b_550_325_16777215_00_images_xeber_sekilleri_14may2018_32748959_10214110417826402_8854684759901601792_n.jpg

Hər üç alpinist təxminən eyni yerdə, çadır qurduqları ərazidə tapıldı. Böyük ehtimalla, onlar çadırda istirahət vaxtı gözlənilmədən qar uçqununa düşüblər. Dörd aydan çox vaxt keçsə də, meyitlər tanınan halda idi. Qarın altından çıxarılanda alpinistlərin şəxsiyyətini müəyyənləşdirmək olurdu.

Missiya.Az AZƏRTAC-a istinadən xəbər verir ki, bu barədə dekabrın 27-dən itkin düşən “Gilavar” idman klubunun üzvləri Namin Bünyatov, Babur Hüseynov və Fəridə Cəbrayılzadənin axtarışlarını həyata keçirən qrupun rəhbəri Toğrul Mehdiyev məlumat verib.

Toğrul Mehdiyev deyib ki, Quba rayonunun Xınalıq kəndindən Tufandağ istiqamətində yürüşə çıxan alpinistlərin axtarışları müvafiq təlimata uyğun olaraq fasiləsiz davam edib. Son günlər havanın daha çox istiləşməsi axtarışların intensivləşməsi üçün şərait yaradıb. Qarın səviyyəsi azaldığından alpinistlərin olduğu yeri müəyyənləşdirmək üçün bəzi ipucuları ortaya çıxıb: 

“Əvvəl həmin ərazidə 10-12 metr hündürlükdə qar var idi. İsti havadan sonra qarın hündürlüyü dörd metrə qədər azalmışdı. Alpinistlərin yerini təxmini müəyyənləşdirdikdən sonra bütün qüvvəmizi səfərbər edib, həmin ərazidə axtarışları gücləndirdik.

İki gün ərzində səhər saat 7-dən axşam 8-dək ərazidən çıxmamaq şərtilə iş apardıq. Mayın 16-da onların cəsədlərini aşkarladıq”, - deyə Toğrul Mehdiyev əlavə edib.

Xilasetmə qrupunun komandiri Anar Alxanov jurnalistlərə açıqlamasında alpinistlərin meyitlərinin qarın dörd metr dərinliyində aşkar olunduğunu bildirib:

“Əvvəlcə Babur Hüseynovu, sonra isə Fəridə Cəbrayılzadə və Namin Bünyatovu üzə çıxardıq. Onlar birlikdə çadırın içərisində böyük qar uçqununun altında qalıblar”.

Alpinistlərin axtarışları ilə əlaqədar yaradılan Əməliyyat Qərargahının bu barədə açıqlamasında bildirilir ki, Fövqəladə Hallar Nazirliyinin peşəkar xilasedicilərindən ibarət dəstələrin, eləcə də Ekologiya və Təbii Sərvətlər Nazirliyinin əməkdaşlarının iştirakı ilə aparılan axtarışlar nəticəsində mayın 16-sı saat 18 radələrində itkin düşən alpinistlərə aid çadırın yeri müəyyənləşdirilib. Həmin ərazidən bir kişi cəsədi tapılıb. Saat 19 radələrində isə daha bir kişi və bir qadın cəsədi aşkarlanıb.

Meyitlər hüquq-mühafizə orqanları əməkdaşlarının iştirakı ilə Əməliyyat Qərargahından Quba Rayon Mərkəzi Xəstəxanasının morquna gətirilib və tibbi ekspertizadan keçirildikdən sonra aidiyyəti üzrə təhvil veriləcək.

Qeyd edək ki, Fövqəladə Hallar Nazirliyi tərəfindən axtarış-xilasetmə işlərinə dekabrın 27-də başlanılmışdı. Axtarış-xilasetmə işləri mürəkkəb relyefli yüksək dağ massivində (dəniz səviyyəsindən 2500-3000 metr yüksəklikdə) çətin meteoroloji şəraitdə aparılırdı.

Bu müddətdə axtarış-xilasetmə işlərinə Xüsusi Riskli Xilasetmə Xidmətinin dağ-xilasediciləri, mülki müdafiə qoşunlarının canlı qüvvəsi və müvafiq texnikası, Şimal Regional Mərkəzinin xilasediciləri, aviasiya dəstəsinin “Mi-17” markalı helikopteri və xüsusi təlim keçmiş itlər cəlb olunub. Eyni zamanda, Ekologiya və Təbii Sərvətlər Nazirliyinin əməkdaşları, peşəkar alpinistlərdən və yerli sakinlərdən ibarət könüllü dəstələr axtarışlarda iştirak edib.

26 Aprel 2019 Azaraq Ermənistan tərəfə keçən azərbaycanlı əməliyyat edildi
26 Aprel 2019 Moskvada qumar borcuna görə azərbaycanlı jurnalist güllələndi - FOTO
25 Aprel 2019 İnternetdəki “desant” dəstələri: Dövlətə qarşı vuruşan parazitlər
25 Aprel 2019 Nazir direktoru işdən çıxardı - Şikayətlərə görə
25 Aprel 2019 Azərbaycan "Peugeot"ları MDB-yə satacaq - Qiymət açıqlandı
24 Aprel 2019 “Space” TV efirdəki söyüşə görə cərimələndi - MƏBLƏĞ
24 Aprel 2019 Ramil Usubovdan daha bir – TƏYİNAT
24 Aprel 2019 Kompensasiyalarla bağlı SMS almayan vətəndaşların - DİQQƏTİNƏ
23 Aprel 2019 "Ziyanı mən çəkmişəm, pulu başqasına ödəyirlər" - NARAZILIQ
23 Aprel 2019 Kompensasiyaların miqdarı artırıldı - Hökumətdən VACİB QƏRAR
22 Aprel 2019 Prokuror: Fədayə Laçına ədalətli hökm verilib
22 Aprel 2019 Tahir İmanov arzusuna çatdı: Mərkəzi küçəyə babasının adı verildi
22 Aprel 2019 Üzünü it parçalayan uşağın vəziyyəti ilə bağlı həkimi danışdı
22 Aprel 2019 “Formula 1”ə görə bu şəxslər 5 gün işləməyəcək
20 Aprel 2019 Baş nazirdən elektrik enerjisi ilə bağlı qərara dəyişiklik
19 Aprel 2019 Bu ali məktəblər qanunları pozub - Palata açıqladı
18 Aprel 2019 İlbər Ortaylı Məhəmməd Əmin Rəsulzadə ilə bağlı xatirəsini açıqladı - VİDEO
18 Aprel 2019 May ayında neçə qeyri-iş günü olacaq?
18 Aprel 2019 Prezident parkda sakinlərlə görüşdü - FOTO
18 Aprel 2019 “O qız qardaşımın gənclik səhvidir” - Nazpəridən inanılmaz sözlər