b_550_325_16777215_00_images_xeber_sekilleri_22fevral2019_eli111.jpg

Tanınmış jurnalist Nicat Dağların bloqunda "Təhlükəli oyun, təxribatçılara açılan qucaq və Kərimlinin konsensusu…" başlıqlı yazı dərc olunub. Mövzunun aktuallığını nəzərə alıb sözügedən yazını təqdim edirik:

Taleh Bağırzadənin “demokratiya”, “söz azadlığı” və “azad seçki” uğrunda mübarizə apardığını idda edib, onu cəmiyyətə dünyəvi dövlət sevdalısı kimi təqdim etmək üçün ya özün dəli olmalı, ya da insanları dəli yerinə qoymalısan… Başqa bir izah tapa bilmirəm.

Şükür ki, Azərbaycan cəmiyyəti çörəyi qulağına yeyən adamlardan ibarət deyil və hamı yaxşı bilir ki, kim hansı yuvadan pərvaz edib… Yüz faiz əminəm ki, cəmiyyətimiz mollanı siyasi xadim kimi qəbul edəcək səviyyədə deyil! Bu ölkədə bilməyən yoxdur ki, Taleh Bağırzadə Qum havalı mücahiddir və onu bura xüsusi missiya ilə göndərib, fəaliyyətini proqramlaşdırıblar. Odur ki, dəlilik əlamətini şəriət qanunlarının əsas tutulduğu teokratik dövlət arzusu ilə alışıb-yanan bir adamı cəmiyyətə “demokratiya aşiqi” kimi sırımağa cəhd edənlərin özündə axtarmalıyıq. Keçək mətləbə.

b_550_325_16777215_00_images_xeber_sekilleri_22fevral2019_taleh1.jpg

Əli Kərimlinin iki gün əvvəl “Azərbacan saatı”ndakı çıxışını dinlədim. Adam Taleh Bağırzadəyə dəstəyinin səbəblərindən danışarkən ciddi cəhdlə onun “azad cəmiyyət” axtarışına çıxmış məsum siyasətçi obrazını yaratmağa çalışırdı. Xüsusi bir həvəslə iddia edirdi ki, Bağırzadə “dinindən, dilindən, etnik və cinsi mənsubiyyətindən asılı olmayaraq hamı üçün bərabər hüquqlar tanıyan dövlət uğrunda mübarizə aparır və məhz bu kimi “ümumi maraqlar” indiki məqamda birləşdirici rol oynayır.Birincisi, Azərbaycanda heç vaxt insanlara dininə, dilinə və etnik mənsubiyyətinə görə fərq qoyulmayıb. Nə dünən belə bir mühit olub, nə də bu gün belə bir hal yaşanır. İkincisi isə söhbət o adamdan gedir ki, Azərbaycanda dini dövlət qurulmasını qarşısına vacibat kimi qoyaraq hədəfinə doğru yolda bütün vasitələrdən istifadə etməyə hazır olduğunu dəfələrlə nümayiş etdirib.

b_550_325_16777215_00_images_xeber_sekilleri_22fevral2019_gtfggffgf.jpg

Tale Bağırzadə o adamdır ki, Qumdan sonra dini təhsilini davam etdirdiyi Nəcəfdən qayıdan kimi ilk işi Bakıda təxribata əl atıb, polislə qarşıdurma yaratmaq oldu. 2011-ci il mayın 6-da Təhsil Nazirliyinin qarşısında keçirilmiş aksiyanı nəzərdə tuturam. İndi Əli Kərimli deyir ki, hakimiyyətə qarşı mübarizədə Taleh Bağırzadə ilə onu birləşdirən dəyərlər var – Bilə-bilə ki, bu adamın hədəfində dövlətdir, bilə-bilə ki, “Müsəlman Birliyi Hərəkatı” üçün müəyyən edilmiş dəyərlər sistemində demokratiya və azad cəmiyyət anlayışına yaxın gələn heç nə yoxdur, ikrah doğuran soyuqqanlıqla “ümumi maraqlardan”, “birləşdirici dəyərlərdən” danışır… Deyir ki, məqsədimiz böyük bir konsensusa nail olub, “birinci mərhələdə” hakimiyyətə qarşı birgə mübarizəni təşkil etməkdir. Deməli, Əli Kərimliyə fərqi yoxdur, hətta bu xalqı qırıb bitirməyə, uşaqdan böyüyə hamını süngüdən keçirməyə hazır olan qüvvələrlə belə konsensus əldə etməyə hazırdır – təki hakimiyyət dəyişsin, sonrasına baxacaqlar… Hə, elə belə də deyir: “Sonrasına baxarıq”. Yəni sonrasının necə olacağına az əhəmiyyət daşıyan məsələ kimi yanaşır. Sonrası isə əslində dövlətin gələcəyi, xalqın taleyi deməkdir. “Gəlin hakimiyyəti dəyişək, sonrasına baxarıq” prinsipinə sığınmış bir adam daha necə izah etsin ki, ölkənin və vətəndaşın taleyi, yəni SONRASI onun üçün heç bir əhəmiyyət daşımır? Məncə bundan da açıq ifadəyə ehtiyac yoxdur. Mahiyyət tam çılpaqlığı ilə ortadadır – əsas odur ki, hakimiyyət dəyişsin.

Nə qədər təhlükəli bir adam!

