Müğənni Mətanət Əsədova qonaq olduğu “Tarixin bir günü” verilişində diqqətçəkən açıqlamalar edib.

Missiya.Az xəbər verir ki, ifaçı ona böhtan atan bir müğənninin səhərə sağ çıxmadığını deyib:

“Efirdə çalışanlar imkan vermədilər ki, el şənliyində oxuduğumun bir faizini efirdə oxuyum. Onlar məni proqrama çağırıb nələrsə ortalığa atdılar. Bu da məni efirə dəvət edən aparıcıların məndən xoşu gəlməyən “müğənnicik” dostlarının olmasından irəli gəlirdi. Məni istəməyən bir müğənni vardı. O və aparıcı söhbət ediblər. Mənə də xəbər çatdı ki, səhərə sənin torban tikilir, xəbərin yoxdur. Dedim ki, zərər yoxdur. Səhər açıldı səhər verilişi idi, orada yemək bişirilirdi. Həmin müğənni onu kənara çəkib reklam arasında nələrsə dedi. Bir sözlə onun qulağını doldurdu. Reklamlardan sonra aparıcı efirdə dedi ki, sabah sizə elə bir fakt açıqlayacağam ki... Təbii ki, şantaj və böhtan idi. Məndə evdə divanda əyləşib, onlara baxırdım. Onun bu sözlərinə dedim ki, səhərə bilmək olmaz mən, sən yoxsa yanındakı çıxacaq... Səhər həmin o müğənni öldü. Məni o qədər ləkələmək və böhtan atmaq istəyirdilər”.

Zərintac Mayisqızı
Missiya.Az