Ağız və diş baxımı qeyri-kafi olduqda dişlərimiz saralmağa başlayır. Saralma baş verdikdə, diş pastası və ya ağız qarqarasının istifadəsi dişləri ağartmaq üçün çox vaxt kifayət etmir. Ona görə də təbii üsullardan kömək ala bilərsiniz.

Soda (çörək sodası) - Ağız baxımında sodadan istifadə dişlərin qısa müddətdə ağardılmasını təmin edir. Bu üsulu tətbiq etmək üçün sodanı su ilə qarışdıraraq pasta əldə edə və dişlərinizi fırçalamaq üçün istifadə edə bilərsiniz. Adi diş pastasının üzərinə də soda tökmək olar. Dişlərinizi həftədə 2-3 dəfə soda ilə fırçalamaq kifayətdir.

Çiyələk - O qədər də bilinməyən diş ağartma vasitələrindən biridir. Tərkibində alma turşusu var. Çiyələyi əzib pasta halına gətirin və fırça ilə dişlərinizə sürtün.

Banan qabığı - İlk dişinizi fırçalayın, sonra bu meyvənin qabıqları ilə dişinizi masaj edin.

Yerkökü - dilim şəklində doğrayın, sonra dişlərinizə sürtün.

Alma sirkəsi - eyni miqdarda alma sirkəsi və suyu qarışdırın. Qarışımla ağzınızda çalxalayın.

Sözügedən prosesləri bir neçə dəqiqə etdikdən sonra ağzınızı yaxalayın.

Zərintac Mayisqızı
Missiya.Az