b_550_325_16777215_00_images_xeber_sekilleri_08yanvar2018_fer.jpg
Vergi inzibatçılığının təkmilləşdirilməsi, daha çevik idarəetmə mexanizmlərinin tətbiqi və yeni çağırışlara cavab verən vergi sisteminin formalaşdırılması məqsədilə Vergilər Nazirliyində struktur və kadr islahatlarına başlanılıb. 
 
Gələn məlumatlarda yeni nazirin sahibkarlara "yaşıl işıq" yandıracağı əminliklə vurğulanır. Həm də ona görə ki, bu barədə prezident İlham Əliyev dəfələrlə "sahibkarlara normal fəaliyyət göstərmələri üçün şərait yaradılmalı, bürokratik əngəllər aradan qaldırılmalıdır" göstərişlərini verib.
 
Missiya.Az azxeber.com-a istinadən xəbər verir ki, hətta bu tədbirlər çərçivəsində illərdir "Binə" və "Sədərək" ticarət mərkəzlərində yaşanan kassa aparatları probleminə də nöqtə qoyulacağı söylənilir.
 
Qeyd edək ki, Vergilər Nazirliyi "Binə" və "Sədərək" ticarət yarmarkalarındakı ticarət sahələrinin kassa aparatları ilə təmin edilməsi üçün həmin mərkəzlərin rəhbərləri ilə hələ 2012-ci ildən iş aparır. Həmin ildə sahibkarlar və Vergilər Nazirliyi rəsmilərinin iştirakı ilə müşavirə keçirilib və onlara uçotun başa çatdırılması üçün daha bir il müddət verilib. Yəni 2013-cü ilin sonunadək "Binə" və "Sədərək"dəki sahibkarlar qeydiyyata alınmalı, mağazalarda kassa aparatları quraşdırılmalı, əmək müqavilələri bağlanmalı və 2013-cü ildən etibarən vergi qanunvericiliyinə əməl edilməli, vergilər dövlət büdcəsinə ödənilməli idi. 
 
Lakin problem bugünədək həllini tapmayıb. Məsələ burasındadır ki, "Binə" və "Sədərək" yarmarkalarında ticarətlə məşğul olan sahibkarlar vergi ödəyirdilər, amma dövlətə deyil, bu obyektlərin sahiblərin. Ticarət obyektlərində yerləri sahibkarlara icarəyə verən "Binə" və "Sədərək"in rəhbərləri isə onlardan topladıqları böyük pulların müqabilində dövlətə daha az vəsait ödəyirdilər. 
 
Qanunvericiliyə görə isə sahibkar icarə haqqı ilə yanaşı, kassa aparatına çek vurmalı və gəlirlərindən vergini özü dövlətə ödəməlidir.
 
2015-ci iin 21 fevral və 21 dekabr devalvasiyalarından sonra ölkədə baş verən sürətli bahalaşma "Binə" və "Sədərk" ticarət mərkəzlərinin fəaliyyətinə də ciddi ziyan vurdu. Xaricdən valyuta ilə alınan malların qiyməti avtomatik olaraq bahalaşdı. Alıcılıq qabiliyyətinin aşağı düşməsi, üstəgəl dövlət və qanunla müəyyən olunmayan əsassız vergilər sahibkarları çıxılmaz vəziyyətdə qoydu. 
 
İndi isə bütün ümidlər yeni vergilər naziri Mikayıl Cabbarova dikilib... 
 
Məlumatlara görə, "Binə" və "Sədərk" ticarət mərkəzlərindəki obyektlərdə indiyədək 8000 ədəd kassa aparatı quraşdırılıb. Vergilər Nazirliyinin "Binə" və "Sədərək"lə əlaqədar başlatdığı bu iş sözügedən obyektlərin rəhbərlərin qeyri-qanuni əməllərinə zərbə, orada ticarətlə məşğul olan orta və xırda sahibkarlara isə dəstək olacaq. Belə ki, icarəyə verilmiş mağazaları işlədənlərin bundan sonra gəlirlərdən vergiləri artıq "Binə" və "Sədərək"in rəhbərlərinə deyil, birbaşa dövlətə ödəyəcəyi bildirilir. Bu ödənişlərin həm də əvvəlkindən daha az olacağı qeyd edilir...
19 Yanvar 2018 Sabah Bakının bu yollarında avtomobillərin hərəkəti məhdudlaşdırılacaq
19 Yanvar 2018 Türkiyənin Azərbaycandakı diplomatik nümayəndəliklərində bayraqlar endiriləcək
19 Yanvar 2018 Azərbaycanın bu vəzifəli şəxsi vəfat etdi - SON DƏQİQƏ
18 Yanvar 2018 Cahangir Hacıyevin "sağ əli" xaricdə yaxalanıb, Bakıya gətirildi
17 Yanvar 2018 İlham Əliyevdən yeni təyinat - SON DƏQİQƏ
17 Yanvar 2018 Avstriyalı mütəxəssislər alpinistlərin axtarışlarını dayandırdılar
17 Yanvar 2018 Fazil Məmmədov şəxsi istifadəsindəki 4 bahalı maşını nazirliyə qaytardı
16 Yanvar 2018 Dilçilik İnstitutundan dəyişikliklərlə bağlı AÇIQLAMA
16 Yanvar 2018 Erməni ordusu gecə yarısı Qarabağda itki verdi - 1 ölü
16 Yanvar 2018 “Əsgər” sözü “əskər”, “alqı-satqı” isə “alğı-satqı” kimi yazılacaq - RƏSMİ
16 Yanvar 2018 “Alpinistlərin axtarışı dayandırılmalıdır….”- Alpinist
16 Yanvar 2018 Ziya Məmmədovu həbsə göndərmək istəyirlər – keçmiş ortağından açıqlamalar
15 Yanvar 2018 Pensiyalar bu ay nə qədər ARTACAQ? - Məbləğ ...- İqtisadçının şərhi
15 Yanvar 2018 "Hafiz" Ziya Məmmədovun gizlinlərini açdı - Oyun bitdi
14 Yanvar 2018 Fazil Məmmədovun qudası da işdən çıxarıldı
13 Yanvar 2018 İlham Əliyevin fərmanı ilə: Ramin Quluzadə "supernazir" oldu
12 Yanvar 2018 "Qızıl amnistiya" gözlənilir - Millət vəkilindən ŞAD XƏBƏR
12 Yanvar 2018 Bu şəxslərin əməkhaqqı artırılıb - Staja görə fərqli hesablanacaq
11 Yanvar 2018 Yeni nazir dəyişikliklərə start verib - Bir neçə şöbə birləşdirildi, bir neçəsi isə...
11 Yanvar 2018 Xəzər dənizində hərbi gəmi qəzaya uğrayıb - İtkin düşənlər var - VİDEO