zxvcbvvnbnbnbm.jpg

“Azərbaycan Avropa Birliyinin "Şərq Tərəfdaşlığı" Proqramının 10 illiyi ilə bağlı Brüsseldə keçirilən tədbirdə ən yüksək səviyyədə təmsil olundu. Deyə bilərəm ki, nəticələr Azərbaycan üçün uğurlu hesab oluna bilər. Sammitdə məqsəd, Avropa ilə həmin ölkələrin 10 il ərzində əməkdaşlığının nəticələrini müzakirə etmək idi. Hesab edirəm ki, Azərbaycan bu 10 il ərzində Avropa ilə daha da yaxınlaşıb və sıx əməkdaşlıq edib”.

Bu sözləri Missiya.Az-a açıqlamasında millət vəkili Aydın Mirzəzadə deyib.

Millət vəkili ölkəmizin Brüsseldə keçirilən nüfuzlu sammitdə iştirakının əhəmiyyətindən danışarkən bildirib ki, Azərbaycan “Şərq Tərəfdaşlığı” Proqramını imzalayan ölkələr arasında yeganə dövlətdir ki, ona Avropadan heç nə lazım deyil: “Digər ölkələr həm maddi dəstək, həm də Avropa Birliyinə üzvlük istəyir. Azərbaycan isə hər iki tərəfin maraqlarına cavab verən münasibətlərin qurulmasında maraqlıdır”.

Aydın Mirzəzadə Azərbaycan və Avropa Birliyi arasında imzalanması planlaşdırılan Strateji Tərəfdaşlıq sazişindən də danışıb. Onun sözlərinə görə, hər iki tərəf öz mövqeyini ortaya qoyur: “Azərbaycan ərazi bütövlüyü məsələsini ortaya qoyub və ilkin variantda bu nəzərə alınıb. Bundan başqa, Azərbaycanla Avropa Birliyi arasında vizaların ləğv edilməsi, qarşılıqlı sürətdə bazarların açılması və digər məsələlər müzakirə olunur. Bütün bunlar Azərbaycanın Avropadakı, həmçinin dünyadakı nüfuzunun göstəricisidir”.

Azərbaycanda insan hüquqlarının qorunmasına maksimum səylərin göstərildiyini deyən, Aydın Mirzəzadə vurğulayıb ki, ölkəmiz bu məsələdə üzv olduğu təşkilatların fikirlərini müzakirə etməyə açıqdır: “Azərbaycanda insan hüquqlarının qorunması üçün baza prinsipləri var. İnsan hüquqlarından geniş şəkildə bəhs edilən Konstitusiyamız və qanunlarımız mövcuddur. Ölkəmiz insan hüquqları ilə bağlı “Avropa Xartiyasını” imzalayan dövlətlərdən biridir”.

b_550_325_16777215_00_images_xeber_sekilleri_22fevral2019_-----------------.jpg

Aydın Mirzəzadə vurğulayıb ki, insan hüquqlarının pozulması bəhanəsi ilə Azərbaycana edilən təzyiqlərin qarşısı həmişə alınacaq: “Xaricdə, elə Avropanın özündə insan hüquqları bəhanəsi ilə Azərbaycanın daxili işlərinə qarışmağa cəhdlər edilir. Ölkəmiz çalışır ki, insan hüquqları maksimum qorunsun. Azərbaycan sivil dünyanın bir hissəsidir. Biz öz vətəndaşlarına ən çox hüquqlar verən bir ölkəyə çevrilmək istəyirik. Bunun üçün potensialımız, təcrübəmiz var. Ancaq Azərbaycanın daxili işlərinə qarışmaq, üzərimizdə prokuror rolunu oynamaq cəhdlərinin qarşısı qətiyyətlə alınacaq. Ümumilikdə, biz dəfələrlə Avropa ölkələrinin özündə insan hüquqlarının kəskin şəkildə pozulduğunun şahidi olmuşuq”.

Millət vəkili prezident İlham Əliyevin Brüssel səfəri zamanı anti-Azərbaycan mərkəzlərdən maliyyələşən bir neçə nəfərin keçirdiyi aksiyadan da danışıb. O, baş verənləri “tərbiyyəsizlik” kimi qiymətləndirib: “Bu tərbiyyəsizlikdən başqa bir şey deyil. Aksiya keçirmək, narazılıq bildirmək olar. Amma bunun sivil, mədəni, əxlaqa zidd olmayan formaları var. Kimlərsə, xaricdən anti-Azərbaycan dairələrin verdiyi pulla əxlaqsız hərəkətlər edirsə, onlar nifrətdən başqa heç nə qazana bilmir. Anti-Azərbaycan mərkəzləri onların özlərindən də müəyyən müddət istifadə etdikdən sonra zibil kimi kənara atacaqlar. Biz buna tarixdə çox rast gəlmişik”.

Elvin Məmmədov
Missiya.Az

 

 

 

20 İyul 2019 ABŞ Konqresi Türkiyəyə qarşı hərəkətə keçir
17 İyul 2019 Ərdoğandan diplomatlara hücuma ilk reaksiya
17 İyul 2019 Türkiyə üçün DƏHŞƏTLİ XƏBƏRDARLIQ: İstanbul yerlə yeksan olacaq
16 İyul 2019 Nazirlik: İşdən qanunsuz çıxarılan 77 nəfər işlərinə bərpa edilib
15 İyul 2019 DSX "Keşikçi dağ"dakı insidentlə bağlı məlumat yaydı
12 İyul 2019 Vilayət Eyvazov: "Son altı ayda 12411 cinayət qeydə alınıb"
11 İyul 2019 Elin Süleymanov: Ağ Ev və Kreml Azərbaycanı sabitlik lövbəri hesab edir
09 İyul 2019 İlham Əliyevin və Avropa İttifaqı Şurasının Prezidenti Donald Tuskun təkbətək görüşü olub
08 İyul 2019 Zakir Həsənov: "Ordumuz torpaqlarımızı işğaldan azad etməyə hazır və qadirdir" - VİDEO
04 İyul 2019 Trampın ölümü, nüvə müharibəsi və Putin-Şoyqu görüşü xəbərləri niyə yayıldı?
27 İyun 2019 Milli Məclis əmək pensiyalarının artımına səs verdi
25 İyun 2019 Bütün dünyanın gözü ORA DİKİLDİ: əgər razılaşmasalar, yer-yerindən oynayacaq
24 İyun 2019 İranlı admiraldan ABŞ-a XƏBƏRDARLIQ
21 İyun 2019 Ankaradan Vaşinqtona şillə kimi cavab
20 İyun 2019 Ağ Evdə Qarabağ danışıqları: Məmmədyarov Boltonla nələri danışdı?
19 İyun 2019 Əli Həsənov: "Sivilizasiyalar arasında dialoq dövlətin yürütdüyü ali siyasi kursdur"
18 İyun 2019 Zakir Həsənov: "Azərbaycan Ordusu bütün əsas istiqamətlərdə inkişaf edir"
14 İyun 2019 Əli Əhmədov: "Bütün nailiyyətlər 26 il bundan əvvəl ulu öndərin Azərbaycana dönüşünün nəticəsidir"
12 İyun 2019 Azərbaycan Avropa Liqasının finalından nə qədər qazanc əldə edib?
10 İyun 2019 Azərbaycan XİN cəbhə xəttində hərbçimizin həlak olmasına münasibət bildirib