ABŞ hakimiyyəti Gürcüstanda yüksək rütbəli məmurlar və deputatlar da daxil olmaqla 20-ə yaxın şəxsə demokratik normaları pozduqları üçün viza məhdudiyyəti qoyur, həmçinin əlavə sanksiyalar da hazırlanır. 

Missiya.Az xarici mediaya istinadən xəbər verir ki, bu barədə ABŞ Dövlət Departamentinin mətbuat xidmətinin rəhbəri Metyu Millerin yazılı bəyanatında deyilir. 

Sənəddə qeyd olunur: “Dövlət Departamenti bu gün Gürcüstanda demokratiyanın pozulmasına görə məsuliyyət daşıyan və ya bu prosesdə iştirak edən şəxslərə vizaların qadağan edilməsi üçün viza məhdudiyyətləri siyasəti çərçivəsində əlavə tədbirlər elan edir. Bugünkü tədbirlər hökumətdə nazir vəzifələrində çalışanlar, parlament üzvləri, hüquq-mühafizə və təhlükəsizlik orqanlarının əməkdaşları, habelə fərdi şəxslər də daxil olmaqla, təxminən 20 nəfəri əhatə edəcək". 

Sanksiyaya məruz qalanların adları və konkret vəzifələri açıqlanmayıb. 

Elcan
Missiya.Az