b_550_325_16777215_00_images_xeber_sekilleri_03oktyabr2017_dfgfhhg.jpg

Bakının Qaraçuxur qəsəbəsi ərazisində bu il yanvarın 31-də DTX xüsusi təyinatlıları tərəfindən zərərsizləşdirilən, 4-ü əməliyyat zamanı öldürülən, 1-i sağ yaxalanan terrorçu qrup Milli Məclisə hücum edib, deputatları kütləvi qətlə yetirməyə hazırlaşırmış.

Missiya.Az Virtualaz.org-a istinadən xəbər verir ki, bu sensasion məlumat terrorçu qrupun sağ ələ keçirilən üzvü barəsində qaldırılmış cinayət işinin materiallarında yer alır.

Bu, İŞİD-ə qoşulmuş və həmin qəddar terror birləşməsinin Azərbaycandakı özəyini yaradaraq, cihad hazırlıqları görənlərdən biri, 28 yaşlı Fərid Sadıqovdur. Bakı Ağır Cinayətlər Məhkəməsində onun barəsində məhkəmə istintaqı artıq yekunlaşıb. F.Sadıqov terrorçuluq, qanunsuz silahlı birləşmə yaratmaq və digər təhlükəli ağır cinayətlərdə təqsirli bilinib.

DTX-nin rəsmi məlumatı və indi üzə çıxan tükürpərdici təfərrüatlar

Dövlət Təhlükəsizliyi Xidmətinin bu il fevralın 1-də həmin qrupun zərərsizləşdirilməsi haqda yaydığı məlumatda deyilirdi ki, dini ekstremizm zəminində xüsusilə ağır cinayətlərin törədilməsinə hazırlaşan Azərbaycan vətəndaşları – "Abu Hafsa” ləqəbli M.Ulubəyovun, "Abdulqərib” ləqəbli Q.Dəmirovun, "Əbdülxalid” ləqəbli F.Sadıqovun, T.Alməmmədovun və "Abdullah” ləqəbli S.Məmmədovun tutulması üçün 2017-cı il yanvarın 31-də xüsusi əməliyyat keçirilib. Əməliyyat zamanı qrup üzvlərindən M.Ulubəyov, T.Alməmmədov, Q.Dəmirov və S.Məmmədov avtomat və tapançadan atəş açmaqla, birgə silahlı müqavimət göstərərkən xüsusi əməliyyat qrupu tərəfindən məhv edilib, F.Sadıqov isə şübhəli şəxs qismində tutulub.

O vaxt DTX əməliyyatın Bakının hansı istiqamətində keçirildiyini və terrorçu qrupun fəaliyyətinə, planlarına dair təfərrüatları açıqlamamışdı. Bu təfərrüatlar indi məhkəmə prosesində üzə çıxır və DTX xüsusi təyinatlılarının həmin qrupu zərərsizləşdirməklə, Azərbaycanda hansı tükürpərdici terror hücumlarının qarşısını aldığı məlum olur.

“Əbdülxaliq” ləqəbli Fərid

Beləliklə, istintaq materiallarına əsasən,  dini ləqəbi "Əbdülxaliq"olan Fərid Sadıqov İŞİD terror təşkilatının ideyalarının Azərbaycanda yayılması naminə Qərib Dəmirov, Məhəmməd Ulubəyov, Tural Alməmmədov, Samir Məmmədov və digərləri ilə cinayət əlaqəsinə girib. Dini ekstremizm zəminində ağır və xüsusilə ağır cinayətlər törətmək üçün  yaradılan cinayətkar qruplaşmanın fəaliyyətində işitirak edib, terror hücumları üçün planlar qurub. Habelə təqsirləndirilən şəxs İŞİD-in tərkibində Suriyada döyüşən  azərbaycanlılarla əlaqə saxlayaraq, bu terror qruplaşmasının ideyalarını qəbul edib. Onlarla ünsiyyət zamanı İŞİD-in Azərbaycandakı “qolu” kimi qəbul olunmaq, təşkilatın məqsədləri üçün cihada başlamaq barədə sövdələşib.

