Hindistan daha çox Çin və Pakistan hərbi gəmilərinin və sualtı qayıqlarının Hind okeanında patrul missiyası yerinə yetirməsi ehtimalını gözləyərkən, Dehli nüvə enerjisi ilə işləyən sualtı qayıqlar parkını gücləndirir.

Missiya.Az xarici KİV-ə istinadən xəbər verir ki, hökumət ilk iki 6000 tonluq gəminin inşası üçün 4,8 milyard dolları təsdiqlədikdən sonra Hindistan indi yeni hücum sualtı qayığı (SSN) sinfi üzərində işləyir. Yerli medianın məlumatına görə, sualtı qayıqların məzmununun 90%-dən çoxu yerli istehsal ediləcək və Hindistan Hərbi Dəniz Qüvvələri üçün bu sinifdə son olaraq 6 SSN planlaşdırılır.

Sualtı qayıqlar dəniz qüvvələrinə Çinin Hind okeanındakı fəaliyyətini izləməyə və Malakka boğazı, Ədən körfəzi və Fars körfəzi kimi strateji su yollarına nəzarət etməyə kömək edəcək. Çinin Hind okeanında dəniz varlığı 2008-ci ildən bəri davam edən Ədən körfəzində dəniz quldurluğu əleyhinə rotasiyaları səbəbindən artmaqdadır.

Zərintac Mayisqızı
Missiya.Az