Türk Ağsaqqalları İctimai Birliyi – TAİB-in İdarə Heyətinin üzvləri Gəncə şəhərinə səfər çərçivəsində bu şəhərdə ali təhsil alan TAİB-in Gənclər Təşkilatının fəalları ilə görüşüblər.

Missiya.Az xəbər verir ki, Yeni Azərbaycan Partiyasının Gəncə Şəhər Təşkilatının qərargahında keçirilən görüşdə İdarə Heyəti üzvləri gənclərə TAİB-in hədəflərindən, gələcək planlarından və gənclərin üzərinə düşən vəzifələrdən danışıblar.

Prezident İlham Əliyevin uğurlu gənclər siyasətindən söz açan TAİB təmsilçiləri gənc nəslin vətənpərvərlik ruhunda yetişməsi, milli-mənəvi dəyərlərə bağlılığı və dövlətin maraqları ətrafında sıx birləşməsinin vacibliyini önə çəkib və bu istiqamətlərin TAİB-in fəaliyyətində prioritet təşkil etdiyini qeyd ediblər. Daha sonra TAİB sədrinin müavini Eyvaz Hünbətov TAİB Gənclər təşkilatının Gəncədəki təmsilçilərinə yeni üzvlük vəsiqələrini təqdim edib.

Bununla yanaşı TAİB İdarə Heyətinin üzvləri təşkilati işlərdə fəallıq göstərən gənclərə fəxri fərmanlar təqdim ediblər.



Zərintac Mayisqızı
Missiya.Az