Qadınların hərbi xidmətə cəlb edilməsi prosesi son dərəcə ləng gedir. 

Missiya.Az erməni mediasına istinadən xəbər verir ki, bu barədə Ermənistanın baş naziri Nikol Paşinyan yanvarın 16-da hökumətin iclasında bildirib. 

“Çətinliklərin olduğu aydındır. Amma etiraf etməliyik ki, əhalimizin əksəriyyətini qadınlar təşkil edir. Əgər biz onların potensialından tam istifadə etməsək, o zaman ölkəmizin inkişaf yolunu bağlayacağıq”, -deyə Paşinyan bildirib. 

O, müdafiə naziri Suren Papikyandan orduda xidmət edən qadınlarla bağlı vəziyyətin necə olduğunu soruşub və sonuncu belə cavab verib: 

“Bizim yaxşı nəticələrimiz var, heç bir irəliləyişin olmadığını da deyə bilmərik. Hərbi xidmətə könüllü getməyə razı olmayan bir nəfər də olsun çağırışçı olmayıb. Hər çağırış üçün bir neçə qadınımız olur, onlar xidmətini davam etdirir”. Cavabında Paşinyan vurğulayıb: “Ancaq bizə həndəsi irəliləyiş lazımdır, ən azı 50-100 nəfərlik göstəriciyə çatmaq lazımdır. Bəli, stereotiplərlə bağlı problemimiz var. Bu istiqamətdə hərəkət etmək üçün bizə aqressiv nəsə lazımdır”.

Elcan
Missiya.Az