b_550_325_16777215_00_images_xeber_sekilleri__25.11.2018_dvcbgfgf.jpg

Xəbər verdiyimiz kimi, Ukrayna və Rusiya arasında gərginlik pik həddə çatıb. Ötən gün Rusiya donanmasının Ukrayna gəmilərinə hücumu nəticəsində 6 Ukrayna hərbçisi yaralanıb, 3 Ukrayna gəmisi ələ keçirilib və Rusiya ərazisinə aparılıb. Gərginlik Azov dənizində yerləşən Kerç boğazında baş verib.

Missiya.Az xəbər verir ki, Ukrayna rəsmiləri baş verənlərə kəskin reaksiya verib və hadisəni müharibə elanı kimi qiymətləndirdiklərini qeyd ediblər. Rəsmi Kiyev hərbi vəziyyət elan edib. 

Rusiya və Ukrayna arasında baş verən gərginlik dünyanın gündəmini dəyişib. İki ölkə arasında yaşanan gərginliklə bağlı  Birləşmiş Millətlər Təşkilatının Təhlükəsizlik Şurasının (BMT TŞ) iclası keçiriləcək.

İki ölkə arasında gərginlik Azərbaycanda da yaxından izlənilir. Politoloq Qabil Hüseynli Missiya.Az-a açıqlamasında bildirib ki, Rusiya Kerç boğazını, Azov dənizini və Qara dənizin bir hissəsini nəzarəti altına almaq istəyir: “Bu məqsədlə Hərbi Dəniz Qüvvələrinin Azov dənizinə girişini məhdudlaşdırmağı planlaşdırır. Bu çox ciddi hadisədir”.

b_550_325_16777215_00_images_xeber_sekilleri__25.11.2018_785424.jpg
Qabil Hüseynli - Politoloq

Qabil Hüseynli bildirib ki, Rusiyanın addımları beynəlxalq hüquqa ziddir: “Rusiya ordusunun açdığı atəş nəticəsində 6 nəfər Ukrayna dənizçisi yaralanıb. Bəziləri bunu Rusiyanın Ukraynaya müharibə elanı kimi dəyərləndirir. Həmçinin digər iddialara görə, rəsmi Moskvanın bölgədə tam hakimiyyəti ələ keçirmək üçün gərginliyi artırıb. Bu gün BMT-nin Təhlükəsizlik Şurasının iclası keçiriləcək. Məncə bu iclas Rusiyanın xeyirinə olmayacaq. Rusiya təcavüzdə və suveren dövlətin hüquqlarını pozmaqda ittiham olunacaq. Rəsmi Moskvaya sanksiyaların tətbiq edilməsi ehtimal olunur".

Politoloq Rusiya və Ukrayna arasında aktiv hərbi əməliyyatların  başlaması ehtimalını da dəyərləndirib: “Hələ ki, Ukrayna Rusiya ilə müharibə aparmağa hazır deyil. Qərb ölkələri Ukraynaya lazımi qədər hərbi yardım göstərmir. Amma lazım gəlsə, Ukrayna öz ərazilərini işğaldan azad etmək üçün müharibəyə də başlaya bilər".

Qabil Hüseynli Azərbaycanın baş verən gərginlikdə hansı mövqedə durmalı olduğunu da açıqlayıb. Onun sözlərinə görə, Azərbaycan BMT-nin Rusiya ilə bağlı qəbul edəcəyi qərarı dəstəkləməlidir. 

b_550_325_16777215_00_images_xeber_sekilleri__25.11.2018_kerc-bogazi.jpg
Münaqişənin baş verdiyi Kerç boğazı (Qırmızı dairə ilə işarələnib) 

Qeyd edək ki, Rusiya və Ukrayna arasında münaqişə 2014-ci ildə Rusiya cənubunda Krım yarımadasını özünə ilhaq etməsi ilə başlayıb. Həmin vaxtdan etibarən ABŞ və Avropa ölkələri Rusiyaya qarşı ağır sanksiyalar tətbiq edir.  Əsas tələb isə Krım yarımadasının yenidən Ukraynaya qaytarılmasıdır.

Elvin Məmmədov
Missiya.Az

 

17 Yanvar 2019 Almaniyadan Qarabağla bağlı SENSASİON XƏBƏRDARLIQ: Yaxın vaxtlarda...
16 Yanvar 2019 Vüqar Rəhimzadə:"Struktur islahatları çox əhəmiyyətlidir" - AÇIQLAMA
15 Yanvar 2019 Hərbi sənayemizdə yeni dövr - Prezident fərmanının əhəmiyyəti - ŞƏRH
14 Yanvar 2019 İslahatlar başlayır: Bu nazirlər və komitə sədrləri işsiz qala bilər
10 Yanvar 2019 “Azərbaycanı müstəqil siyasətdən çəkindirmək istəyirlər” – Ramin Əhmədov
09 Yanvar 2019 PKK ilə Əsəd rejiminin “bazarlığı” – Terrorçular hansı şərtləri irəli sürdü?
07 Yanvar 2019 İranda sistemdaxili yenilənmə - hakimiyyətə “komsomollar” gəlir
04 Yanvar 2019 ABŞ Nümayəndələr Palatası yeni büdcə layihəsini qəbul edib
14 Dekabr 2018 İlham Əliyev Avropaya "Qarabağ Azərbaycanındır" dedirtdi - BİZİM ŞƏRH
10 Dekabr 2018 Paşinyanı çətin günlər gözləyir: Qarabağda silahlı üsyan və Azərbaycanın hücumu - ŞƏRH
06 Dekabr 2018 Üçüncü devalvasiya nə vaxt ola bilər? - AÇIQLAMA
05 Dekabr 2018 Əli Həsənov: Məmurun ana dilini bilməməsi onun qəbahətidir
29 Noyabr 2018 ABŞ-da MÜHARİBƏ ELANI SAYILACAQ: Putindən sonra Ərdoğan da təsdiqlədi
28 Noyabr 2018 "Xaricdəki anti-Azərbaycan şəbəkəsinin sifarişli qrantlar üzərində dayandığına şübhə qalmadı"
27 Noyabr 2018 Qanun dəyişdi: Azərbaycanda işsizlərə 12 ayadək əlavə pul ödəniləcək
22 Noyabr 2018 Azərbaycanda növbəti Prezident seçkiləri bu tarixdə keçiriləcək - Seçki Məcəlləsi DƏYİŞDİRİLİR
15 Noyabr 2018 Səfirlər tacirə çevriliblər - "XİN-də böyük qüsurlar var"
10 Noyabr 2018 "Yeni Müsavat"dan heç kəs hakimiyyətə gəlmək istəmir" - Rauf Arifoğlu
08 Noyabr 2018 Səfir Azər Xudiyev özü özünü təkzib edir – Dünən Tələt Əliyev bu gün Səbinə Həşimova
08 Noyabr 2018 Qaşıqçını "Pələng dəstəsi" öldürüb - Cinayətin ÜSTÜ AÇILDI