“Ermənistanın Baş naziri Nikol Paşinyan Kipr Nümayəndələr Palatasının sədri Anita Dimitriunun başçılıq etdiyi nümayəndə heyətini qəbul edib.

Missiya.Az Armenpress”ə istinadən xəbər verir ki, bu barədə Ermənistan Respublikasının Baş nazirinin ofisi məlumat yayıb.

Bildirilib ki, görüş zamanı Ermənistan və Kipr arasında ikitərəfli əməkdaşlığın gündəliyində duran bir sıra məsələlər, o cümlədən iqtisadi əlaqələrin inkişafı, investisiya imkanları, çoxsahəli əməkdaşlığın genişləndirilməsi müzakirə olunub.

Həmsöhbətlər həmçinin regional və beynəlxalq gündəmdə olan bir sıra məsələləri müzakirə edib, ümumi maraq doğuran hadisələrə və əməkdaşlıq imkanlarına toxunublar.

Qeyd olunub ki, bundan əlavə Paşinyan və Dimitriu Ermənistan və Azərbaycan arasında sülh prosesi ilə bağlı fikir mübadiləsi aparılıb və bu kontekstdə Cənubi Qafqazda sülhün bərqərar olması və sabitliyin qorunmasının vacibliyi vurğulanıb.

Daşqın Həsənov
Missiya.Az