b_550_325_16777215_00_images_xeber_sekilleri_17sentyabr2018_n30.jpg

Azərbaycan Respublikasının prezidenti İlham Əliyev sentyabrın 18-də Ələt-Astara-İran İslam Respublikası ilə dövlət sərhədi avtomobil yolunun açılışında iştirak edib.

Missiya.Az xəbər verir ki, Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov dövlət başçısına Ələt-Astara-İran İslam Respublikası ilə dövlət sərhədi yeni avtomobil yolunun tikintisi layihəsi haqqında məlumat verib.

Bildirilib ki, mövcud Ələt-Astara-İran İslam Respublikası ilə dövlət sərhədi avtomobil yolunun ümumi uzunluğu 243 kilometr idisə, yeni avtomobil yolunun ümumi uzunluğu 204 kilometrdir. Yol birinci texniki dərəcəyə aiddir. Hərəkət hissəsinin eni 15 metr, hərəkət zolaqlarının sayı 4 olan yol müasir səviyyədə və bütün tələblərə uyğun inşa olunub.

Sifarişçisi Azərbaycan Avtomobil Yolları Dövlət Agentliyi olan yolun podratçı şirkətləri Azərbaycanın “Evrascon-AzVirt” Birgə Müəssisəsi, Türkiyənin “Kolin İnşaat, Turizm Sənaye və Ticarət”, “Özgün Yapı Sənaye və Ticarət” və “Polad Yol Yapı Sənaye və Ticarət” şirkətləri, texniki nəzarətçisi isə İtaliyanın “IRD Engineering”, Almaniyanın “Kocks Consult GmbH”, ABŞ-ın “TERA International Group” və Yaponiyanın “NİPPON KOEL UK Co” şirkətləridir.

Qeyd edilib ki, Ələt-Astara-İran İslam Respublikası ilə dövlət sərhədi yeni magistral avtomobil yolunun 31 kilometrlik Ələt-Yenikənd hissəsi 2006-2009-cu illərdə inşa edilib. Yolun 23,4 kilometrlik Yenikənd-Salyan hissəsinin, həmçinin Kür çayı üzərində 363 metrlik körpünün və 1,2 kilometrlik yanaşma yollarının tikintisi isə 2016-cı ildə başa çatdırılıb və dövlətimizin başçısının iştirakı ilə istifadəyə verilib.

Yeni magistral yolun 54,4 kilometrlik Cəlilabad-Masallı-Lənkəran hissəsinin tikintisi 2017-ci ildə başa çatdırılıb və dövlətimizin başçısının iştirakı ilə təqdimatı keçirilsə də istismara verilməmişdi.

Məlumat verilib ki, yolun 24,8 kilometrlik Salyan-Şorsulu, 30,1 kilometrlik Şorsulu-Cəlilabad və 39,2 kilometrlik Lənkəran-Astara hissələrində isə tikinti işləri cari ildə yekunlaşdırılıb. Bu hissələrin açılışı ilə Ələt-Astara-İran İslam Respublikası ilə dövlət sərhədi yeni magistral avtomobil yolunun daha 150 kilometrlik hissəsi istismara verildi. Bununla da Ələtdən Astarayadək 204 kilometrlik məsafədə tam yeni və müasir yolun inşası başa çatdırılıb.

Avtomobil yolunun 2011-2018-ci illərdə yeni istiqamət üzrə tikilən ümumi uzunluğu 173 kilometr olan Yenikənd-Astara hissəsində layihə üzrə bir sıra işlər həyata keçirilib. Layihənin Şorsulu-Cəlilabad hissəsində 12,5 kilometrlik yol bataqlıq-göl ərazilərdən keçdiyi üçün burada torpaq xüsusi texnologiya ilə bərkidilib və yol yatağının tikintisi zamanı 1,2 milyon ton qaya-daş dolğusundan istifadə olunub.

Ümumilikdə, magistral yol boyu 24 körpü, 66 yeraltı keçid, 25 yolötürücü və yol qovşağı, 4 tunel, 51 kilometr çiyinlərdə suaxıdıcı beton küvetlər tikilib, 5 istirahət parkı salınıb, 166 kilometr ayırıcı zolaqda dəmir-beton təhlükəsizlik və 140 kilometr çiyinlərdə metal mühafizə çəpərləri, suötürücü borular, yol nişanları və göstərici lövhələr quraşdırılıb və yol cizgi xətləri çəkilib.

