Yaxın Şərqdə raketləri və Pilotsuz Uçuş Aparatlarını (PUA) vurmaq üçün istifadə edilən çoxlu sayda bloklama raketi ABŞ-nin Sakit okeandakı hərbi hazırlığı ilə bağlı narahatlıqları artırır.

Missiya.Az xəbər verir ki, bu barədə “The Wall Street Journal” nəşri məlumat yayıb.

ABŞ-nin bəzi hava hücumundan müdafiə raketlərinin sayının azalması Pentaqonun Yaxın Şərq və Avropada davam edən müharibələrə və Sakit okeanda mümkün münaqişələrə cavab verməyə hazır olması ilə bağlı suallar yaradır. İsrail və ABŞ-nin digər müttəfiqləri İran və onun dəstəklədiyi milislər tərəfindən atılan raketlərin və PUA-ların artan təhlükəsi ilə üzləşdiyi üçün Yaxın Şərqdəki böhranın genişlənməsi zamanı bloklama raketləri sürətlə ən çox axtarılan sursata çevrilir. İsrailin İrana qarşı təşkil etdiyi və ABŞ rəsmilərinin Tehranın yeni bir hücum dalğasını tətikləyə biləcəyindən narahat olduğu hücumlardan sonra bu çatışmazlıq daha da aktuallaşa bilər.

Zərintac Mayisqızı
Missiya.Az