“ABŞ Prezidenti Donald Trampın hərbi vasitələri və zərbə təhdidləri İranın nüvə problemini həll edə bilməz”.

Missiya.Az xəbər verir ki, bu barədə İranın xarici işlər naziri Abbas Əraqçi özünün “X” sosial media hesabında paylaşım edib.

“Hər kəsə aydın olmalıdır ki, tərifə görə, “hərbi həll” bir yana, “hərbi variant” deyə bir şey yoxdur”, - deyə siyasətçi vurğulayıb.

O xatırladıb ki, bölgəmizdə ABŞ-nin əvvəlki administrasiyalarına 7 trilyon dollardan çox başa gələn fəlakətli uğursuzluqlar kifayət qədər sübutdur.

"ABŞ Prezidentinin 2015-ci il nüvə sazişi xoşuna gəlməyə bilər. Lakin o, İranın bir mühüm öhdəliyini özündə saxlayır və bu öhdəlikdən hətta sazişdən çıxmış ABŞ də faydalanır. İran təsdiq edir ki, heç bir halda heç bir nüvə silahı axtarmayacaq, inkişaf etdirməyəcək və ya əldə etməyəcək", - deyə Əraqçi bildirib. 

O əlavə edib ki, İranın nüvə proqramı üzrə Birgə Hərtərəfli Fəaliyyət Planının imzalanmasından on il və ABŞ-nin ondan çıxmasından 7 il sonra, Vaşinqtonun Tehranın öhdəliklərini pozduğuna dair zərrə qədər dəlil yoxdur.

Xatırladaq ki, bundan əvvəl ABŞ Prezidenti Donald Tramp Tehranın Vaşinqtonla İranın nüvə proqramı ilə bağlı razılığa gəlmədiyi təqdirdə, İranı bombardmanlarla və ikinci dərəcəli rüsumlarla hədələyib.

İranın ali dini lideri Əli Xamenei isə Trampın təhdidlərinə cavab verərək bəyan ki, o, ABŞ-nin hərbi müdaxiləsi ehtimalına inanmır, lakin Vaşinqton İslam Respublikasında iğtişaşlar törətməyə çalışarsa, sərt cavab alacaq.

Daşqın Həsənov
Missiya.Az