Ələt-Astara-İran İslam Respublikası ilə dövlət sərhədi yeni avtomobil yolunun digər avtomobil yolları və maneələrlə kəsişməsində müxtəlif səviyyəli yol qovşaqlarının tikilməsi, birləşən və ayrılan yolların sayının azaldılması yolda təhlükəsizliyin təmin edilməsinə maksimum şərait yaradıb. Magistral yol Şimal-Cənub Beynəlxalq Nəqliyyat Dəhlizinin bir hissəsini təşkil edir və yolun tikintisi bu bölgədə turizmin, kənd təsərrüfatının inkişafına və beynəlxalq yükdaşımaların həcminin artmasına müsbət təsir göstərəcək.

Prezident İlham Əliyev Ələt-Astara-İran İslam Respublikası ilə dövlət sərhədi avtomobil yolunun rəmzi açılışını bildirən lenti kəsib.

b_550_325_16777215_00_images_xeber_sekilleri_17sentyabr2018_n31.jpg
b_550_325_16777215_00_images_xeber_sekilleri_17sentyabr2018_n32.jpg
b_550_325_16777215_00_images_xeber_sekilleri_17sentyabr2018_n33.jpg
b_550_325_16777215_00_images_xeber_sekilleri_17sentyabr2018_n34.jpg
b_550_325_16777215_00_images_xeber_sekilleri_17sentyabr2018_n35.jpg
b_550_325_16777215_00_images_xeber_sekilleri_17sentyabr2018_n36.jpg
b_550_325_16777215_00_images_xeber_sekilleri_17sentyabr2018_n37.jpg

14 Dekabr 2018 Bakı Limanı köçürülür
14 Dekabr 2018 Novruz Məmmədov sosial müdafiə ilə bağlı qərarlarda dəyişiklik etdi
13 Dekabr 2018 İlham Əliyev Ərdoğana başsağlığı verdi
11 Dekabr 2018 Həbib Nurməhəmmədovu Azərbaycana dəvət ediblər
08 Dekabr 2018 Qurban Qurbanov istefa verdi - SON DƏQİQƏ
07 Dekabr 2018 Azərbaycanda quş qripi XƏBƏRDARLIĞI
06 Dekabr 2018 Saçı qırxılan gəli̇ni̇n anası: Qızımı belə görəndə şok keçirdim - VİDEO
06 Dekabr 2018 Bakıda daha bir küçədə hərəkət məhdudlaşdırılacaq
04 Dekabr 2018 Bürclər dekabr ayında nə vəd verir? - PROQNOZ
03 Dekabr 2018 Polislər qan verdi - Talassemiyalı və hemofiliyalı xəstələr üçün
03 Dekabr 2018 "Türkiyə NATO-dan ayrılıb Avropa Ordusuna qatılacaq?" - Ərdoğan Argentinada bütün detalları açıqladı
01 Dekabr 2018 Azərbaycana qanunsuz keçirilən külli miqdarda dərman aşkarlanıb - VİDEO
29 Noyabr 2018 FHN-dən Tərtərdəki partlayışla bağlı - Açıqlama
28 Noyabr 2018 DİM sədri: İşimizlə əlaqədar şikayətlər alırıq
28 Noyabr 2018 Aktyorla davası olan məktəb direktoru ilə bağlı sensasiya - VİDEO
28 Noyabr 2018 Bahar Muradova: Təhsilin inkişafını öz üzərinə götürmək dövlətin borcudur
28 Noyabr 2018 Sellofan torbaların istifadəsi tam qadağan olunur - RƏSMİ
28 Noyabr 2018 Bu gün iki rayon susuz qalacaq
27 Noyabr 2018 Ali məktəblərdə ödənişli hazırlıq qrupları yaradılır - QAYDALAR
27 Noyabr 2018 Baş nazirdən siqaret və alkoqollu içkilər barədə vacib qərar