b_550_325_16777215_00_images_xeber_sekilleri__25.11.2018_ccvcbvb.jpg

Ermənistan rəhbərliyi ilə qondarma Dağlıq Qarabağ Respublikasının “rəhbərliyi” arasında münasibətlər daha da gərginləşib.

Missiya.Az xəbər verir ki, bunu erməni şərhçi Sarqis Artsruni öz yazısında açıq şəkildə etiraf edib.

Şərhçi yazır ki, Ermənistanın baş naziri vəzifəsini icra edən Nikol Paşinyanın qondarma rejimin “rəhbəri” Bako Saakyana “sarı kart” göstərib.

“Ermənistanın keçmişində 20 il ərzində çox hadisələr oldu. Qarabağın maraqları təhlükə altına qoyuldu. Amma Xankəndi tərəfindən heç bir  ittiham səsləndirilmədi. Hətta bir vaxtlar keçmiş prezident Robert Koçaryan Qarabağı danışıqlardan sıxışdırmağa çalışırdı. Həmçinin aprel döyüşləri zamanı, yumşaq desək, arzu olunmayan (Ermənistan ordusunun zəif olduğu ortaya çıxdı) vəziyyət ifşa edildi. Buna baxmayaraq, Xankəndi tərəfi heç bir etiraz etmədi”.

Müəllif qeyd edib ki, son iki prezidentin dövründə (Robert Koçaryan və Serj Sarkisyan) milli və ideoloji səbəblərə görə, razılıq əldə olunmuşdu: “Daha dəqiq desək, “elit” statusuna sahib şəxslər son iki onillikdə hakimiyyəti mənimsədilər. Bu səbəbdən Qarabağda sərbəst hakimiyyət mövcud olmadı. Hakimiyyət Ermənistanın kriminal oliqarxiyasının əlində cəmləşdi”.  

b_550_325_16777215_00_images_xeber_sekilleri__25.11.2018_612B795D-AAF9-4FC1-9ABB-A956B3F0BCD8-cx0-cy7-cw0-w1023-r1-s.jpg

Sarqis Artsruni Ermənistanda baş verən son “məxməri inqilabdan” sonra rəsmi İrəvan və qondarma rejim arasında münasibətlərin korlandığını qeyd edib: “Ciddi böhran yaranacaq. Çünki bu iki sistem uyuşmazdır. Xankəndi elitasının yeni sistemə qarşı çıxmağa səbəbləri var. Məsələn, keçmiş prezident Robert Koçalyanın həbsi edilməsi...”.

Vəziyyəti gərginləşdirən səbəblərdən biri isə Nikol Paşinyanın oğlunun Dağlıq Qarabağda xidmət etməsi oldu. Paşinyan  açıqlamalarında bildirib ki, onun oğlu Dağlıq Qarabağda xidmət edir. Bəs sizin oğullarınız hardadır? Qarabağ “rəhbərliyinin” uşaqları heç ümumiyyətlə orduya getmir. Paşinyanın bu bəyanatı qondarma rejimin rəhbərliyini daha da özündən çıxarıb. Qarabağ “prezidentinin” mətbuat xidmətinin rəhbəri David Babayan deyib ki, Paşinyan verdiyi bəyanatlari izah etməlidir: “Məsələn, Bako Saakyanın oğlu Qarabağ ordusunda xidmət edirdi. Həmçinin keçmiş prezident Arkadı Qukasyanın oğlu da orduda olub”. 

Müəllif yazır ki, Xankəndi  6-7 ay boyunca baş nazirin “şıltaqlıqlarına” reaksiya vermədi: “Hətta Paşinyan baş verənlərin fonunda Bako Saakyana sözsüz dəstəyini göstərdi. Amma ötən gün Paşinyan da əsəbləşdi. Paşinyan deyib ki, məndə suallar var və bu sualları Bako Saakyanla müzakirə etmək niyyətindəyəm. Ermənistan rəhbəri Bako Saakyana təklif də edib. O bildirib ki, Saakyan hökumət nümayəndələrini nizama salsa yaxşı olar: “Onlar öz işləri ilə məşqul olsunlar. Qarabağ prezidentinin mətbuat xidməti mənim fikirlərimi şərh edir! Bu nədir? Öz işinizlə məşqul olun!”.

Sarqis Artsruni belə bir vəziyyətdə Dağlıq Qarabağda inqilab təhlükəsi olduğunu qeyd edib: “Ciddi proseslər gedir. Məsələn, belə bir məqamda Ermənistanda baş vermiş “məxməri inqilab” Dağlıq Qarabağa sıçraya bilər. Qarabağda inqilabın olması yolverilməzdir”.

Elvin Məmmədov
Missiya.Az

17 May 2019 Putin Rusiyanın əsas silahını açıqladı
17 May 2019 “Green Card” sistemi dəyişir - Rəsmi
17 May 2019 Bakıda sürücü keçiddə piyadaları belə vurdu - VİDEO
17 May 2019 ABŞ hərbi gəmiləri İran körfəzinə daxil oldu
17 May 2019 “Günay Bank” "qara zolaqdan" niyə çıxa bilmir? - 100 milyonluq oğurluğun fəsadları
16 May 2019 Prezident bu şəxsə “Şöhrət” ordeni verdi - FOTO
16 May 2019 Bakıda zibil maşınının avtobusa çırpıldığı qəzanın görüntüsü - VİDEO
16 May 2019 Dilarə və İslamdan qeyri-adi BACARIQ - VİDEO
15 May 2019 Prezident Bakı Ekspo Mərkəzində
15 May 2019 Gömrükçülərə rüşvət təklif etdi, kameraya düşdü - VİDEO
15 May 2019 Bakıda tələbələr arasında ölümlə nəticələnən davanın ŞOK görüntüləri yayıldı - TAM VİDEO
15 May 2019 Azərbaycanda uşaq, tələbə, pensiyaçı və hamilə qadınlara - ŞAD XƏBƏR
14 May 2019 Orduxanın "düyməsi" və Brüsseldəki düşüklük...
14 May 2019 Mir Şahin Orduxandan danışdı: Siyasi ləçərlər, mundarlar - VİDEO
14 May 2019 “Jurnalistlərin yeni binası gələn il istifadəyə veriləcək” - Vüqar Səfərli
14 May 2019 Bakıdakı finalla bağlı “qara bazar” işini DTX araşdırır
14 May 2019 Azərbaycanda vəzifəli şəxs faicəvi şəkildə öldü - FOTO
13 May 2019 Çingiz Abdullayev Kloppa və ingilislərə: Centlmenlər, ədalətli danışmırsınız
13 May 2019 Tofiqin vətəni, ingilisin “tövsiyyəsi” və göz çıxaran Bakı
13 May 2019 Baş Dövlət Yol Polisi İdarəsindən sürücülərə - MÜRACİƏT