5943414fc4de37064fe400f616ee6314.jpg

"Business Insider" portalı Beynəlxalq Enerji Agentliyinin yeni hesabatına əsasən yazır ki, Birləşmiş Ştatlar qarşıdan gələn bir neçə ildə dünyanın əlavə neftinin çox hissəsini hasil edəcək.

Hesabatda deyilir ki, qarşıdan gələn üç ildə ABŞ dünyada neft tələbatı artımının 80 faizini ödəyəcək. Agentliyin illik hesabatına görə, Kanada, Braziliya və Norveç artan tələbatın qalanını təchiz edəcəklər və beləliklə, OPEC kartelinə yer qalmayacaq.

Ən qəribəsi isə budur ki, şist nefti gəlirlərinin əhəmiyyətli hissəsi OPEC-in qiymətləri qaldırmaq üçün öz hasilatını ixtisar etməsinin sayəsində əldə olunub. "Əgər sən şist hasilatçısısansa, səni kimsə bazara gətirib. Kim gətirib, əlbəttə OPEC. OPEC-siz bazarda bir xaos olardı", - Birləşmiş Ərəb Əmirliklərinin neft naziri Süheyl əl-Məzruey bu yaxınlarda keçirilmiş bir sənaye konfransında deyib.

Əlbəttə, agentliyin OPEC üzvü olan ölkələr barədə proqnozu ürəkaçan deyil. Hazırda qeyri-OPEC ölkələri, xüsusilə də ABŞ hasilatı artırırlar və belə bir şəraitdə OPEC qiymətləri aşağı salmadan öz hasilatını necə artıracağı üzərində baş sındırır.

Bu isə karetelin üzvlərini hasilata ixtisarları nəzərdə tutulduğundan daha uzun müddətdə davam etdirməyə məcbur edə bilər. Söhbət ixtisarın 3 ya 4 il də uzadılmasından gedir. Bu isə OPEC-in özünə ziyan vurması və ABŞ şistinə və başqa qeyri-OPEC ölkələrinə daha geniş bazar verməsi ilə nəticələnəcək.

Beynəlxalq Enerji Agentliyinin təhlilində deyilir ki, OPEC-in hətta fazalarla tam hasilat həcmlərinə qayıtmasının öz problemləri var. Agentliyin proqnozlarına görə, qarşıdan gələn bir neçə ildə neftə tələbat azalacaq. OPEC-in hasilatı 2023-cü ilədək yalnız günə 750 min barrel artacaq. Hesabatda deyilir ki, bu rəqəm çıxarılarkən Venesuelada hasilatın günə 700 min barrel azalacağı nəzərə alınıb.

Agentliyin gəldiyi nəticə budur ki, neftə olan tələbat 2023-cü ilədək günə 6,9 milyon barrel artacaq. Bu tələbatın əksər hissəsi Çin və Hindistanın payına düşür.

Bu arada təchizat günə 6,4 milyon barrel artacaq ki, bunun da günə 3,7 milyon barreli və ya 60 faizi ABŞ-dan gələcək.

Hesabatda deyilir ki, hazırda ən çox investisiya qoyulan sahə neft-kimya məhsulları sahəsidir. Buna səbəb heç də təkcə elektrik avtomobillərinin artması yox, həm də neftin və ucuz qazın bolluğudur. Lakin eyni vaxtda mövcud yataqlardakı neftin tükənməsi nəticə etibarilə ildə 3 milyon barrel təchizat neftini siləcək.

Belə bir şəraitdə tələbatın artması o deməkdir ki, neft sənayesinin hər il təzə bir Şimal dənizinə ehtiyacı olacaq. Lakin sənaye neftin axtarışı və yataqların inkişaf etditirlməsinə əvvəllər olduğu qədər investisiyalar yatırmır.

2017-ci ildə yeni yataqların kəşf edilməsi ən aşağı həddinə çatıb, beləki cəmi 4 milyard barrel neft ehtiyatı müəyyənləşdirilib. Bu, 2020-ci illərin əvvəlləri üçün təchizatı çətinləşdirə bilər.

Beynəlxalq Enerji Agentliyinin başçısı Fatih Birol deyir ki, "Birləşmiş Ştatlar qarşıdan gələn beş ildə neft bazarlarına öz möhürünü vuracaq".

"Amma dediyimiz kimi, qlobal investisiyaların azlığı narahatlıq mənbəyi olaraq qalır. Hər il günə 3 milyion barrel tükənməkdə olan neft yataqlarını əvəzləmək üçün yeni yataqlar lazımdır" – ekspert deyib. (BBC)

14 Dekabr 2018 Azərbaycan İranın bir neçə vilayətindən toyuq ətinin idxalını qadağan etdi
12 Dekabr 2018 Ölkəyə 1 milyon tut tingi gətirilib
11 Dekabr 2018 Pambıq üzrə yeni statistika açıqlandı
10 Dekabr 2018 Dollarla verilən kreditlərlə bağlı vacib yenilik - VİDEO
07 Dekabr 2018 Maaşdan vergilər belə hesablanacaq – NÜMUNƏLƏR
06 Dekabr 2018 Azərbaycan və Türkiyə birgə zavod açacaq - Nazir açıqladı
05 Dekabr 2018 İpoteka kreditlərinin faizi dərəcəsi düşüb - RƏSMİ
04 Dekabr 2018 Bakıda ən az maaşı bu şəxslər alır
03 Dekabr 2018 Gəlir vergisi üzrə 100 faizlik güzəşt - RƏSMİ AÇIQLAMA
01 Dekabr 2018 Banklarda xarici valyuta ilə bağlı limitlər müəyyənləşdi - YENİ QAYDA
30 Noyabr 2018 Vergilər Məcəlləsinə dəyişikliklər edildi - YENİ QAYDALAR
28 Noyabr 2018 Hesabat verməyən QHT-lərdən pul geri alınacaq
28 Noyabr 2018 Portonovi gələn il açılışını edəcək FOTO/VIDEO
27 Noyabr 2018 Azərbaycanda yaşayış minimumu artırıldı
27 Noyabr 2018 Nazir: Dövlət büdcəsi 610 milyon manat artırıldı
26 Noyabr 2018 Geyim və əczaçılıq məhsullarının istehsalı azalıb
24 Noyabr 2018 Avtomobillərin idxal rüsumu artırılır
23 Noyabr 2018 SOCAR İstanbulun yeni hava limanında yanacaqdoldurma stansiyaları açacaq
22 Noyabr 2018 Azərbaycanda yeni bank adı görəcəksiniz
19 Noyabr 2018 Pambığın maya dəyəri açıqlandı: dəyər zənciri necə olacaq?