“Azərbaycan və İran bir bədənin hissələridir. Sərhədin hər iki tərəfindəki xalqların minilliklərə söykənən və dərin dostluqlara əsaslanan geniş qarşılıqlı maraqları var”.

Missiya.Az “ISNA” agentliyinə istinadən xəbər verir ki, bu sözləri İran Prezidenti Məsud Pezeşkian hökumətin iclasında deyib.

Onun sözlərinə görə, iki ölkənin qarşılıqlı əlaqələrinin imkanların çox genişdir:

“İki ölkə arasında mövcud münasibətlərin bərpası prosesi davam etdikcə, tezliklə münasibətlərin və əməkdaşlığın sürətli və ciddi yüksəlişinin şahidi olacağıq”, - deyə siyasətçi vurğulayıb.

Qeyd olunub ki, iclasda iştirak edən nazirlər Azərbaycanla əməkdaşlığın son vəziyyətini və müvafiq sahələrdə əlaqələrin genişləndirilməsi üçün aparılan məsləhətləşmələr barədə məlumat veriblər. 

Daşqın Həsənov
Missiya.Az