b_550_325_16777215_00_images_xeber_sekilleri_14may2018_32709147_2079844262044168_2986751323136851968_n.jpg

Ermənistanda baş vermiş “məxməri inqilab”ın Qondarma Dağlıq Qarabağ Respublikasına sıçaraya biləcəyi ilə bağlı iddialar səsləndirilir.

Missiya.Az xəbər verir ki, bu iddiaları erməni jurnalist Arutün Qriqoryan səsləndirib.

Onun sözlərinə görə, qondarma rejimin rəhbəri Bako Saakyanın da hakimiyyətdən getmək vaxtı çatıb: “Məxməri inqilab” Qarabağın da qapısını döyür. Bako Saakyan qorxu içərisindədir. Ola bilsin ki, Ermənistanda olduğu kimi, Qarabağda da hakimiyyət dəyişsin. Bu təhlükə həqiqətən var, çünki reallıq eynidir. Ermənistan cəmiyyəti Serj Sarkisyana qarşı üsyan etdi. Ona görə ki, Sarkisyan Konstitusiyanı dəyişdi və hakimiyyəti öz istədiyi kimi formalaşdırmağa çalışdı. Sarkisyan düşünürdü ki, mitinqlər müvəqqətidir və idarə edə biləcək. Amma belə olmadı və narazı kütlə rejimi devirdi".

Müəllif yazır ki, Ermənistanda olduğu kimi, Qarabağda da Konstitusiya dəyişikliyi edilib: “Prezident Bako Saakyan 3-cü dəfə seçilib. 2017-ci il fevralın 20-də baş tutan Konstitusiya referendumunun nəticələrinə görə, Qarabağda prezident idarəetmə sistemi təsdiqlənib. Bu sistem 2020-ci ildən qüvvəyə minəcək. Amma yeni Konstitusiyaya əsasən bu üç ildə Qarabağ keçid mərhələsi rejimində idarə olunacaq. Və bu mərhələdə Dağlıq Qarabağa hazırda parlament deputatlarının seçdiyi prezident rəhbərlik edəcək. Həmin vaxt Saakyanın yenidən prezident seçilməsinə qarşı heç bir etiraz aksiyası keçirilmədi. Seçkilər vaxtı hakimiyyətdə Serj Sarksiyan idi. İndi isə Qarabağda da rejim dəyişməlidir”.

2222.jpg

Yazıda qeyd edilib ki, hazırda İrəvanda vəziyyət tamamilə fərqlidir və daha Serj Sarkisyan yoxdur: “Guya belə təsəvvür yaradırdılar ki, Bako Saakyanı hakimiyyətdə qalmağa Serj Sakisyan məcbur edirdi. Amma indi Serj Sarkisyan hakimiyyətdə deyil. Ona görə də Qarabağda da dəyişikliklər olmalıdır və demokratikləşmə başlamalıdır”.

Müəllif Bako Saakyanın Nikol Paşinyandan qorxduğunu qeyd edib: “Saakyan Paşinyandan qorxur və hiss edib ki, İrəvandakı etiraz dalğası Xankəndinə sıçraya bilər. Bu səbəbdən, Saakyan hər vəclə çalışdı ki, Nikol Paşinyan Qarabağ səfəri zamanı geniş kütlə qarşısında çıxış edə bilməsin. Saakyan istədi ki, Paşinyan Qarabağı tez tərk etsin. Onun ən böyük qorxusu inqilab dalğasının Qarabağa yayılmasıdır”.

Qeyd edək ki, Ermənistanda bir ay davam edən etiraz aksiyaları zamanı Serj Sakisyan rejimi devirildi. Etirazlardan sonra müxalif lider Nikol Paşinyan baş nazir seçildi. O ilk səfərini Dağlıq Qarabağa etdi.

b_550_325_16777215_00_images_xeber_sekilleri_14may2018_1523978145159527839_1000x669.jpg


Paşinyan 20 ilə yaxındır, ölkəni idarə edən “Qarabağ klanı”nı devirdikdən sonra hakimiyyətə gəlib. Dağlıq Qarabağı isə hazırda “Qarabağ klanı” idarə edir. Bako Saakyan da Serj Sarkisyanın adamıdır. 1997-ci ildə “Qarabağ klanı” kimi tanınmış Dağlıq Qarabağ separatçıları – Bako Saakyan, Ermənistanın keçmiş dövlət başçısı Serj Sarkisyan və eks-prezidenti Robert Koçaryan ölkə rəhbəri Levon Ter-Petrosyanı istefaya məcbur ediblər. Səbəb onların Ter-Petrosyanın Dağlıq Qarabağ münaqişəsilə bağlı mövqeyini qəbul etməmələri idi. Məsələ ondadır ki, L.Ter-Petrosyan münaqişənin həllinə hazır olduğunu bəyan etmişdi. Ona görə də Ermənistan və Qarabağ “klanları” arasında gərginliyin artması realdır.

Elvin Məmmədov
Missiya.Az

20 Avqust 2018 Rusiyalı səfir: Qarabağla bağlı danışıqlarda irəliləyiş müşahidə olunur
17 Avqust 2018 Elmar Vəliyevin güllələnməsi ilə bağlı DİN, Baş Prokurorluq, DTX məlumat yaydı
16 Avqust 2018 Prezident 5 nəfərə general rütbəsi verdi - SİYAHI
15 Avqust 2018 Azərbaycan manatı 26 yaşında
13 Avqust 2018 Britaniya mətbuatı: Xəzər razılaşması enerji layihələrinə yol açır
10 Avqust 2018 ABŞ Türkiyəyə münasibətlərin düzəlməsi üçün şərtini açıqladı: Tək yol...
09 Avqust 2018 Tramp nə üçün Türkiyəyə müharibə ELAN ETDİ?
08 Avqust 2018 Putinlə Tramp arasındakı qapalı görüşün İNANILMAZ SİRRİ AÇILDI
07 Avqust 2018 Putin bağışlamadı: Ermənistanda “hibrid müharibəsi” başlayır
02 Avqust 2018 Kremldən İrəvana ağır zərbə - Silah çatdırılması dayandırıla bilər
16 İyul 2018 “Siz nüvə başlıqlarını gizlədirsiniz” – Sensasiyalı detallar ORTAYA ÇIXDI
11 İyul 2018 Əli Həsənov: "Gəncədəki vəziyyət cəmiyyətin dövlət ətrafında daha sıx birləşməsini tələb edir"
29 İyun 2018 İsrail və Çexiyadan İrəvanı şoka salan AZƏRBAYCAN ADDIMI: Avropadan qalxan silah dolu təyyarə...
22 İyun 2018 Ordumuzun paradda nümayiş etdirəcəyi bu ABŞ hərbi texnikası Ermənistanı QORXUYA SALDI
20 İyun 2018 Dünya dəhşətli müharibəyə doğru - Tramp Reyqanın başlatdığı SAVAŞI YENİLƏDİ
18 İyun 2018 "Mehmetcik"dən böyük uğur: 48 strateji hədəf MƏHV EDİLDİ - Qəndilə 39 km qaldı
06 İyun 2018 ABŞ Azərbaycana görə Qarabağda hərəkətə keçdi - SENSASİYALI İDDİA
25 May 2018 Paşinyandan Putinə gözlənilməz ZƏRBƏ: Rusiya Bakının Qarabağ planını dəstəkləyəcək
21 May 2018 Trampın ŞOK Fələstin PLANI – MOSSAD detalları AÇIQLADI
08 May 2018 "Azərbaycanda gün ərzində 10-15 dəfə zəlzələ olur" - Qurban Yetirmişli