AZ   |   RU
ABŞ-da süni zəka dronu öz operatorunu öldürmək istəyib


ABŞ-da imitasiya sınaqları zamanı süni zəka ilə idarə edilən Hərbi Hava Qüvvələrinə məxsus pilotsuz uçuş aparatı onun tapşırığı yerinə yetirməsinə mane olan operatoru öldürmək qərarına gəlib.

Missiya.Az “The Guardian” qəzetinə istinadla xəbər verir ki, Hərbi Hava Qüvvələrinin sınaqlar və süni zəka əməliyyatları şöbəsinin polkovniki Taker Hamiltonun sözlərinə görə, təhlükənin müəyyən olunmasına baxmayaraq, operatorun onu məhv etməmək barədə əmri dronu qane etməyib. Nəticədə o, operatoru öldürməyə qərar verib.

Bu, amerikalı hərbçilərin süni zəkanı döyüş maşınında tətbiq etdiyi ilk sınaqlar deyil. Birləşmiş Ştatlar bu yaxınlarda həmin texnologiyanı F-16 təyyarələrində də sınaqdan keçirib.

Uzun müddətdir ki, həm siyasətçilər, həm də iri şirkətlərin başçıları süni zəka sahəsində tənzimləmələrin həyata keçirilməsinə çağırır. Amerikalı məşhur iş adamı İlon Mask da öz növbəsində texnologiyanın insanlar üçün təhdid yarada biləcəyini nəzərə alaraq süni zəka üzərində dövlət nəzarəti tətbiq etməyin vacibliyini bildirib.

Zərintac Mayisqızı
Missiya.Az


  • 2-06-2023, 14:33