b_550_325_16777215_00_images_xeber_sekilleri_22fevral2019_president_bulvar_180219_10_700x390.jpg
Prezident İlham Əliyev sosial sahədə növbəti inqilabi sərəncamlara imza atıb. Yeni sərəncamlarla Azərbaycan Respublikasının dövlət büdcəsindən maliyyələşən bir çox təşkilatlarda çalışan rəhbər və digər işçilərin, Azərbaycan Respublikası Dövlət Miqrasiya Xidmətinin xüsusi rütbəsi olan əməkdaşlarının, Azərbaycan Respublikası Dövlət Gömrük Komitəsinin xüsusi rütbəsi olan əməkdaşlarının, Azərbaycan Respublikası Fövqəladə Hallar və Müdafiə nazirliklərinin hərbi qulluqçularının (müddətli həqiqi hərbi xidmət hərbi qulluqçuları istisna olmaqla) və xüsusi rütbəsi olan əməkdaşlarının aylıq pul təminatı vəzifə maaşlarının orta hesabla 40 faizi həcmində artırılıb. Sərəncamlar 2019-cu il sentyabrın 1-dən qüvvəyə minir.

Dövlət başçısının digər sərəncamı ilə minimum aylıq əməkhaqqının məbləği 250 manat müəyyən edilib. 

Müşahidələr göstərir ki, Azərbaycanda vətəndaşların sosial müdafiəsinin gücləndirilməsi siyasəti ardıcıl və davamlı xarakter daşıyır. İmzalanan sərəncamlar 2019-cu ilin əvvəlindən başlanğıc götürmüş sosial paket çərçivəsində həyata keçirilir. İlin əvvəlindən bu günə qədər şəhid ailələrinin, məcburi köçkünlərin, Qarabağ əlillərinin və fiziki qüsurlu şəxslərin müavinətləri nəzərəçarpacaq dərəcədə artırılıb. Həmçinin problemli kreditlərlə bağlı məsələ kökündən həll edilib. 2019-cu ilin əvvəlindən prezidentin elan etdiyi sosial paketdən 3 milyona yaxın insan yaralanıb. Bu il ərzində vətəndaşların sosial müdafiəsinin gücləndirilməsi məqsədi ilə onlarla sərəncam imzalanıb. Bu məqsədlər üçün 1.5 milyard manat pul ayrılıb.

Prezidentin minimum əməkhaqqı məbləğini 40 faizə yaxın artırması (minimum əmək haqqı 250 manata çatdırılıb) özəl sektorda çalışan 350 min vətəndaşla yanaşı, dövlət sektorunda Vahid Tarif Cədvəli əsasında əməkhaqqı alan 600 minə yaxın şəxsin əməkhaqqının artımına səbəb olacaqdır.

Ölkə başçısı çıxışlarında daim sosial sahənin gücləndirilməsinə diqqəti daha da artırılacağını bəyan edib. Prezidentdən stat: “Çalışırıq bütün əlavə gəlirlərimizi sosial sahəyə yönəldək ki, vətəndaşların rifah halı daha da yaxşılaşsın, işsizliklə bağlı problemlər daha da yüksək səviyyədə həll olunsun və ölkəmizin dinamik inkişafı təmin edilsin. Əlbəttə buna nail olmaq üçün, ilk növbədə, iqtisadi inkişaf olmalıdır və biz bu məsələ ilə bağlı ciddi məşğuluq”. 

b_550_325_16777215_00_images_xeber_sekilleri_22fevral2019_11111111111111111111111111111111111111111111111111111111111111111111111111111111111111111111111111111111.jpg

Prezident imzaladığı sərəncamlarla "Azərbaycanda dövlət siyasətinin mərkəzində insan amili dayanır" fikirini təsdiq edir. Ölkə başçısı İlham Əliyevin imzaladığı inqilabı sosial paketlər cəmiyyət və siyasətçilər tərəfindən də alqışlanır.

Yeni Azərbaycan Partiyasının Nizami rayon Təşkilatının sədr müavini Ramin Əhmədovun sözlərinə görə, Prezidentin ard-arda imzaladığı sosial paketlər islahatların mövsümi xarakter daşımadığını göstərir: “Ölkə başçısı dəfələrlə bəyan edib ki, Azərbaycan sosial dövlətdir və ölkəmizdə sosial dövlət modeli həyata keçirilir. Maaşların, pensiyaların, müavinətlərin və təqaüdlərin bir il ərzində bir neçə dəfə artırılması əhalinin sosial durumuna ciddi şəkildə təsir edəcək və insanların alıcılıq qabiliyyətini artıracaq. Atılan addımlar həmçinin Azərbaycan əhalisini dünyada baş verən mənfi iqtisadi tendensiyalardan kənarda qoyur. Proseslər göstərir ki, aparılan sosial siyasətin alternativi yoxdur. Ölkəmiz inkişaf, tərəqqi yolunu seçib və elan olunduğu kimi 2019-cu il müasir Azərbaycan tarixində islahat ili kimi yaddaşlara həkk olunacaq”.

