b_550_325_16777215_00_images_xeber_sekilleri_17sentyabr2018_dsABHyYykPK0ElcOQs.jpg
"Ermənistanın baş naziri Nikol Paşinyan növbəti dəfə Azərbaycanla bağlı sərsəm açıqlama ilə çıxış edib. İşğalçı ölkənin rəhbəri artıq neçənci dəfədir ki, siyasətdən uzaq biri olduğunu nümayiş etdirir. Təxribatçı xislətli bu küçə adamı Azərbaycanla bağlı sonuncu açıqlamasında Prezident İlham Əliyevin oğlu Heydər Əliyevin hərbi xidmətə yollanmasına da toxunub. Paşinyan bu dəfə də dar düşüncəsindən qaynaqlanan fikirləri ilə özünü gülüş hədəfinə çevirib".
 
Bu fikirləri Yeni Azərbaycan Partiyası Nizami rayon Təşkilatının sədr müavini Ramin Əhmədov özünün Facebook səhifəsində paylaşıb. Prezident İlham Əliyevin oğlu Heydər Əliyevin Azərbaycanın xüsusi təyinatlı və yüksək döyüş qabiliyyətli hərbi birləşməsində xidmətə başladığını vurğulayan R.Əhmədov Dövlət başçısının səmimiyyəti və sadəliyinə də diqqət yönəldib: "Cənab Prezident əsgər atası kimi öz övladının andiçmə mərasimində iştirak edib. Ali Baş Komandanın digər valideynlərlə birgə kənardan mərasimi müşahidə etməsi, oğlunun öz həmyaşıdlarından fərqlənməməsi, hamı kimi fəxarət hissi ilə əsgər andı içməsi ölkə əhalisi tərəfindən böyük ruh yüksəkliyi ilə qarşılanıb. İki gündür ki, sosial şəbəkələrdə bu mövzu müzakirə olunur və Heydər Əliyevin fiziki göstəricilərinə görə xüsusi təyinatlı hərbi hissədə xidmətə başlaması yüksək qiymətləndirilir".
 
Ermənistan mətbuatında Paşinyanın oğlunun “hərbi xidmət” adı altında avaralıq etməsi, əsgər sırasında dayanmaması barədə yazılardan danışan R.Əhmədov qeyd edib ki, Azərbaycanda bu xüsusda mənzərə fərqlidir: "Cəmiyyət Prezidentin oğlunun xüsusi fiziki göstəricilərə malik olan əsgərlərin cəm olduğu və yüksək döyüş qabiliyyətli hərbi birləşmədə xidmətə başlamasını alqışlayır. Heç kəs üçün sirr deyil ki, Heydər Əliyevin qulluq etdiyi hərbi birləşmədə digər hərbi hissələrdən fərqli olaraq daha sərt tələblər hökmranlıq edir. Burada xidmət öz ağırlığı ilə seçilir. Görünür situasiyanın fərqliliyi Paşinyanın canına xof salıb. O, yaxşı bilir ki, Ali Baş Komandanın oğlunun öz yaşıdlarından fərqlənmədən silaha sarılması, üstəlik xüsusi təyinatlı əsgər olması Azərbaycan Ordusuna əlavə ruh verir və cəmiyyətin Ali Baş Komandana rəğbətini daha da artırır. Bunun isə nəticəsi sabah döyüş meydanında özünü göstərəcək".
 
Sonda R.Əhmədov vurğulayıb ki, Paşinyan məsuliyyətini dərk etməyən tasadüfi siyasətçidir.: "O, açıqlamalarının Ermənistana baha baş gələ biləcəyinin fərqinə varmır. Pafosu və primitiv ritorikası göstərir ki, o, hələ də hansı posta oturduğunu dərk edə bilmir. Bunu təkcə biz yox, Ermənistan mətbuatı da müşahidə edir və belə bir təlxəyin hakimiyyətdə olması utanılası hal kimi qiymətləndirilir".
16 Fevral 2019 Çeçenlərlə azərbaycanlılar görüşdülər – VİDEO
15 Fevral 2019 Mirşahin Ağayevin qardaşı azadlığa çıxdı - Vaxtından əvvəl
15 Fevral 2019 Türkiyədə azərbaycanlı sürücü dəhşətli qəza törətdi - 4 yaralı - VİDEO
14 Fevral 2019 Mehriban Əliyeva Gəncədə “İmamzadə” dini kompleksini ziyarət edib
14 Fevral 2019 ABŞ Rusiyaya qarşı yeni sanksiyalara hazırlaşır
14 Fevral 2019 İlham Əliyevdən icra başçısı ilə bağlı sərəncam
14 Fevral 2019 Cəfər Xəndanın oğlu vəfat edib
14 Fevral 2019 Azərbaycanda vəzifəli şəxs dəhşətli qəzada vəfat etdi - TƏFƏRRÜAT
14 Fevral 2019 Mehriban Əliyeva ağır vəziyyətdə olan Bərdə sakini barədə TAPŞIRIQ VERDİ
13 Fevral 2019 BDU-nun tələbəsi niyə öldürüldü? - Yeni məqam üzə çıxdı
13 Fevral 2019 Prezident Beyləqana səfər edib
13 Fevral 2019 Azərbaycanda 200 mini mənimsəyən vəzifəli şəxslər saxlanıldı
12 Fevral 2019 Abel Məhərrəmov xəstəxanaya yerləşdirildi
12 Fevral 2019 Prezidentin köməkçisindən ictimaiyyətə mühüm ÇAĞIRIŞ
12 Fevral 2019 KİV: Söyün Sadıqov həbs olunub
12 Fevral 2019 Manşet “Reket” jurnalist bu şəxslərdən hədə-qorxu ilə pul alıb - DTX adları açıqladı
12 Fevral 2019 Azərbaycanda zəlzələ: insanlar küçələrə axışdı, icra başçısı sakinlərlə görüşdü - VİDEO
11 Fevral 2019 Sabahın hava proqnozu açıqlanıb
11 Fevral 2019 Mehriban Əliyeva Uşaq Psixonevroloji Mərkəzində - FOTOLAR
11 Fevral 2019 Azərbaycanda qəbiristanlıqda namus üstündə qətl