbəkədə davranışı həm özü haqqında, həm də xalq haqqında fikir yaradır. Bu istiqamətdə televiziyanın rolu böyük ola bilər. Digər tərəfdən, bununla bağlı gənclər arasında müxtəlif təhsil ocaqlarında geniş müzakirələr aparmaq olar. Bunlar bizdə çox vaxt formal şəkildə olur, insanları daha da qıcıqlandırır. Əslində isə bu şeylər çox yaradıcı, düşünülmüş şəkildə, mütəxəssislərin iştirakı ilə hazırlanmış ssenarilərin əsasında elə olmalıdır ki, insanlarda qıcıq yaratmasın”.

 

22 Avqust 2019 Sabah 42 dərəcə isti olacaq - PROQNOZ
22 Avqust 2019 Polisdən sakinləri qorxuya salan naməlum məxluqla bağlı AÇIQLAMA
22 Avqust 2019 Prezidentin mükafatlandırdığı ifaçı: "Bu, çox böyük diqqətdir"
21 Avqust 2019 “Attestatla bağlı polisə çağırılmışam” –Orxanın atası
21 Avqust 2019 "Arzumuz, xəyallarımız baş tutmadı" - Pilotun xanımı
21 Avqust 2019 55 yaşlı kitab adam
20 Avqust 2019 Nəsimi rayonunda dövlət əmlakı məhv olur – Baxımsız qalmış parkdan FOTOLAR
20 Avqust 2019 Nazirlik hərbi pilotumuzun axtarışında iştirak edənlərə təşəkkür etdi
20 Avqust 2019 Rəşad Atakişiyevin nəşi tapıldı - AÇIQLAMA
19 Avqust 2019 MiQ-29 təyyarəsinin “qara qutusu” tapıldı - FOTO
19 Avqust 2019 “Relax”da vergi işçilərini döyən deputat oğlu və 5 qohumu saxlanıldı - VİDEO
17 Avqust 2019 Sentyabrın 1-dən kimlərin əmək haqqı və pensiyası nə qədər artacaq? – Vüqar Bayramovla videomüsahibə
15 Avqust 2019 "Diaspor hərəkatı yeni istiqamətlər götürəcək" - Hikmət Cavadov
15 Avqust 2019 Mehriban Əliyeva Vladimir Putinə məktub ünvanlayıb
15 Avqust 2019 ARB-nin əməkdaşı iki övladını itirdi - FOTO
14 Avqust 2019 Cəlilabad dramı: Uzuntəpəli oliqarx və su başındakı “əjdaha” - Bir kənddə nə qədər narkotacir olar?
14 Avqust 2019 Elman Rüstəmov Mərkəzi Bank sədrləri arasında ikincilərdən olub
14 Avqust 2019 Leyla Əliyevanın təşəbbüsü ilə Bakıda daha 2 pulsuz çimərlik yaradılıb - FOTO
14 Avqust 2019 Məhərrəm ayının başlanacağı tarix açıqlanıb
13 Avqust 2019 Azərbaycanda 18 yaşlı qız atasına görə özünü körpüdən belə atdı - VİDEO