b_550_325_16777215_00_images_xeber_sekilleri__30.11.2018_nbnnmm.jpg

Xəbər verdiyimiz kimi, Ermənistanda parlament seçkiləri başa çatıb.

Missiya.Az xəbər verir ki, baş nazir vəzifəsini icra edən Nikol Paşinyanın təmsil olunduğu “Mənim addımım” bloku 70,43 faiz səslə seçkilərin qalibi elan edilib.

 “Çiçəklənən Ermənistan” partiyası 8,27 faiz səslə ikinci yeri, “İşıqlı Ermənistan” partiyası isə 6,37 faiz səslə üçüncü yeri tutub.

Seçkilərin nəticələrindən məlum olur ki, Ermənistanın yeni parlamentində yalnız Nikol Paşinyan və onun inqilabdakı müttəfiqləri olacaq.

Maraqlı məqamlardan biri isə keçmiş prezident və baş nazir Serj Sarkisyanın rəhbəri olduğu Respublikaçılar Partiyasının parlamentdən kənarda qalmasıdır. Bu fakt onu göstərir ki, Paşinyan “Qarabağ klanı”nı tamamilə sıradan çıxardı və onların Ermənistandakı 20 illik hakimiyyətinə son qoydu. Paşinyan seçkilərdən əvvəl Ermənistana yeni investisiya cəlb edəcəyini və Qarabağ probleminin həlli ilə bağlı ciddi addımlar atacağını demişdi. İndi isə qalib oldu və Ermənistan əhalisi Paşinyandan çox məsələlərin həllini gözləyir.

b_550_325_16777215_00_images_xeber_sekilleri__30.11.2018_pasinyan.jpg

Ermənistanda keçirilən parlament seçkilərini Missiya.Az-a şərh edən politoloq Qabil Hüseynli bildirib ki, Paşinyanın parlamentdə üstünlük əldə etməsi onun daha inamlı, digər partiyalarla əlaqə qurmadan hərəkət etməsinə imkanı yaradır: “Nikol Paşinyanın qarşısında duran ən mühüm məsələlərdən biri ölkədə iqtisadi islahatlar aparmaqdır. Hazırda Ermənistan tənəzzülə doğru gedir. Düzdür, Paşinyan “məxməri inqilab” baş verən zaman xarici investisiyanın cəlbi və Ermənistanın çiçəklənməsi ilə bağlı populist şüarlar səsləndirmişdi. Amma indi bu vədləri reallığa çevirməyin vaxtıdır. Paşinyan ötən 7 ay ərzində demək olar ki, heç bir uğurlu nəticə əldə etməyib. Əksinə vəziyyət pisləşdi”.

Qabil Hüseynli deyib ki, Paşinyan Qarabağ probleminin həlli ilə ciddi sürətdə məşqul olarsa, verdiyi vədləri yerinə yetirə biləcək: “Çünki Ermənistan bölgədə təklənmiş dövlətdir. Hətta demək olar ki, blokadadadır. Azərbaycan isə bölgədə irimiqyaslı layihələr həyata keçirən regional gücdür. Paşinyan Azərbaycanla münasibətləri qaydaya sala bilsə, yəni, işğalçı rejim imicindən azad olub, bölgədəki proseslərə qoşulsa, inkişafdan söhbət gedə bilər. Mən düşünmürəm ki, Paşinyan Qarabağ probleminin həlli ilə bağlı hər hansı yenilik etsin. Çünki o, hələ “məxməri inqilab” zamanı Qarabağla bağlı sərt bəyanatlar səsləndirirdi. Hətta qondarma rejimin danışıqlar prosesində iştirakını tələb edirdi. Düşünürəm ki, bundan sonra da Paşinyan xalqını yalan vədlərlə aldadacaq”.

b_550_325_16777215_00_images_xeber_sekilleri__30.11.2018_2792936576e70a1733141466855585_Qabil_Huseynov.JPG

Politoloq bildirib ki, Ermənistanda qərbyönümlü partiyalar hakimiyyəti tam ələ keçirdi: ““Çiçəklənən Ermənistan”  və “İşıqlı Ermənistan” partiyaları qərbdən dəstək alır. Parlament seçkilərində qalib partiyalardan oldular. “Qarabağ klanı”nın təmsil olunduğu Respublikaçılar Partiyası isə parlamentdən kənarda qaldı”.

