Ukrayna prezidenti Volodimir Zelenski amerikalı həmkarı Co Baydenə zəng edərək ölkəsinin NATO-ya dəvət olunması məsələsini müzakirə etmək niyyətindədir.

Missiya.Az "Ukrinform"a istinadən xəbər verir ki, bu barədə siyasətçi Kiyevdə Almaniya kansleri postuna namizəd Fridrix Merts ilə görüşdən sonra jurnalistlərə müsahibəsi zamanı məlumat verib.

“NATO-ya dəvət məsələsinə gəlincə, ABŞ-nin yeni seçilmiş prezidenti Donald Trampla bunu danışmaq çətindir, çünki o, hələ Ağ Evdə deyil və onun qərar vermək üçün qanuni hüquqları yoxdur. Yeri gəlmişkən, mən yaxın vaxtlarda Baydenə zəng etmək niyyətindəyəm, əgər Ağ Ev rəhbərinin imkanı olsa, onunla danışacam və NATO-ya dəvət məsələsini qaldıracağam, çünki o, hazırda ABŞ-nin prezidentidir və tutduğu mövqedən çox şey asılıdır. Trampın bu gün Ağ Evdə olmadığı halda onla bu kimi məsələni müzakirə etməyin mənası yoxdur”, - deyə siyasətçi bildirib .

Daşqın Həsənov
Missiya.Az