Xəbər verdiyimiz kimi, Xalq artisti Alim Qasımov məclislərdən birində rep deyib. 

Missiya.Az-ın əldə etdiyi məlumata görə, xanəndənin bu addımı isə ötən gündən sosial şəbəkədə müzakirələrə səbəb olub. İnsanların əksəriyyəti A.Qasımovu buna görə tənqid ediblər. 

Müğənni Nura Suri bununla bağlı sosial şəbəkələrdə yazılan tənqidlərə sərt reaksiya bildirib: 

"Alim Qasımovun toydakı görüntüləri yayılıb. Cəmiyyətimiz də tökülüşüblər şərhlərdə ağızlarına gələni yazıblar. Elə bil oturub gözləyirlər ki, kimsə nəsə etsin, bunlar da klaviatura “qəhrəmanları” öz zəhərlərini töksünlər şərhlərə. Yaşlı insan əylənə bilməz? Zarafat edə bilməz? Elə bil ki, hamı hakimdi, həyat da məhkəmə. Qınanılası o qədər mühüm məsələlər var ki, onları görməzdən gəlməkdən bezmirsiniz, amma insanları əyləndiklərinə görə rahatlıqla təhqir edə bilirsiniz. Bir özünüzə də baxın, niyə bu qədər nifrəti içinizdə bəslədiyiniz səbəblərini də axtarın".