AZ   |   RU
Paşinyan-Sarkisyan siyasi çəkişməsi başlayır - Prezidenti istefasının sirri açılır

Ermənistan prezidenti Armen Sarkisyanın istefası erməni cəmiyyətində geniş müzakirələrə səbəb olub. 

Missiya.Az
xəbər verir ki, analitiklər və nüfuzlu media orqanları Sarkisyanın istefası ilə bağlı müxtəlif fikirlər irəli sürürlər və qərarın səbəblərini müəyyənləşdirməyə çalışırlar. 

“1in.am” saytında dərc olunan yazıda müəllif Armen Sarkisyanın istefasını “gözlənilməz” adlandırıb. 

Sitat: “Armen Sarkisyanın istefası gözlənilməz qərardır. Ən azından ona görə ki, cəmi bir neçə gün əvvəl Armen Sarkisyan Birləşmiş Ərəb Əmirliyində (BƏƏ) işgüzar səfərdə olub. Sarkisyan həm BƏƏ-nin rəhbərliyi, həm də işgüzar dairələri ilə görüş keçirib, Ermənistana yeni investisiya perspektivlərini müzakirə edib. Səfərdən sonra Armen Sarkisyanın tibbi müayinələrdən keçmək üçün qısamüddətli məzuniyyətə getdiyi barədə xəbər yayıldı. O Ermənistandan kənarda istefa verib və daha sonra istefasını elan edib”, - sitatın sonu.

Müəllif yazır ki, Armen Sarkisyan baş nazir Nikol Paşinyanın arasında narazılıqların olacağı ilə bağlı şayiələr yayılacaq. 

Sitat: “Sosial şəbəkələrdə prezidentin istefası ilə bağlı tənqidlər səsləndirilir. Armen Sarkisyanın konkret səbəbi nədir? Paşinyanlar Sarkisyanın bir çox məsələlərlə bağlı fikir ayrılığı var. Hətta Nikol Paşinyan son mətbuat konfranslarından birində bu barədə danışıb və Sarkisyanla fikir ayrılığının olduğunu etiraf edib. Təbii ki, Paşinyan parlament modelinin saxlanmasının, Armen Sarkisyan isə yarı-prezident modelinin bərpasının tərəfdarı olduğunu bildirir. Amma bu fikir ayrılıqları o həddə çatmadı ki, gözlənilməz istefa baş versin”, - sitatın sonu.
 
Armen Sarkisyanın Konstitusiya dəyişikliyindən sonra siyasi komandası ilə prezident postu uğrunda mübarizə aparmaq üçün istefaya getməsi ilə bağlı xəbərlərin də olduğunu qeyd edən müəllif yazır ki, Sarkisyanın hələ ki belə bir məsələyə eyham vurmayıb.
 
Sitat: “Ola bilsin ki, yaxın vaxtlarda bu haqda danışsın. Təbii ki, prezidentin istefasına siyasi rəhbərlik, xüsusilə də, yanvarın 24-də mətbuat konfransı təyin edən Nikol Paşinyan səviyyəsində necə reaksiyanın olacağı maraqlıdır. Şübhə yoxdur ki, Sarkisyanın istefası ilə əlamətdar yenidənqurma dövrü yaxınlaşır. Sual olunur ki, daxili reallıqlar və xarici çağırışlar səbəbindən siyasi yenidənqurma dövrünün arxasında hansı motivlər dayanır?” - sitatın sonu. 

Elvin
Missiya.Az


  • 24-01-2022, 16:37