İstintaq sənədlərində göstərilir ki, Qaraçuxurda zərərsizləşdirilən həmin qrup Azərbaycan ərazisində seriya terror hücumları həyata keçirmək üçün planlar qurublar. Hücumların hədəfi isə hüquq-mühafizə orqanlarının, nazirliklərin inzibati binaları, strateji əhəmiyyətli digər obyektlər, habelə Bakı Dövlət Universiteti, Bakı İlahiyyət Universiteti, Azərbaycan Neft və Sənaye Universiteti olub. Bundan əlavə, qruplaşma pul və qənimət ələ keçirmək üçün Bakıdakı şərab evlərinə, mağazalara, lombardlara, Şimal bölgəsində fəaliyyət göstərən iş adamlarına, yerli icra hakimiyyəti başçılarına silahlı hücumlar planlaşdırıb.

"Odnoklassnik.ru"da yazışmalar:  “Novosti Xalifata” qrupunda  “Əbu Davud”un radikal çağırışları

Fərid Sadıqov ifadəsində göstərib ki, 16 yaşından dini ibadətlə məşğuldur. 2016-cı ilin oktyabrından isə islamın Safi cərəyanına meyil edib, internetdə dini məzmunlu videolara baxıb, müxtəlif məqalələr oxumaqla “Əhli sünnənin Şafi məzhəbini dərindən öyrənib”. Həmçinin o, "odnoklassniki.ru"  saytında müxtəlif dini ekstremist məzmunlu müzakirələrdə iştirak edib.

Həmin qruplarda  “Əbu Davud” ləqəbi ilə yazışmalar zamanı F.Sadıqov bütün qeyri-müslümləri “kafir” adlandırdığına, onların məhv edilməsinə çağırışlar etdiyinə görə "odnoklassniki.ru" saytı tərəfindən profili bağlanıb.  Bundan sonra F.Sadıqov “Abdul Xaliq” adı ilə qruplarda, daha çox isə “Novosti Xalifata” qrupunda  yenidən yazışmalara başlayıb, özünə həmfikirlər tapıb. Lakin açıq-aşkar terrorçuluğu təbliğ etdiyi, radikal çağırışlar etdiyi üçün bu profil də sayt tərəfindən bloklanıb.

“Əbdülxaliq”in xudatlı Ulubəyovla tanışlığı

F.Sadıqovun ifadəsinə əsasən, o, əslən Xudat rayonundan olan Məhəmməd Ulubəyovla məhz odnoklassniki.ru-da yazışmalar zamanı tanış olub, bir-birlərinə mobil telefon nömrələrini veriblər.

İŞİD-çinin ifadəsindən: “Məhəmməd ərəb dilini öyrənmək üçün Bakıya gəlib, Qaraçuxurda kirayədə yaşayırdı. Bir neçə dəfə onun yaşadığı evə getmişdim. Həmin evdə olarkən Məhəmmədin vasitəçiliyi ilə Samir, Tural və Qəribi tanımışam. Dini söhbətlər aparır, zikr edir, camaat namazı qılırdıq”.

Məhəmmədin kirayə qaldığı evdə cızılan təhlükəli planlar

Lakin Məhəmmədin kirayə qaldığı evdə yığışanlar təkcə dini ibadətlə məşğul olmurdular, İŞİD ideyalarının Azərbaycanda da yayılması, Suriyada qurulan “İslam dövləti”nin Azərbaycanı və hətta bütün dünyanı əhatə etməli olduğu haqda danışırdılar. Bunun üçün yollar fikirləşir, planlar cızırdılar. Habelə Azərbaycanda başladacaqları cihadda onlara düzgün yol göstərib əmrlər verən, əldə olunacaq qəniməti-beytül malı “ədalətli şəkildə böləcək” əmir seçmək haqda müzakirə aparırdılar.

Əslində, bu qruplaşmanın üzvlərinin əvvəlki niyyətləri Suriyaya gedib cihada qoşulmaq idi. Lakin bu və ya digər səbəblərdən onların Suriyaya getmək niyyətləri baş tutmadığından cihadı elə Azərbaycanda başlatmağı qərara alırlar.