Ölkə başçının hakimiyyətə gəldiyi ildə bəyan etdiyi sosial, iqtisadi və siyasi hədəflərinə bir-bir çatdığını deyən Ramin Əhmədov bildirib ki, Azərbaycanın iqtisadi gücü artıqca insanların sosial vəziyyəti daha da yaxşılaşdırılacaq: “Ötən dövr ərzində də bu tip sərəncamlar imzalanıb. Ölkə başçısının 15 illik fəaliyyətini təhlil etsək görərik ki, o, əhalinin sosial vəziyyətinin yaxşılaşdırılmasına daim diqqət göstərib. Yaxın tarixdə prezidentin təşəbbüsü ilə bir çox sosial layihələr həyata keçirilib. Hazırda imzalanan sərəncamlar həmin islahatlar paketinin davamıdır”.

b_550_325_16777215_00_images_xeber_sekilleri_22fevral2019_111111111111111111111111111111111111111111111111111111111111111111111111111111111111.jpg

Ramin Əhmədov bildirib ki, dünyanın bir çox ölkələri maliyyə çatışmazlığı ilə üzləşdiyi bir vaxtda Azərbaycanda ard-arda sosial sərəncamların imzalanması ölkəmizin iqtisadi gücünün göstəricisidir: “Regionumuza nəzər yetirək. Sərhədlərimizdəki bəzi ölkələrdə iqtisadi və siyasi gərginlik hökm sürür. Belə bir dövrdə Azərbaycan sabitlik, çiçəklənmə adası kimi dünyaya nümunə göstərilir. Müşahidələr göstərir ki, böhran səbəbindən bir çox dövlətlərdə əhalinin sosial təminatı ilə bağlı həyata keçirilən layihələr təxirə salınır. Hətta maaş və pensiyalar azaldılır. Azərbaycanda isə əksinədir. Demək olar ki, hər ay Prezident əhalini sevindirir. Bütün bu faktlar göstərir ki, İlham Əliyev daim vətəndaşı düşünür, onun sosial problemlərinin kökündən həll olunması üçün addımlar atır”.

YAP rəsmisi vurğulayıb ki, Prezidentin imzaladığı sosial layihələr siravi vətəndaşın daha təminatlı gələcəyə inamını artırır: “Mən YAP təmsilçisi kimi daim vətəndaşlarla söhbət edirəm. Xalqın ölkə başçısına inamı sonsuzdur. Prezidentin imzaladığı sosialyönümlü sərəncamları əhali sevinclə qarşılayır. Siravi vətəndaş bilir ki, dövlət vətəndaşının yanındadır. Bütün atılan addımlar xalqla iqtidarin birliyini daha da möhkəmləndirir. Xalq əmindir ki, Prezident İlham Əliyevin başçılığı ilə Azərbaycan daha böyük iqtisadi və siyasi uğurlara imza atacaq”.


Missiya.Az

15 İyul 2019 Şəki Xan Sarayında yaralananlardan biri vəfat etdi
15 İyul 2019 “Azərbaycanda yaşayan xalqları yaxından tanıyaq” - VİDEO
14 İyul 2019 Budağı qırılan Xan çinarın tarixi - Gövdəsi 7.3, hündürlüyü 34 metr...
12 İyul 2019 "Heydər Əliyevin hakimiyyətə gəlməsi ilə Azərbaycanda intibah mərhələsi başladı" - Ramin Əhmədov
12 İyul 2019 Masallıda baş verən dəhşətli qəzanın tükürpərdici məqamları - VİDEO
11 İyul 2019 Mehriban Əliyeva Yalçın Rzazadə ilə bağlı tapşırıq verdi
11 İyul 2019 Prezident Rəsulzadənin nəvəsini təltif etdi
10 İyul 2019 Diaspor Gənclərinin II Yay Düşərgəsinin açılışı olub - VİDEO
10 İyul 2019 İstanbuldan Bakıya gələn avtobus qəzaya düşdü
10 İyul 2019 “Pişik sıçanla oynayır və hər an udmağa hazırdır” - Saakaşvili
10 İyul 2019 Mərkəzi Gömrük Hospitalının əməkdaşları Türkiyədə təkmilləşdirmə kursu keçir
09 İyul 2019 Rusiyadan Gürcüstana qarşı sanksiya qərarı
09 İyul 2019 8 nəfərin öldüyü qəzadan sağ çıxan sürücü danışdı - VİDEO
09 İyul 2019 Vüqar Zifəroğlunun "Sirr"i
09 İyul 2019 Leyla Əliyeva “Bizim həyət” layihəsi çərçivəsində növbəti açılışı etdi - FOTO
08 İyul 2019 FHN çimərliklərlə bağlı ƏHALİYƏ MÜRACİƏT ETDİ - XƏBƏRDARLIQ
08 İyul 2019 Sürücü səhlənkarlığı: ara məsafəsi saxlamamağın aqibəti - VİDEO
08 İyul 2019 Gürcüstanın "Rustavi 2" televiziya kanalı müvəqqəti yayımı dayandırıb
05 İyul 2019 Ağsaqqallar Şurası ilə "Azərbaycan" qəzeti Heydər Əliyevə həsr olunmuş konfrans keçirib - Foto
04 İyul 2019 Nadir Qafarzadə və Elton Hüseynəliyev də səfir oldu