"Media Savadlılığı" Həftəsi çərçivəsində "Dezinformasiya dövründə etibarlı məzmunun yaradılması" mövzusunda vebinar başlayıb.

Missiya.Az xəbər verir ki, vebinarda spiker qismində Medianın İnkişafı Agentliyinin İcraçı direktorunun müavini Natiq Məmmədli çıxış edib.

O çıxışında bildirib: "Bilirik ki, dezinformasiya media etikası ilə bir araya gəlmir. Bəzi media qurumları bunu bildikləri halda, bu səhvə yol verirlər. Yalan və doğru xəbər arasındakı fərqləri gənclər bilsələr, dezinformasiyaların yayılması da azalar. Prezident İlham Əliyev də çıxışlarında "Media Savadlılığı" məsələsinə həmişə toxunub. Hansı media qurumlarının yalan, qərəzli məlumatlar paylaşdığını dilə gətirib - “Washington Post”, “New York Times”, “Figaro” və “Le Monde”. Hansı ki, onların COP29 dövründə də Azərbaycana qarşı təxribat xarakterli informasiyalar paylaşdıqları hamımıza məlumdur".

Natiq Məmmədli əlavə edib ki, "Media Savadlılığı" daha da yüksəldilməlidir:

"Çünki hər gün dezinformasiyalara məruz qalan cəmiyyətik. Cəmiyyətə obyektiv, keyfiyyətli xəbər təqdim etməliyik. Buna həm bizim, həm də xarici media subyektləri riayət etməlidir".

Zərintac Mayisqızı
Missiya.Az