F.Sadıqovun ifadəsindən: “Məhəmməd dini cəhətdən savadlı və dünyagörüşlü olduğundan onun dediklərinə qulaq asırdıq. Dini mübarizəyə başlamaq üçün silah-sursat, partlayıcı maddələrin əldə olunması üçün planlar cızırdıq. Silah almaq üçün pul lazım olduğundan bankları, şərab evlərini, imkanlı şəxslərin evlərini qarət etməyi nəzərdə tuturduq. Əldə ediləcək puldan silah-sursat almağı, ehtiyacı olanlara yardım etmək və bu yolla sıralarımızı genişləndirmək istəyirdik.  Həyata keçirəcəyimiz basqınlarda müsəlmanlardan şübhələnməsinlər deyə, üzümüzü qırxmaq və sosial şəbəkələrdəki bütün profillərimizi silmək qərarına gəlmişdik”.

Silahlı basqınlardan sonra Qusar meşələrinə çəkilmək planı

Qrup üzvləri qərara alıblar ki,  silahlı hücumlara başlayandan sonra Qusar rayonundakı meşələrə çəkilsinlər, əldə etdikləri qənimətləri, silah-sursatları orada və Bakıda kirayə yaşadıqları mənzildə gizlətsinlər. Sonrakı mərhələdə isə onlar Qafqazdakı bütün müsəlmanların biət edəcəyi əmiri seçməyə hazırlaşırdılar.

Qrup üzvlərindən “Əbdülxaliq” kustar üsulla partlayıcı hazırlamağın yollarını internetdən öyrənməyi boynuna götürüb. Bu məqsədlə videotəlimatları internetdən telefonuna yükləyib. Yanvarın 29-da, DTX-nin keçirdiyi əməliyyatdan iki gün əvvəl qrup üzvləri Quba və Qusar rayonu ərazisində planlaşdırdıqları silahlı hücumlara son hazırlıq işlərini müzakirə etmək üçün Məhəmməd Ulubəyovun Qaraçuxurda kirayə qaldığı mənzilə yığışıblar.

Terrorçu qrupun ilk hücum hədəfi Qusar rayon polis idarəsi olmalı idi. Onlar hücumu  İdarənin qarşısında polislərin sıra baxışına düzüldüyü vaxt törətməyi planlaşdırıblar. Habelə eyni vaxtda rayonda bir-iki imkanlı şəxsin evinə, ticarət mərkəzlərinə hücum nəzərdə tutulub.

“Əbu Həfsaf” isə həmin müzakirələrdə partlayışı DTX-nin Qusar rayon şöbəsinin qarşısında törətmək təklifini irəli sürüb. Təqsirləndirilənin ifadəsindən: “Deyirdi ki, partlayış törədək, iki-üç nəfər həlak olsun, şöbəyə ziyan dəysin. Məhəmməd pul üçün “Dəmirbank” və “Atabank”ın Qusar şöbəsinə basqın etməyi təklif edəndə, mən dedim ki, silahımız azdır. Bir-iki silahla banka girmək çətin olacaq. Qərib Dəmirovlə Samir Məmmədov da banka basqın etməyin çətin olduğunu dedilər. Hətta Qərib dedi ki, banka girsək, atışma olacaq. Odur ki, banka deyil, şərab mağazaları və lombardlara girməyi planlaşdırdıq”.

“Deyirdi ki, icra başçısının müavinin yaxşı pulu var…”

Qrup üzvləri basqın zamanı dindar görünüşü yaratmamaq üçün xarici görkəmlərinə fikir verməyi, saqqallarını qırxmağı və bir-birlərinə “əxi” deyə müraciət etməyi qadağan ediblər. Samir Məmmədov Quba rayonu ərazisində “Qırmızı qəsəbədə” yaşayan yəhudilərdən birinin evinə basqın etməyi təklif edib.

F.Sadıqov ifadəsində deyib: ”Deyirdi, onların yaxşı pulu var, istəsək, verəcəklər. Məhəmməd isə Qusar rayon icra hakimiyyəti başçısının müavini, bələdiyyə sədrləri, Qusar rayon mərkəzi bazarının müdirinin evinə basqın etməyi təklif edib. Deyib ki, icra hakimiyyəti başçısının müavininin evinə getmək əla olardı. Bələdiyyə sədrinin, bazarkomun evinin yerini yerini öyrənmək lazımdır. Deyirdi, evlərinə girək, imkanlı adamlardı, pul-para olar”.

