b_550_325_16777215_00_images_xeber_sekilleri__02.11.2018_news_20181107095938.jpg

Dağlıq Qarabağda girov saxlanılan Dilqəm Əsgərovun oğlu Kürdoğlu Əsgərov atasının Azərbaycanda olan erməni əsirlərlə dəyişdiriləcəyi xəbərinə münasibət bildirib.

Kürdoğlu Əsgərov Missiya.Az-a açıqlamasında atasının girovluqdan azad olunacağı ilə bağlı xəbəri mətbuatdan oxuduğunu deyib: “Bizə Beynəlxalq Qırmızı Xaç Komitəsindən və ya hər hansı dövlət qurumundan məlumat verilməyib. Mən özüm atamın dəyişdiriləcəyi barədə xəbəri mətbuatdan oxumuşam. Bildiyim qədər, Azərbaycan və Ermənistan nümayəndə heyətləri arasında görüş noyabrın sonunda Gürcüstanın paytaxtı Tiflis şəhərində keçiriləcək”.

Dilqəm Əsgərovun oğlu atasından uzun müddətdir məktub almadığını deyib: “Mən artıq 2017-ci ilin noyabr ayından bəri atamdan heç bir məktub və ya videogörüntü ala bilmirəm. Beynəlxalq Qırmızı Xaç Komitəsinin əməkdaşları mənə yalnız şifahi məlumat verirlər. Onlar deyirlər  ki, atamın səhhəti normaldır və heç bir problem yoxdur. Komitənin əməkdaşları atamın özünün məktub yazmadığını bildirirlər. Ancaq mən buna inanmıram. Çünki atam həmişə məktub yazıb. İndi niyə yazmır? Yəqin ki, noyabrın sonu hər şey məlum olacaq”.

Kürdoğlu Əsgərovun sözlərinə görə, digər girov Şahbaz Quliyevin ailəsi ondan məktub alır: “Şahbaz Quliyevin ailəsinin dediyinə görə ondan məktub alırlar. Amma atamdan məktub gəlmir”.  

Xatırladaq ki, 2014-cü ilin iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan əsgərləri tərəfindən girov götürülüb, Azərbaycan vətəndaşı Həsən Həsənov isə güllələnərək öldürülüb. İşğal altındakı Dağlıq Qarabağda qurulan qanunsuz "məhkəmə"nin qərarı ilə D.Əsgərov ömürlük, Ş.Quliyev 22 il müddətinə azadlıqdan məhrum edilib.

Noyabr ayının sonunda isə Azərbaycan və Ermənistan arasında girovların dəyişdirilməsi prossesi baş tuta bilər. Azərbaycanın Ermənistanda 3 girovu var: Onlar Dilqəm Əsgərov, Şahbaz Quliyev və 2017 -ci ilin fevralında Ermənistan hərbçiləri tərəfindən girov götürülən Elnur Hüseynzadədir.  

Ermənistanında Azərbaycanda 3 girovu var: Onlar təmas xəttində təxribata cəhd edən və Azərbaycan ordusu tərəfindən qarşısı alınaraq sağ ələ keçirilən erməni diversant Arsen Baqdasaryan, 2017 və 2018-ci illərdə ələ keçirilən kəşfiyyatçılar Varen Karapetyan və Karen Kazaryandır. Tərəflər arasında girovlarla bağlı balans eynidir. 

Ona görə də girovların dəyişdiriləcəyi ilə bağlı ehtimallar böyükdür.


Elvin Məmmədov

Missiya.Az

 

19 Aprel 2019 Bu ali məktəblər qanunları pozub - Palata açıqladı
18 Aprel 2019 İlbər Ortaylı Məhəmməd Əmin Rəsulzadə ilə bağlı xatirəsini açıqladı - VİDEO
18 Aprel 2019 May ayında neçə qeyri-iş günü olacaq?
18 Aprel 2019 Prezident parkda sakinlərlə görüşdü - FOTO
18 Aprel 2019 “O qız qardaşımın gənclik səhvidir” - Nazpəridən inanılmaz sözlər
18 Aprel 2019 Bu xəstəxanalar Səhiyyə Nazirliyinin tabeliyindən çıxarılır - SİYAHI
18 Aprel 2019 Kompensasiya ödənişi siyahısında adı olmayanlara VACİB XƏBƏR - VİDEO
17 Aprel 2019 Nazir məktəb direktorlarını topladı - ciddi tapşırıqlar verdi
17 Aprel 2019 Röyanın efirdəki söyüşünə rəsmi - Reaksiya
17 Aprel 2019 Nazirlər Kabinetindən kommunal xidmət limitləri ilə bağlı yeni - QƏRAR
16 Aprel 2019 Fransada milyarder ailə Notr-Dama 100 milyon ayıracaq
16 Aprel 2019 Rəşad İlyasov: "Şöyüşə görə Azərbaycan xalqından üzr istəyirəm" - VİDEO
15 Aprel 2019 Replərində narkomaniyanı təbliğ gedən “Ruzigar”ın cəzası açıqlandı - RƏSMİ
14 Aprel 2019 Lavrovdan ABŞ-a sərt ittiham
13 Aprel 2019 Bakı metrosunda ilk: qadın maşinist işə götürüldü
12 Aprel 2019 Prezident İlham Əliyev Matviyenkonu təltif etdi - FOTO
12 Aprel 2019 Vətəni Assancdan üz döndərdi - Dəstək almadı
11 Aprel 2019 Əli Əhmədov: Köçkünlər tez köçürülmək üçün öz yataqxanalarını yandırır
11 Aprel 2019 Təhsil Nazirliyi: Məktəblərdə pəncərələrin bağlanması məlumatı yalandır
11 Aprel 2019 Təbii qaz və işığa tətbiq edilən limiti ləğv etmək mümkündür