Rusiyanın məsələlərə müdaxilə etməməsindən danışan politoloq bildirib ki, rəsmi Moskvanın Ermənistandakı hadisələrə sərt müdaxilə etməməsinin səbəbləri var: “Mənim fikirimcə, rəsmi Moskva başa düşür ki, hadisələrə sərt müdaxilə etsə, Rusiyanın ermənilərlə münasibəti gərginləşəcək. Amma digər tərəfdən Rusiya çox rahatdır. Çünki Ermənistanın bütün enerji sistemi nəzarətindədir. Ona görə də Ermənistanda baş verən hadisələrə çox da sərt müdaxilə etmədi”.

“Atlas Araşdırmalar Mərkəzinin” rəhbəri, siyasi exspert Elxan Şahinoğlu isə deyir ki,  Ermənistanda parlament seçkiləri gözlənilən nəticəni verdi. Politoloqun sözlərinə görə,  bu qələbə gələcəkdə Paşinyan və komandası üçün bir sıra çətinliklər yaradacaq.

“Nikol Paşinyanın bloku qalib gəldi. Ancaq Paşinyanın bloku ilə birlikdə daha iki partiya parlamentdə təmsil olunmaq hüququ qazandı. Bu da gələcəkdə Paşinyan və komandasının bir sıra çətinliklərlə üzləşəcəyi mənasına gəlir. Bundan sonra deyərdim ki, Ermənistanı çox qarışıq günlər gözləyir. Paşinyan artıq çox güclü bir müxalifətlə mübarizə aparmağa məcburdur. Daha bir problem isə Paşinyanın öz tərəfini seçə bilməməsidir. Amma deyərdim ki, bu da müvəqqəti haldır. Ən yaxın zamanda Paşinyan öz tərəfinin Rusiya olduğunu anlayacaq. İrəvan heç vaxt Moskvanın boyunduruğundan çıxa bilməz. Bunu hazırki baş nazir də yaxşı bilir”, - deyə Elxan Şahinoğlu bildirib.

Ekspert deyir ki, Ermənistan Rusiya boyunduruğunda olsa belə, Paşinyan Qərbə meyilli şəxsdir: “Paşinyan onlarla da münasibətini yaxşı saxlamağa çalışacaq. Düşəcəyi bu girdabdan isə necə çıxacağı qeyri-müəyyəndir. Paşinyan artıq hakimiyyətə gəlmək əhaliyə söz verdiyi kimi sosial-iqtisadi məsələləri də həll etməlidir. Ancaq Ermənistanın hazır ki, dövlət büdcəsini nəzərə alsaq bu mümkün deyil. Bundan əlavə həmin vədlərə əməl etmək üçün obyektiv gerçəkliyi nəzərə alan, müdrik və müasir çağırışlara cavab verən siyasi kurs müəyyənləşdirmək gərəkdir. Müşahidələr isə göstərir ki, hazırki hakimiyyət bu mövqedən çox uzaqdır. Əksinə meydana çıxan daxili problemlər hakimiyyəti daha mürəkkəb dairəyə sürükləyəcək”.

b_550_325_16777215_00_images_xeber_sekilleri__30.11.2018_elxan-sahinoglu.jpg

E.Şahinoğlunun fikrincə, başqa bir məsələ isə Paşinyanın əsirlərin dəyişdirilməsinə və Qarabağ probleminə yanaşmasıdır: “Bu günə qədər Paşinyan əsirləri dəyişməyə ehtiyat edirdi. Düşünürdü ki, əhali arasında Ramil Səfərov effekti yaranar. Və nəticədə reytinqi aşağı düşə bilərdi. İndi isə vəziyyət fərqlidir. Artıq əsirləri qaytara bilər. Çünki Azərbaycandakı erməni əsirlərin ailələri İrəvanda bir neçə küçəni bağlayıb, övladlarının qaytarılması, əsirlərin dəyişdirilməsi üçün etiraz aksiyası keçiriblər. Qarabağ probleminə gəldikdə isə Paşinyanın müsbət yanaşması ütopik bir xəyal kimi görünür”.