Hədəfdəki universitetlər

Müzakirələr zamanı “Əbu Həfsaf” Qusar rayonundakı hərbi hissələrdən birinə silahlı basqın etmək, daha sonra DTX və DİN-nin Polis Akademiyalarında terror aktları keçirmək təklifini irəli sürüb.  O, əsas  hədəfin dövlət müəssisə və təşkilatları olduğunu qrup üzvlərinə deyib. Habelə  “Əbu Həfsaf” Bakı Dövlət Universitetində, İslam Universitetində, Azərbaycan Dövlət Neft və Sənaye Universitetində partlayışların törədilməsinin vacibliyini vurğulayıb.

”Həmçinin Dövlət Təhlükəsizliyi Xidmətinin, Fövqəladə Hallar Nazirliyinin, Ədliyyə Nazirliyinin, Vergilər Nazirliyinin, Baş Prokurorluğun əməkdaşlarının, Milli Məclisin deputatlarının, rayon və şəhər icra hakimiyyəti başçılarının “razboyluq” olduqlarını israrla bildirir, onları müsəlmanlara qarşı olan şəxslər adlandırırdı. Milli Məclisə basqın etməyi, deputatların hamısının bir yerdə olduğu vaxt onlara silahlıı basqın etməyin vacibliyini deyirdi”, - təqsirləndirilən şəxs ifadəsində deyib.

Məhkəmənin hökmü  ilə Fərid Sadıqov 11 il müddətinə azadlıqdan məhrum edilib.

22 Fevral 2018 Gültəkin Hacıbəylinin dəyəri milyonlarla ölçülən mülkləri - Hektarlarla torpaq, villalar, mənzillər...
21 Fevral 2018 Azərbaycan sərhədlərində MÜHARİBƏ BAŞLAYIR – Ağ Ev tarixini elan etdi
20 Fevral 2018 "Torpaqdan kənarda formalaşan müxalifətin xalqa heç bir bağlılığı yoxdur!" - Zahid Oruc
19 Fevral 2018 Qarabağın sülh yolu ilə azad olunması üçün tarixi şans - FOTO
16 Fevral 2018 Türkiyənin “dərin dövləti” ABŞ-ın Azərbaycanla bağlı dəhşətli planını açıqladı
14 Fevral 2018 İlham Əliyevin "İrəvana qayıtmalıyıq" çıxışından sonra Ərdoğanın "Osmanlı şapalağı" İrəvanı "silkələdi"
13 Fevral 2018 Türkiyə-ABŞ müharibəsi BAŞLADI - “Dərin dövlət” hər şeyi üzə çıxartdı
12 Fevral 2018 Həsən Ruhaniyə mesaj çatdırıldı - Böyük müharibə
08 Fevral 2018 Prezidentin həmsədrlərlə razılığı İrəvanda TƏŞVİŞ YARATDI - Yeni Qarabağ planı
06 Fevral 2018 Növbədənkənar seçkinin arxasındakı Qarabağ SİRRİ
05 Fevral 2018 Azərbaycanda növbədənkənar Prezident seçkiləri keçiriləcək
02 Fevral 2018 Azərbaycan 2018-ci il üzrə İqtisadi Azadlıq İndeksində mövqeyini yaxşılaşdırıb
31 Yanvar 2018 Hücumun TARİXİ, Bakı və Ankara QARABAĞDA…
29 Yanvar 2018 Azərbaycan prezidenti: “Valyuta ehtiyatlarımız 42 milyard dollara çatıb”
24 Yanvar 2018 Dünyanın ən güclü ordularının reytinqi: Azərbaycan Ermənistandan 35 pillə qabaqda - SİYAHI
23 Yanvar 2018 Afrin əməliyyatından doğan Qarabağ şansı
22 Yanvar 2018 Suriyanın xəritəsi 24 saatda dəyişdi - “Zeytun budağı”ında BÖYÜK UĞUR
16 Yanvar 2018 Kreml Qarabağ planının üstündən xətt çəkdi: Lavrovun bəyanatının görünməyən üzü
15 Yanvar 2018 Bakıdan Qarabağla bağlı yeni gediş - Sarkisyan və Nalbandyan yanvarda olacaqları açıqladı
10 Yanvar 2018 Putinin adamı Qarabağ PLANINI AÇDI: 2018-ci ildə 3 ölkə...