Nə qədər təhlükəli bir oyun!

taleh.jpg

Əli Kərimlinin yanında doğrudanmı bir ağıllı adam qalmayıb ki, ona, Azərbaycanın dövlət kimi varlığını həzm edə bilməyən, onun unitarlığını özünə dərd edərək quruluşu dəyişib şəriət qanunlarını dövlət idarəçiliyinə gətirmək istəyən qüvvələrlə nəinki “birinci mərhələdə” əməkdaşlıq etmək, çiyin-çiyinə dayanıb bircə addım atmaq belə əslində ideoloji müstəvidə də eyni hədəfi bölüşmək anlamına gəldiyini izah etsin?.. Yaxud soruşsun ki, a bəy, o dediyin konsensusu niyə müxalifət partiyaları ilə yaratmaq istəmirsən? Hərəsinə bir vedrə qoşub, prosesdən kənarda saxlamağa çalışdığın halda, Qum istehsalı olan missionerlə konsensus yaratmaq istəyin hansı ehtiyacdan irəli gəlir? İsa Qəmbərə düşmən kəsilmisən, Arif Hacılının ortalıqda görünməsinə imkan vermirsən, Mirmahmud Mirəlioğlunu ümumiyyətlə saya salmırsan, İlqar Məmmədova qarşı gizli kampaniya təşkil etdirir, “satıldı” nidası ilə stasular, rəylər yazdırırsan, başqa birliklərdə, nə bilim hərəkatlarda cəm olan təşkilatlara gülür, rəhbərlərinə rişxənd edirsən, Taleh Bağırzadə bu adamlardan hansı cəhəti ilə fərqlənir ki, konsensusu məhz onunla əldə etmək istəyirsən? Soruşan yoxdur, yəqin ağıllı adamlar qalmayıb…  

Nə qədər üzücü bir durum…

Artıq tam əminliklə demək olar ki, bunların Əlikram Hümbətova münasibəti də məhz “Gəlin hakimiyyəti dəyişək, sonrasına baxarıq” kimi ziyanlı prinsipdən qaynaqlanır. Bu separatçı tüllabın bəyanatlarını da həmin o “ümumi maraqlar”, “birləşdirici dəyərlər”dən çıxış edərək yayırlar. Yəni konsensusda Əlikram da var. Hətta Faxrəddin Abbaszadə də ordadır. Qısası, bu dövləti dağıdıb qalıqlarından barrikadalar düzəltmək istəyən kim varsa, Əli bəy hamısına qucaq açıb. Əsas odur ki, hakimiyyət dəyişsin. Sonrasını Talehlə, Əlikramla, Faxrəddinlə bir yerdə müəyyən edəcəklər…

Nə qədər təhlükəli bir adam!

Nə qədər təhlükəli bir oyun!

 

19 İyun 2019 Əli Həsənov: "Sivilizasiyalar arasında dialoq dövlətin yürütdüyü ali siyasi kursdur"
18 İyun 2019 Zakir Həsənov: "Azərbaycan Ordusu bütün əsas istiqamətlərdə inkişaf edir"
14 İyun 2019 Əli Əhmədov: "Bütün nailiyyətlər 26 il bundan əvvəl ulu öndərin Azərbaycana dönüşünün nəticəsidir"
12 İyun 2019 Azərbaycan Avropa Liqasının finalından nə qədər qazanc əldə edib?
11 İyun 2019 Paşinyandan Qarabağla bağlı senasion addım: ermənilər Bakıya üz tutur?
10 İyun 2019 Azərbaycan XİN cəbhə xəttində hərbçimizin həlak olmasına münasibət bildirib
03 İyun 2019 Vanqadan PROQNOZLAR: Avropa müsəlmanların əlinə keçəcək, yeni din yaranacaq və...
31 May 2019 Deputat Azərbaycan ordusuna çağırış etdi: “Paşinyanı snayperlə vurun!”
30 May 2019 Camal Qaşıqçını öldürən ŞOK SƏBƏB - Prezident kürəkənindən SENSASİON SÖZLƏR
29 May 2019 "Futbol siyasətdən uzaqdır və siyasiləşdirilməməlidir" - Hikmət Hacıyev
24 May 2019 Azərbaycan ABŞ vətəndaşını bağışladı
22 May 2019 Kürdəxanı sakini: "Mehriban xanımın evimizə qonaq olması ən böyük hədiyyədir"
16 May 2019 “Onları zibil kimi kənara atacaqlar” – “Orduxan biabırçılığı” və Azərbaycanın uğuru
13 May 2019 XİN Mnatsakanyana cavab verdi
10 May 2019 Türkiyə “S-400”ləri Azərbaycanda yerləşdirəcək? - AÇIQLAMA
08 May 2019 Gürcüstanla sərhəd qalmaqalı səngimir - Cavabımız necə olmalıdır?
07 May 2019 Əli Həsənov AzTV və İTV-nin türkdilli ölkələrdə yayımına icazə verilməsini təklif edib
06 May 2019 Prezident İlham Əliyev Vladimir Putinə başsağlığı verib
29 Aprel 2019 "Nyu-York Tayms"dan TÜKÜRPƏDƏN ANALİZ: İran-ABŞ müharibəsinə 18 ay qaldı
24 Aprel 2019 Şri-Lanka teraktlarının DƏHŞƏTLİ PƏRDƏARXASI - Növbəti hədəf BU ÖLKƏDİR