b_550_325_16777215_00_images_xeber_sekilleri__08.10.2018_vgggkjgjbjk.jpg

Son aylar dünya bazarında neftin qiymətindəki bahalaşmağa başlayıb. Hazırda dünya bazarında neftin qiyməti 80 dollardan baha salılır. "Qara qızıl"ın qiymətində yaşanan sürətli artım Azərbaycan neftinin dəyərinə də təsirsiz ötüşmür. Bu gün “Azeri Light” markalı neftin bir barrelinin qiyməti 85,28 dollar təşkil edib.

Qeyd edək ki, Azərbaycan neftinin bir barrelinin qiyməti 2001-ci ilin dekabrında minimuma enərək 19,15 dollar, 2008-ci ilin iyulunda isə maksimuma çataraq 149,66 dollar olub. Sürətlə artan neft qiymətləri 2014-2016-cı illərdə dünyada baş verən siyasi münaqişələr səbəbindən dəyər itirməyə başladı. Amma 2017-ci ilin əvvələrindən başlayaraq qiymətlərdə artım hiss olunur. Neft ölkəsi olduğumuz üçün qiymətlərdə baş verən dəyişikliklər Azərbaycana da təsirsiz ötüşmür. 

Ekspertlər neft qiymətlərinin daha da artacağını deyirlər. 

Məsələ ilə bağlı Missiya.Az -a açıqlama verən ADA Universitetində Xəzər Enerji və Ətraf Mühit Mərkəzinin direktoru, iqtisadçı Elnur Soltanov bildirib ki, neft qiymətlərinin artmasının iki əsas səbəbi var.

Birinci səbəb: Amerikanın İrana tətbiq etməkdə olduğu sanksiyalardır. Noyabrın ilk günlərində İrana tətbiq edilən yeni sanksiyalar qüvvəyə minir. Bu səbəbdən xarici şirkətlər İrandan neft almaqla bağlı imkanlarını itirirlər. Sanksiyaların qüvvəyə minəcəyi tarix yaxınlaşdığı üçün İranın ixrac potensialındakı azalma 1 milyon barelə yaxınlaşır. Bu da bazarda narahatçılığa səbəb olur. 

İkinci səbəb: Səudiyyə Ərəbistanının OPEK-in son iclasında neft istehsalını artıracağını açıqladı. Amma Səudiyyə Ərəbistanının qısa dönəmdə öz neft istehsalını ciddi şəkildə artırmaq qabiliyyətində olması ilə bağlı şübhələr var.  Deməli İran nefti azalır, amma bunun yerini tutacaq neft yoxdur.

b_550_325_16777215_00_images_xeber_sekilleri__08.10.2018_n8.jpg

Bu iki səbəb neftin qiymətində sürətli sıçrayışa gətirib çıxardı.

Ekspert bildirib ki, neftin qiymətindəki artışın son günlərdə dayanması da təsadüfi deyil. Belə ki, Səudiyyə Ərəbistanı bəyanat verdi ki, onun neft istehsalı tarixdə ilk dəfə rekord həddə çatmaqdadır. Eyni zamanda Rusiya da iddia edir ki, azaltdığı 3 yüz min barellik neft istehsalını yenidən bərpa edib. Bu bəyanatların da bazara yumuşaldıcı təsiri olub. 


Ekpert hesab edir ki, bazardakı bu hərəkətlilik Azərbaycan üçün müsbət haldır. Bu artımdan əldə olunan xarici valyutanı iki cür dəyərləndirmək olar:

“Bizdə neftin bareli 45 dollardan hesablanır. Azərbaycan nefti 80 dolların üzərində satılır. Bu olduqca xoş xəbərdir. Amma başa düşmək lazımdır ki, bu uzun müddətli prosses deyil. Bu artan neft dollarını ancaq yığıma sərf etmək lazımdır. Bu yığımı indi etmək lazımdır ki, sabah neftin qiyməti ucuz olanda ondan istifadə edə bilək. Yəni bazarda neftin qiyməti azalanda onu kompensasiya etmək imkanımız olsun. Əgər qazanılan əlavə dollarlar yatırıma yönələcəksə, bu da məhsuldar sahələrə yönlənməlidir. Burada da istər iqtisadiyyatın qeyri-neft sahəsində olsun, istərsə də digər sahələrdə ümumi iqtisadiyyata real mənada  töhvə verəcək sektorlara yatırılmasına diqqət edilməlidir. Neftin hazırkı qiymət artımına güvənmək olmaz. Bu keçici faktordur və bu keçiciliyi ya yığma, ya da məhsuldar qüvvələrin artışı istiqamətində istifadə etmək lazımdır”.


Natavan Abdullayeva
Missiya.Az

22 May 2019 Kürdəxanı sakini: "Mehriban xanımın evimizə qonaq olması ən böyük hədiyyədir"
21 May 2019 Mehriban Əliyeva onu qonaq çağıran sakinin evinə getdi - FOTO
20 May 2019 Azərbaycan Ordusunun genişmiqyaslı təlimləri başladı
17 May 2019 Azərbaycana vizanın qiyməti müəyyənləşdi - 350 dollar
16 May 2019 “Onları zibil kimi kənara atacaqlar” – “Orduxan biabırçılığı” və Azərbaycanın uğuru
13 May 2019 XİN Mnatsakanyana cavab verdi
10 May 2019 Türkiyə “S-400”ləri Azərbaycanda yerləşdirəcək? - AÇIQLAMA
08 May 2019 Gürcüstanla sərhəd qalmaqalı səngimir - Cavabımız necə olmalıdır?
07 May 2019 Əli Həsənov AzTV və İTV-nin türkdilli ölkələrdə yayımına icazə verilməsini təklif edib
06 May 2019 Prezident İlham Əliyev Vladimir Putinə başsağlığı verib
29 Aprel 2019 "Nyu-York Tayms"dan TÜKÜRPƏDƏN ANALİZ: İran-ABŞ müharibəsinə 18 ay qaldı
24 Aprel 2019 Şri-Lanka teraktlarının DƏHŞƏTLİ PƏRDƏARXASI - Növbəti hədəf BU ÖLKƏDİR
23 Aprel 2019 İlham Əliyev: "Vergi və gömrük orqanları plandan əlavə 200 milyon manatdan çox vəsait toplayıb"
22 Aprel 2019 ABŞ hökumətindən İrana hücum barədə xəbərlərə reaksiya
19 Aprel 2019 Dövlətə düşmən kəsilmək və müxalifətçiliyin yeni “standartları”
18 Aprel 2019 Prezident əhaliyə ŞAD XƏBƏR verdi - Maaş və pensiyalar artacaq
17 Aprel 2019 Ramiz Rzayev məhkəmə hakimlərinə xəbərdarlıq etdi
16 Aprel 2019 PA nümayəndəsi: “Ölkəmizdə heç bir dinə digərindən çox üstünlük verilmir”
11 Aprel 2019 Paşinyan Tonoyanın müharibə bəyanatından danışdı
09 Aprel 2019 Respondentlərin 85.1 faizi İlham Əliyevin fəaliyyətini müsbət qiymətləndirir - SORĞU