Türkiyə Maarif Vəqfi və Türkiyə Texnologiya Komandası Fondunun (T3 Fondu) birgə əməkdaşlığı ilə Azərbaycan Beynəlxalq Maarif Məktəblərinin Gənclik kampusunda yaradılmış “Bilim Maarif” atelyesinin açılış mərasimi keçirilib.

Missiya.Az xəbər verir ki, tədbirdə Türkiyənin Azərbaycandakı fövqəladə və səlahiyyətli səfiri, professor Birol Akgün, Türkiyə Texnologiya Komandası Fondunun (T3 Fondu) direktorlar şurasının sədri Əlvan Kuzucu, həmçinin elm və texnologiya sahəsində fəaliyyət göstərən digər nüfuzlu qonaqlar iştirak ediblər.

Açılış mərasimində çıxış edən səfir Birol Akgün Türkiyə və Azərbaycan arasında təhsil və texnologiya sahəsində əməkdaşlığın əhəmiyyətini vurğulayıb. O fürsətdən istifadə edərək milli mətbuatımızın 150 illiyi ilə bağlı bütün jurnalistlərimizi təbrik edib, uğurlar arzulayıb.

Qeyd edək ki, müasir avadanlıqlarla təchiz olunan “Bilim Maarif” atelyesi gənclərin texnoloji biliklərini inkişaf etdirmək və innovativ düşüncə tərzini təşviq etmək məqsədi daşıyır.

Zərintac Mayisqızı
Missiya.Az