İran Rusiyaya “Fateh-110” və “Zülfiqar” raketlərini göndərəcək.
Missiya.Az Türkiyə KİV-nə istinadən xəbər verir ki, bu barədə “The Washington Post” qəzeti məlumat yayıb.
Məlumatda bildirilir ki, Moskvanın Ukraynada başlatdığı müharibə yeni miqyas aldıqca, İran kamikadze PUA-larından sonra Rusiya ordusuna raketlər verməyə hazırlaşır.
“Tehran administrasiyasının nümayəndələri sentyabrın 18-də Moskvada Rusiya rəsmiləri ilə görüşüb və yeni yüklərin tədarükü məsələsini müzakirə edib. Buna uyğun olaraq İran Rusiyaya 300/700 kilometr mənzilli “Fateh-110” və “Zülfiqar” raketlərini göndərməyə hazırlaşır. Əgər daşınma baş tutarsa müharibə başlayandan bəri Rusiyaya bu cür raketlərin ilk çatdırılması olacaq” - deyə məlumatda vurğulanıb.
Qeyd edək ki, avqust ayında ortaya çıxan ilk kəşfiyyat məlumatlarına görə İran Rusiyaya “Muhacir-6” və “Shahed” seriyalı PUA-ları göndərib.
Daşqın Həsənov
Missiya.Az