“Fransa Rusiya-Ukrayna münaqişəsinin həlli ilə bağlı ABŞ və Ukrayna arasında nadir torpaq metallar üzrə danışıqların bir hissəsi olmaq istəyir”. 

Missiya.Az xəbər verir ki, bunu Fransanın müdafiə naziri Sebastyan Lekornu “Franceinfo radiostansiyası”na müsahibəsində deyib.

O bildirib ki, Paris 2024-cü ilin oktyabr ayından Ukraynanın mineral ehtiyatlarının Fransanın müdafiə sənayesi üçün istifadəsi ilə bağlı Kiyevlə danışıqlar aparır.

Onun sözlərinə görə, Ukrayna prezidenti Volodimir Zelenski nadir torpaq metallarının istismarı mövzusunu özünü qələbə planına daxil edib və təkcə ABŞ-yə deyil, Fransaya da bir sıra təkliflər verib.

“ABŞ və Ukrayna arasında bu razılaşmanın bağlanması lazımdır. Ancaq bilməlisiniz ki, mən özüm ukraynalı həmkarımla müdafiə sektoruna olan ehtiyaclarımızı müzakirə edirəm. Müdafiə sənayemizə resurs lazım olacaq. Biz təzminat Ukraynadan axtarmırıq. Lakin müdafiə sistemimizin qarşıdakı 30-40 il üçün silah sistemimizin açarı olan resurslara ehtiyacı var”, - deyə siyasətçi vurğulayıb.

Lekornu qeyd edib ki, o, Fransa prezidenti Emmanuel Makrondan da ABŞ və ukraynalılar arasında müzakirələrə qoşulmasını istəyib.  

Daşqın Həsənov
Missiya.Az