Ekspertin fikrincə, ermənilərin Qarabağı qaytarmamaq üçün bir neçə əsaslı səbəbləri var:

“1. Rusiya faktıdır. Rəsmi Moskva İrəvana Qarabağın qaytarılması üçün icazə verməlidir.

2. Qarabağ erməniləri. Onsuz da ölkədə parçalanma var. Paşinyan sülh danışıqları başladığı halda Qarabağ erməniləri ilə vəziyyətin daha da gərginləşəcəyini, hətta silahlı üsyanların baş verə biləcəyini nəzərə alaraq danışıqlardan yayınacaq.

3. Qarabağın təbii sərvətləri. Paşinyana bundan sonra daha çox pul lazım olacaq. Təkcə Kəlbəcərdəki qızıl yataqları Ermənistanın dövlət büdcəsinə milyonlarla dollar pul qazandırır. Paşinyan bu puldan imtina edə bilməz. Qarabağ probleminin həlli üçün isə Azərbaycana güc yolundan başqa yol qalmır. Cəbhədə yaxın günlərdə gərginlik dəfələrlə artacaq. Və müharibə ehtimalı çox yüksəkdir”.

Elvin Məmmədov
Missiya.Az

 

 

 

22 Avqust 2019 Əli Həsənov: "Hamı Azərbaycanda özünün koloniyasını yaratmaq istəyirdi"
21 Avqust 2019 "Zorla, məcburiyyətlə bu məsələnin həllini görmürəm"- Allahşükür Paşazadə
19 Avqust 2019 Əhaliyə bu xidmət pulsuz göstəriləcək – Qaydalar təsdiqləndi
16 Avqust 2019 Ermənilər Naxçıvanda təxribat törətdi - əsgərimiz yaralandı
14 Avqust 2019 Siyavuş Novruzov: DSX-nın Ermənistanla sərhəddə yeni əraziləri nəzarətə götürməsi başlanmış prosesin davamıdır
09 Avqust 2019 Pentaqondan Trampı təkzib edən ŞOK açıqlama: “İŞİD yenidən canlanmağa başlayıb”
08 Avqust 2019 Səməd Seyidov: “Kişisənsə, bunun arxasında dayan!”
07 Avqust 2019 Azərbaycan XİN-dən daha bir Paşinyan AÇIQLAMASI
06 Avqust 2019 Avstraliya XİN: "Dağlıq Qarabağı müstəqil dövlət olaraq tanımırıq"
05 Avqust 2019 “Müxalifət” adı altında anti-milli qrup formalaşıb..." - Əli Əhmədov
02 Avqust 2019 Azərbaycandan Həcc ziyarətinə gedən zəvvarların ilk qrupu yola düşüb
30 İyul 2019 Koçaryan Ermənistan üçün dəhşətli SSENARİNİ AÇIQLADI
29 İyul 2019 Prezident İlham Əliyev Fransanın İqtisadiyyat və Maliyyə nazirini qəbul edib
28 İyul 2019 XV Avropa Gənclər Yay Olimpiya Festivalı yüksək səviyyədə keçdi - Azad Rəhimov
25 İyul 2019 İlham Əliyev dövlətçiliyin keşiyində, antimilli qruplar hakimiyyət eşqində...
24 İyul 2019 Azərbaycanda miqrasiya ilə bağlı yeni tələblər qüvvəyə mindi
22 İyul 2019 Əli Əhmədov: "Azərbaycanda bütün sahələrdə inkişaf özünü göstərir”
20 İyul 2019 ABŞ Konqresi Türkiyəyə qarşı hərəkətə keçir
17 İyul 2019 Ərdoğandan diplomatlara hücuma ilk reaksiya
17 İyul 2019 Türkiyə üçün DƏHŞƏTLİ XƏBƏRDARLIQ: İstanbul yerlə yeksan olacaq