“Rusiya Prezidenti Vladimir Putin sülhə nail olmaq əvəzinə öldürməyə davam etmək və yeni genişmiqyaslı işğal hazırlamaq məqsədilə fasilə əldə etmək üçün hər şeyi edir”.

Missiya.Az xəbər verir ki, bunu Ukrayna Prezidenti Volodimir Zelenski deyib.

"Bu gün Putin bir daha təsdiqlədi ki, o, danışıqlardan və güclü liderlərdən qorxur, o cümlədən müharibəni uzatmaq üçün əlindən gələni edir. Onun hər bir hərəkəti müharibəni sonsuz etmək məqsədi daşıyır", - deyə siyasətçi vurğulayıb.

Zelenski bildirib ki, indi real sülhə nail olmaq şansı var, lakin Putin bundan yayınır:  

“Putin qlobal sabitliyi pozmaq üçün əhəmiyyətli imkanlara malikdir, lakin o, güclü liderlərin real təzyiqlərinə tab gətirə bilməyəcək qədər zəifdir. Buna görə də biz qətiyyətlə və birlik içində hərəkət etməliyik. Əgər Rusiya buna məcbur edilərsə, əsl sülh mümkündür”, - deyə Ukrayna lideri əlavə edib.

Daşqın Həsənov
Missiya.Az