Çinlə Azərbaycan arasında möhkəm diplomatik və mədəni əlaqələr mövcuddur. Çin böyük iqtisadi potensiala malik qüdrətli ölkələrdən biridir. Hazırda bir sıra göstəricilərə görə Çin iqtisadiyyatı dünyanın birincisi də hesab olunur.

Missiya.Az xəbər verir ki, bunu Türk Ağsaqqalları İctimai Birliyi – TAİB-in təsisçisi, Missiya Media Qrupunun rəhbəri Ramin Əhmədov özünün facebook səhifəsində yazıb. 

Ramin Əhmədov qeyd edib ki, Azərbaycanın da Çinlə bütün sahələr üzrə sıx əməkdaşlıq əlaqələri mövcuddur və Cənab Prezidentin Çinə budəfəki səfəri, orada imzalanan sənədlər ölkələrimiz arasında əlaqələri yeni mərhələyə çıxaracaq.

"Dünyanın bütün ölkələri ilə qarşılıqlı surətdə faydalı əməkdaşlıq yaratmaq prinsiplərini rəhbər tutan Azərbaycan Respublikasının Prezidenti, cənab İlham Əliyevin Çinlə münasibətləri daha da dərinləşdirməsi, həm geosiyasi müstəvidə mövqelərimizi gücləndirəcək, həm də iqtisadiyyatımıza böyük töhfələr vermiş olacaq", - deyə TAİB təsisçisi bildirib.

Nurlana Əhmədova
Missiya.Az